தென் ஆப்பிரிக்காவில் நடந்து வரும் எஸ்ஏ20 தொடரில் நேற்றைய ஆட்டத்தில் எம்ஐ கேப்டவுன்-பார்ல் ராயல்ஸ் அணிகள் மோதின. இதில் டாஸ் வென்ற கேப்டவுன் அணி முதலில் பந்துவீச்சைத் தேர்வு செய்தது.
அதிபடி முதலில் பேட்டிங் செய்த பார்ல் ராயல்ஸ் அணி 20 ஓவர் முடிவில் 8 விக்கெட்டுகளை இழந்து 172 ரன்கள் எடுத்தது. இதனையடுத்து களமிறங்கிய கேப்டவுன் அணி 16.5 ஓவரில் 175 ரன்கள் எடுத்து 8 விக்கெட்டுகள் வித்தியாசத்தில் வெற்றி பெற்றது.
இந்த போட்டியில் போது ஒரு ரசிகை பீர் அருந்துவது போல் உள்ள வீடியோ சமூக வலைதளங்களில் வைரலாகி வருகிறது. அந்த வீடியோவில், ஒரு பெண் ஒரு கிளாஸ் பீரை ஒரு மடக்கில் குடிப்பதை காண முடிந்தது.
சாதரணமாக போட்டியை ரசித்துக் கொண்டிருந்த அந்த பெண், அவரை மைதானத்தில் உள்ள பெரிய திரையில் தெரிவதை கண்டு முதலில் கையில் இருந்த குளிர்பானத்தை குடித்து மகிழ்ச்சியை வெளிப்படுத்தினார். சிறிது நேரத்தில் மீண்டும் அந்த பெண் திரையில் காண்பிக்கப்பட்டதும் பக்கத்தில் முதியவரிடம் இருந்து மறுபடியும் ஒரு கிளாஸ் பீரை குடித்து சந்தோசத்தில் துள்ளி குதித்தார். இதற்கு ரசிகர்களும் சமூக வலைதளங்களில் நக்கலாக கமெண்ட் செய்து வருகின்றனர்.
