ஆந்திர பிரதேசம்

ஆந்திர மாநிலத்தில் கடந்த சில மாதங்களில் 70-க்கும் மேற்பட்ட பெண்கள் சிறுமிகள் பலாத்காரம் செய்யப்பட்டுள்ளனர். சட்டம் ஒழுங்கு பிரச்சனை மோசமாக உள்ளதாக எதிர்க்கட்சிகள் கண்டனம் தெரிவித்து வருகின்றன. இந்த நிலையில் ஆந்திர மாநில துணை முதல் மந்திரி பவன் கல்யாண் பித்தாபுரம் தொகுதியில் நடந்த நிகழ்ச்சியில் கலந்து கொண்டார்.

ஆந்திராவில் சட்டம் ஒழுங்கு மோசமடைந்து வருகிறது. இந்த சம்பவங்களுக்கு பெண் மந்திரி வாங்கலப்புடி அனிதா பொறுப்பேற்க வேண்டும். நிலைமை சீரடையவில்லை என்றால் உள்துறையை நான் எடுத்துக் கொள்வேன். உங்கள் பணிகளை நன்றாக செய்யுங்கள். இதே நிலை நீடித்தால் நான் முடிவு எடுக்க வற்புறுத்துவேன் என பவன் கல்யாண் தெரிவித்திருந்தார்.

இதற்கு ஆந்திர பெண் மந்திரி வாங்கலப்புடி அனிதா பதில் அளித்துள்ளார். பவன் கல்யாண் கூறியது தொடர்பாக வாங்கலப்புடி அனிதா பதில் அளித்து கூறியதாவது:-

குற்றம் சாட்டப்பட்டவர் குறிப்பிட்ட சாதியைச் சேர்ந்தவர் என்றால் கைது செய்ய மாட்டீர்களா? என பவன் கல்யாண் கேட்டுள்ளார். இந்த கருத்தை நான் மிகவும் நேர்மறையாக (positively) எடுத்துக் கொள்கிறேன். இதற்கு நான் பொறுப்பேற்று கொள்கிறேன். நான் மிகவும் முக்கியமான இலாக்காவை பெற்றுள்ளேன். நீங்கள் இன்னும் ஆக்ரோஷமாக முன்னேறலாம் என்று அவர் என்னை ஆதரிப்பதுபோல் உள்ளது.

இவ்வாறு அனிதா தெரிவித்துள்ளார்.

கூட்டணி கட்சியில் உள்ள பெண் மந்திரியை பவன் கல்யாண் தாக்கி எச்சரிக்கை விடுத்த சம்பவம் ஆந்திர அரசியலில் பரபரப்பை ஏற்படுத்தியது. இதன் மூலம் தேசிய ஜனநாயக கூட்டணியில் விரிசல் ஏற்பட்டதாக சமூக வலைதளங்களில் கருத்து தெரிவித்து வருகின்றனர்.

ஆனால் இதற்கு தெலுங்கு தேசம் கட்சியை சேர்ந்த மந்திரி நாராயணா மறுப்பு தெரிவித்தார். எந்த ஒரு துறையின் செயல்பாடுகள் குறித்தும் கருத்து தெரிவிக்க முதல் மந்திரி, துணை முதல் மந்திரி ஆகியோருக்கு அதிகாரம் உள்ளது என்றார்.

வீட்டில் செல்லமாக வளர்க்கப்படும் விலை உயர்ந்த நாய்களை கொஞ்சி, முத்தமிடத்தான் நேரம் உண்டு. குளிப்பாட்டி, காய வைத்து முடி திருத்தம் செய்வதற்கெல்லாம் நேரம் இல்லை. பொறுமையும் இல்லை.

புனே, புது டெல்லி, பெங்களூரு, ஐதராபாத் மாநகரங்களில் செல்ல பிராணிகளுக்காக அழகு நிலையங்கள் செயல்பட்டு வருகின்றன.

இந்தப் புது தொழில் மூலம் வருமானத்தை லட்சத்தில் அள்ளிக்கொண்டிருக்கிறார்கள்.. சராசரியாக ஒரு நாய்க்கு, ரூ.1,000 முதல் ரூ.4,000 வரை அசால்ட்டாகக் கிடைத்துவிடுகிறது. இதில் நவீன ஆப் போன்ற அதிநவீன சமாசாரங்களை எல்லாம் கொண்டு நாய்களை விதவிதமாக அலங்காரம் செய்து அதகளப்படுத்துகிறார்கள்.

