டி20 போட்டிகளில் அதிக பவுண்டரி: அயர்லாந்து வீரர் மகத்தான சாதனை

துபாய்:

ஆப்கானிஸ்தான், அயர்லாந்து அணிகள் இடையிலான 3 போட்டிகள் கொண்ட டி20 தொடர் நடந்து வருகிறது. முதல் டி20 போட்டி நேற்று நடைபெற்றது. அதில் அயர்லாந்து வெற்றி பெற்றது.

இதில் அயர்லாந்து கேப்டன் பால் ஸ்டிர்லிங் 2 பவுண்டரிகள் உட்பட 25 ரன்கள் அடித்தார். இந்தப் போட்டியில் அடித்த 2 பவுண்டரிகள் சேர்த்து இதுவரை டி20 போட்டிகளில் அவர் அடித்த பவுண்டரிகளின் எண்ணிக்கை 401 ஆக உயர்ந்துள்ளது. இதன்மூலம் சர்வதேச டி20 வரலாற்றில் 400 பவுண்டரிகள் அடித்த முதல் வீரர் என்ற மகத்தான சாதனையை அவர் படைத்துள்ளார்.

டி20 போட்டிகளில் அதிக பவுண்டரிகள் அடித்தவர்களின் பட்டியல் வருமாறு:

பால் ஸ்டிர்லிங் - 401 பவுண்டரிகள்

பாபர் அசாம் - 395 பவுண்டரிகள்

விராட் கோலி - 361 பவுண்டரிகள்

ரோகித் சர்மா - 359 பவுண்டரிகள்

டேவிட் வார்னர் - 320 பவுண்டரிகள்.