ஆஸ்திரேலியா- பாகிஸ்தான் அணிகளுக்கு இடையில் மூன்று போட்டிகள் கொண்ட டெஸ்ட் கிரிக்கெட் தொடர் நடைபெற்று வருகிறது. பெர்த்தில் நடைபெற்ற முதல் டெஸ்டில் பாகிஸ்தான் 360 ரன்கள் வித்தியாசத்தில் தோல்வியை சந்தித்தது.
இருந்த போதிலும், ஆஸ்திரேலியாவை ஆஸ்திரேய மண்ணில் பாகிஸ்தான் அணியால் வீழ்த்த முடியும் என அந்த அணியின் டைரக்டர் முகமது ஹபீஸ் தெரிவித்துள்ளார்.
இதுகுறித்து முகமது ஹபீஸ் கூறுகையில் "இந்தத் தொடருக்காக தயாராகும்போது, வீரர்களிடம் ஏராளமான திறமைகளை பார்த்தேன். ஆஸ்திரேலியாவை ஆஸ்திரேலியா மண்ணில் பகிஸ்தானால் வீழ்த்த முடியும். இதில் எந்த சந்தேகமும் இல்லை. எங்களுடைய திறமையை எங்களால் வெளிப்படுத்த முடியாமல் போனது. அணிக்காக நாங்கள் திட்டத்தை உருவாக்கிறோம். ஆனால், துரதிருஷ்டவசமாக ஒரு அணியாக எங்களால் எங்களது திட்டத்தை நிறைவேற்ற முடியாமல் போனது.
வீரர்கள் சிறப்பாக விளையாட விரும்பினார். ஆனால், அவர்கள் அதை தங்களது ஆட்டத்தில் வெளிப்படுத்தவில்லை. ஒரு அணியாக சில தவறுகளை உருவாக்கினர். நாங்கள் ஆதிக்கம் செலுத்தக் கூடிய சூழ்நிலை இருந்தது. அதற்கு ஏற்ப தயாரானோம். ஆனால், எங்களுடைய வெளிப்பாடு சிறப்பாக அமையவில்லை" என்றார்.