செல்லமாக வளர்க்கப்படும் நாய்களை நடைப்பயிற்சி அழைத்துச் செல்வதற்காக சில வேலை ஆட்களை வைத்து கொண்டு உள்ளனர். ஆனால் அவர்களால் நாய்களை சரியாக பராமரிக்க முடிவது இல்லை.

இதனை அறிந்த வாலிபர் ஒருவர் வாகனம் ஒன்றை வாங்கி அதில் நாய்களுக்கு தேவையான வாசனை திரவியங்கள் உள்ளிட்டவைகளை பொறுத்தி வைத்துள்ளார்.

எந்தெந்த சேவைகளுக்கு எவ்வளவு கட்டணம் எனவும் சமூக வலைதளங்களில் பதிவு செய்துள்ளார். அவருடைய செல்போன் எண்ணை தொடர்பு கொண்டால் அடுத்த 10 நிமிடங்களில் போன் செய்தவர்களின் வீடுகளுக்கு முன்னால் நடமாடும் அழகு நிலைய வாகனம் வந்து நிற்கிறது.

அவர்களிடம் தங்களது செல்லப் பிராணிக்கு என்னென்ன சேவைகள் செய்ய வேண்டும் என தெரிவித்தால் உடனடியாக நாய்களுக்கு மசாஜ் செய்தல், குளிப்பாட்டுவது, நகம் வெட்டுதல், முடியை திருத்தம் செய்தல், நாய்க்கு பல் துலக்குதல் உள்ளிட்ட சேவைகளை செய்கின்றனர்.

சேவைகளுக்கு ஏற்றவாறு கட்டணம் வாங்கிக்கொண்டு செல்கின்றனர். நாய் வளர்ப்பவர்களும் அதனை தூக்கிக்கொண்டு பியூட்டி பார்லர் செல்ல வேண்டிய அவசியம் இல்லை.

இதனால் நடமாடும் நாய் அழகு நிலையங்களுக்கு அதிகப்படியான வரவேற்பு ஏற்பட்டுள்ளது. மனிதர்கள் மட்டும் பயன்படுத்தி வந்த அழகு நிலையம் நாய்களுக்கும் தொடங்கப்பட்டு உள்ளது ஆச்சரியத்தை ஏற்படுத்தியது.

இஸ்லாமியர்களின் சமூகம் மற்றும் பொருளாதார விவகாரங்களுக்காக இயங்கி வரும் வக்பு வாரியத்தின் அதிகாரங்களைக் குறைக்கும் வகையில் புதிய மசோதாவை மத்திய பாஜக அரசு கடந்த ஆகஸ்ட் 8 ஆம் தேதி பாராளுமன்றத்தில் தாக்கல் செய்தது. சொந்தமான நிலங்கள் மீது வக்பு வாரியம் உரிமை கோருவது உள்ளிட்ட அதிகாரங்கள் இந்த மசோதா மூலம் குறைக்கப்பட உள்ளது.

இந்த மசோதாவுக்கு எதிர்க்கட்சிகள் கடும் கண்டனம் தெரிவித்தன. எனவே இந்த மசோதாவை ஆராய பா.ஜ.க. எம்.பி. ஜெகதாம்பிகா பால் தலைமையில் 31 பேர் அடங்கிய பாராளுமன்றக் கூட்டுக் குழு அமைக்கப்பட்டது. பல கூட்டங்கள் நடந்தும் இன்னும் ஒரு முடிவு எட்டப்படவில்லை.

இதற்கிடையே திருப்தி தேவஸ்தான அறங்காவலர் குழு  தலைவர் பி.ஆர். நாயுடு, வக்பு வாரியம் குறித்த கருத்து ஒன்றை தெரிவித்துளார். லட்டு பிரசாம் தயாரிக்க மாட்டிறைச்சி கொழுப்பு கலந்த நெய் பயன்படுத்தப்பட்டதாக ஒரு சர்ச்சை எழுந்து அடங்கிய நிலையில் திருப்பதி கோவில் தேவஸ்தானத்தை நிர்வகிக்க 24 உறுப்பினர்களைக் கொண்ட புதிய அறங்காவலர் குழுவை ஆந்திர முதல்வர் சந்திரபாபு நாயுடு நியமித்தார். இதன் தலைவராக பி.ஆர். நாயுடு நியமிக்கப்பட்டுள்ளார்.

