பிஎம்டபிள்யூ நிறுவனம் இந்திய சந்தையில் தனது M340i செடான் மாடலை அப்டேட் செய்தது. புதிய பிஎம்டபிள்யூ காரின் விலை ரூ. 74.9 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்த மாடல் மேம்பட்ட இன்டீரியர் மற்றும் புதிய நிறங்களில் கிடைக்கிறது. இத்துடன் அடாப்டிவ் ஏர் சஸ்பென்ஷன் ஸ்டான்டர்டு அம்சமாக வழங்கப்படுகிறது.
அதன்படி புதிய பிஎம்டபிள்யூ கார்- ஆர்க்டிக் ரேஸ் புளூ, ஃபயர் ரெட், பிளாக் சஃபையர், டான்சனைட் புளூ மற்றும் டேவிட் கிரே என ஐந்து வித நிறங்களில் கிடைக்கிறது. உள்புறத்தில் 14.9 இன்ச் இன்ஃபோடெயின்மென்ட் ஸ்கிரீன், 12.3 இன்ச் டிஜிட்டல் இன்ஸ்ட்ரூமென்ட் பேனல் வழங்கப்படுகிறது. இத்துடன் ஏசி வென்ட்கள் ரிடிசைன் செய்யப்பட்டுள்ளது.
இந்த காரில் 3.0 லிட்டர் 6 சிலிண்டர், டர்போ பெட்ரோல் எஞ்சின் மற்றும் 48 வோல்ட் மைல்டு ஹைப்ரிட் சிஸ்டம் வழங்கப்படுகிறது. இத்துடன் 8 ஸ்பீடு ஆட்டோமேடிக் கியர்பாக்ஸ் வழங்கப்படுகிறது. இந்த யூனிட் 369 ஹெச்பி பவர், 500 நியூட்டன் மீட்டர் டார்க் இழுவிசையை வெளிப்படுத்துகிறது. இந்த கார் மணிக்கு 100 கிலோமீட்டர் வேகத்தை 4.4 நொடிகளில் எட்டிவிடும்.
