நிபந்தனைகளா? எதிர்பார்ப்புகளா? - கவனம் ஈர்க்கும் கட்டா குஸ்தி பட முதல் புரோமோ

இயக்குனர் செல்லா அய்யாவு இயக்கத்தில் நடிகர் விஷ்ணு விஷால் நடித்துள்ள திரைப்படம் 'கட்டா குஸ்தி'. இதில் நடிகை ஐஸ்வர்யா லட்சுமி கதாநாயகியாக நடித்துள்ளார். இந்த திரைப்படம் தமிழ்-தெலுங்கு என இருமொழிகளில் வெளியாக உள்ளது.

'கட்டா குஸ்தி' படத்துக்கு ஜஸ்டின் பிரபாகரன் இசையமைத்திருக்கிறார். இப்படத்தின் படப்பிடிப்பு ஒரு மாதத்திற்கு முன்பே முடிவடைந்த நிலையில், தற்போது போஸ்ட் புரொடக்ஷன் பணிகள் நடைபெற்று வருகின்றன. 'கட்டா குஸ்தி' திரைப்படத்தின் மூன்று பாடல்கள் வெளியாகி வைரலானது.

இந்நிலையில் இப்படத்தின் முதல் புரோமோவை படக்குழு வெளியிட்டுள்ளது. அதில், நிபந்தனைகளா? எதிர்பார்ப்புகளா? என்று குறிப்பிட்டுள்ளது. இந்த புரோமோ தற்போது சமூக வலைதளத்தில் கவனம் ஈர்த்து வருகிறது.