பதவியேற்ற உடனேயேதிருப்தியில் பணிபுரியும் அனைவரும் இந்துவாக இருக்க வேண்டும் என்ற தடாலடி கருத்தை அவர் வெளியிட்டார். இதற்கிடையே புதிய வக்பு சட்டத்திருத்த மசோதாவில் வக்பு வாரிய கமிட்டியில் முஸ்லிம் அல்லாத 2 உறுப்பினர்கள் இடம்பெற வேண்டும் என்று குறிப்பிடப்பட்டிருந்ததையும் தேவஸ்தான தலைவரின் கருத்தையும் ஐதராபாத் எம்.பி. அசாதுதீன் ஒவைசி ஒப்பிட்டு பேசியிருந்தார்.

அதாவது, திருப்பதி தேவஸ்தானத்தில் முஸ்லிம் உறுப்பினர்கள் இருக்க முடியாது என்று சூழலை உருவாக்குகிறீர்கள், அப்படி இருக்கும்போது வக்பு வாரியத்தில் மட்டும் ஏன் முஸ்லிம் அல்லாதோர் உறுப்பினராக இருக்க வேண்டும் என்று கட்டாயப்படுத்துகிறீர்கள் என்று ஒவைசி கேள்வி எழுப்பினார்.

இந்நிலையில் இதற்கு பதிலளிக்கும் வகையில் தற்போது பேசியுள்ள திருப்பதி அறங்காவலர்  பி.ஆர். நாயுடு, இந்த கூற்று அடிப்படையற்றது. வக்பு வாரியம் ஒரு ரியல் எஸ்டேட் கம்பெனி, அதை திருப்பதியோடு எப்படி ஒப்பிட முடியும். திருப்பதி திருமலை ஒரு இந்து கோவில், இந்து அல்லாதோர் இங்கு இருக்கக்கூடாது என்பது பல கால கோரிக்கை. இது எனது தனிப்பட்ட கருத்து அல்ல, இந்துக்களை தவிர அங்கு யாரும் இருக்கக்கூடாது என்று சனாதன தர்மம் கூறுகிறது. இதை நடைமுறைப்படுத்துவது குறித்து போர்டு மீடிங்கிங்கில்  முடிவெடுப்போம் என்று தெரிவித்துள்ளார்.

திருப்பதி:

ஆந்திர மாநிலத்தில் கடந்த சில மாதங்களில் 70-க்கும் மேற்பட்ட பெண்கள் சிறுமிகள் பலாத்காரம் செய்யப்பட்டுள்ளனர். சட்டம் ஒழுங்கு பிரச்சனை மோசமாக உள்ளதாக எதிர்க்கட்சிகள் கண்டனம் தெரிவித்து வருகின்றன.

இந்த நிலையில் ஆந்திர மாநில துணை முதல் மந்திரி பவன் கல்யாண் பித்தாபுரம் தொகுதியில் நடந்த நிகழ்ச்சியில் கலந்து கொண்டார்.

ஆந்திராவில் சட்டம் ஒழுங்கு மோசமடைந்து வருகிறது. இந்த சம்பவங்களுக்கு பெண் மந்திரி வாங்கலப்புடி அனிதா பொறுப்பேற்க வேண்டும். நிலைமை சீரடையவில்லை என்றால் உள்துறையை நான் எடுத்துக் கொள்வேன். உங்கள் பணிகளை நன்றாக செய்யுங்கள். இதே நிலை நீடித்தால் நான் முடிவு எடுக்க வற்புறுத்துவேன்.

நான் உள்துறை அமைச்சரானால் நிலைமை வேறுவிதமாக இருக்கும். மேலும் உளவுத்துறை அதிகாரிகள் இதற்கு பொறுப்பு ஏற்க வேண்டும்.

குற்றவாளிகளை தண்டிப்பதில் ஜாதி மற்றும் மதத்தை புறக்கணிக்குமாறு காவல்துறையிடம் கேட்டுக்கொள்கிறேன். குற்றவாளிகளுக்கு ஜாதியில்லை. எந்த மதத்தையும் அவர்கள் பின்பற்றுவது இல்லை.

சட்டம் ஒழுங்கு பிரச்சனையில் சரியான நடவடிக்கை எடுக்காவிட்டால் வெளியே செல்லும்போது மக்கள் திட்டுவார்கள். குற்றவாளிகள் மீது யோகி ஆதித்யநாத் பின்பற்றும் கொள்கையை ஆந்திராவிலும் பின்பற்ற வேண்டும். யோகி ஆதித்யநாத் போல செயல்படுங்கள்.

சிறுமிகள் பாலியல் ரீதியாக துன்புறுத்தப்படும் சமூக நல விடுதிகளை கண்காணிக்க வேண்டும்.

இவ்வாறு அவர் பேசினார்.

கூட்டணி கட்சியில் உள்ள பெண் மந்திரியை பவன் கல்யாண் தாக்கி எச்சரிக்கை விடுத்த சம்பவம் ஆந்திர அரசியலில் பரபரப்பை ஏற்படுத்தியது.

இதன் மூலம் தேசிய ஜனநாயக கூட்டணியில் விரிசல் ஏற்பட்டதாக சமூக வலைதளங்களில் கருத்து தெரிவித்து வருகின்றனர்.

ஆனால் இதற்கு தெலுங்கு தேசம் கட்சியை சேர்ந்த மந்திரி நாராயணா மறுப்பு தெரிவித்தார். எந்த ஒரு துறையின் செயல்பாடுகள் குறித்தும் கருத்து தெரிவிக்க முதல் மந்திரி, துணை முதல் மந்திரி ஆகியோருக்கு அதிகாரம் உள்ளது என்றார்.

திருப்பதி:

ஆந்திர மாநில சுற்றுலாத்துறையை மேம்படுத்தும் விதமாக விஜயவாடா-ஸ்ரீசைலம் இடையே கடல் விமானம் அறிமுகம் செய்யப்படுகிறது. முதல்-மந்திரி சந்திரபாபு நாயுடு வருகிற 9-ந் தேதி தொடங்கி வைக்கிறார்.

சிவில் விமான போக்குவரத்து அமைச்சகம், மாநில விமான நிலைய மேம்பாட்டு கழகம் மற்றும் மாநில சுற்றுலா வளர்ச்சி கழகம் சார்பில் இந்த கடல் விமான போக்குவரத்து தொடங்கப்பட உள்ளது.

கிருஷ்ணா நதியில் பாதாள கங்கா படகு முனையத்தில் இருந்து கடல் விமான போக்குவரத்து தற்காலிகமாக ஏற்பாடு செய்யப்பட்டு உள்ளது.

இந்தக் கடல் விமானத்தில் 14 பேர் பயணம் செய்யலாம் விஜயவாடாவில் உள்ள ஸ்ரீ துர்கா மல்லேஸ்வர சாமி கோவிலில் இருந்து ஸ்ரீசைலம் மல்லன்னா கோவிலுக்கு பக்தர்கள் சென்று வர வசதியாக கடல் விமான சேவை ஏற்பாடு செய்யப்பட்டு உள்ளது.

வருகிற 9-ந் தேதி சோதனை ஓட்டம் வெற்றி பெற்றால் மேலும் சேவையை விரிவு படுத்த திட்டமிட்டுள்ளனர்.

விசாகப்பட்டினம்-நாகார்ஜுன சாகர் , கோதாவரி உள்ளிட்ட இடங்களிலும் கடல் விமான சேவை தொடங்கப்பட உள்ளதாக அதிகாரிகள் தெரிவித்தனர்.

திருப்பதி:

ஆந்திர மாநிலம் கர்னூலை சேர்ந்தவர் ராஜேஸ்வரி. துணை முதல் மந்திரி பவன் கல்யாணின் தீவிர ரசிகரான இவர் அவருடைய கட்சியிலும் உறுப்பினராக உள்ளார்.'

இந்த நிலையில் பவன் கல்யாணை சந்திப்பதற்காக அவர் சைக்கிளில் செல்ல முடிவு செய்தார். கர்னூலில் இருந்து குண்டூரில் உள்ள கட்சி அலுவலகத்திற்கு 487 கிலோமீட்டர் தூரம் உள்ளது.

அங்கு சென்று பவன் கல்யாணை சந்திக்க சைக்கிள் பயணத்தை ராஜேஸ்வரி நேற்று தொடங்கினார். அவருடைய சைக்கிள் முன்பு பவன் கல்யாண் போஸ்டர், படங்கள், கட்சி கொடிகள் உள்ளன.

தனியாக சைக்கிள் பயணம் செல்லும் பெண்ணின் துணிச்சலை பல்வேறு தரப்பினர் பாராட்டி வருகின்றனர். இது குறித்து ஜனசேனா கட்சி மகளிர் பிரிவு சார்பில் ராஜேஸ்வரி படத்துடன் எக்ஸ் தளத்தில் பதிவிட்டனர்.

இதனை பார்த்த பவன் கல்யாண் சைக்கிள் பயணம் வரும் பெண்ணுக்கு வாழ்த்து தெரிவித்துள்ளார். கட்சி தலைமையகத்துக்கு அந்த பெண் வரும்போது அவருக்கு மாலை அணிவித்து பிரமாண்ட வரவேற்பு அளிக்க வேண்டும்.

சைக்கிளில் பயணம் வரும் இடங்களில் கட்சி தொண்டர்கள் அவருக்கு வரவேற்பு அளித்து உதவி செய்ய வேண்டும் என உத்தரவிட்டுள்ளார். இது ஆந்திராவில் பரபரப்பை ஏற்படுத்தியது.

திருப்பதி:

ஆந்திர மாநிலம் கம்பம் மாவட்டம் போனக்கல்லை சேர்ந்தவர் அசோக். இவர் தனது மனைவியுடன் போனக்கல்லில் உள்ள சாய்பாபா கோவில் முன்பு பிச்சை எடுத்து வருகிறார். இவருக்கு கல்லூரியில் படிக்கும் ஒரு மகள், மகன் உள்ளனர்.

அசோக் பிச்சை எடுத்து சம்பாதிக்கும் பணத்தை தனது மகளின் எதிர்காலத்திற்காக கொஞ்சம், கொஞ்சமாக ரூ.50 ஆயிரம் வரை சேமித்து வைத்து இருந்தார்.

கடந்த சில மாதங்களுக்கு முன்பு போனக்கல்லில் நரசிம்ம ராவ் என்பவர் நடத்தி வரும் ஓட்டலில் உணவு சாப்பிட சென்றார். அப்போது நரசிம்ம ராவ் அசோக்கிடம் தனக்கு அவசரமாக ரூ.50 ஆயிரம் தேவைப்படுகிறது. கடனாக கொடுத்தால் வட்டியுடன் திருப்பித் தருவதாக கூறினார்.

இதனை நம்பிய அசோக் பிச்சை எடுத்து சேமித்து வைத்திருந்த ரூ.50 ஆயிரத்தை நரசிம்மராவிடம் கொடுத்தார். பணம் கொடுத்ததற்கான ஆதாரமாக பாண்டு பத்திரத்தில் கையெழுத்து வாங்கிக் கொண்டார்.

இந்த நிலையில் தொழிலதிபர் நரசிம்ம ராவிற்கு ரூ.2.75 கோடிக்கு கடன் இருப்பதாகவும், தொழிலில் நஷ்டம் ஏற்பட்டதால் அதனை திருப்பி தர முடியாது என தனது வக்கீல் மூலம் கோர்ட்டில் மனு தாக்கல் செய்தார்.

பின்னர் கடன் வாங்கிய அனைவருக்கும் திவால் நோட்டீஸ் அனுப்பப்பட்டது. அதேபோல் பிச்சைக்காரர் அசோக்கிற்கும், நரசிம்ம ராவ் திவால் நோட்டீஸ் அனுப்பினார்.

நோட்டீசை கண்ட அசோக் கடனாக வழங்கிய பணம் இனி திரும்ப கிடைக்காது. தொழிலதிபரை நம்பி பணம் கொடுத்ததால் தனது மகளின் எதிர்காலம் கேள்விக்குறியாகி விட்டதாக கவலை தெரிவித்தார்.

திருப்பதி:

தெலுங்கானா மாநிலம் மேட்சல் மாவட்டம் கார்கேசர் பகுதியில் வணிக வளாகம் இயங்கி வருகிறது. இந்த வணிக வளாகத்தில் திருமணமாகாத 20 வயது இளம்பெண் வேலை செய்து வந்தார். காஜா பஷீர் (35) என்பவர் வணிக வளாகத்தின் மேலாளராக இருந்தார்.

கடந்த 3 மாதங்களுக்கு முன்பு இளம்பெண் அங்குள்ள கழிவறைக்கு சென்றார். இளம்பெண்ணை பின் தொடர்ந்து சென்ற காஜா பஷீர் வலுக்கட்டாயமாக கழிவறையில் வைத்து பாலியல் பலாத்காரம் செய்தார். இதுகுறித்து வெளியில் சொன்னால் கொலை செய்து விடுவதாக மிரட்டல் விடுத்தார். காஜா பஷீரின் மிரட்டலால் பயந்து போன இளம்பெண் இது குறித்து யாரிடமும் சொல்லாமல் இருந்தார்.

இந்த நிலையில் நேற்று வழக்கம்போல் வேலைக்கு வந்த இளம்பெண் திடீரென மயங்கி விழுந்தார்.

அங்கிருந்தவர்கள் இளம்பெண்ணை மீட்டு சிகிச்சைக்காக தனியார் ஆஸ்பத்திரிக்கு அழைத்துச் சென்றனர். இளம் பெண்ணின் பெற்றோருக்கு தகவல் தெரிவித்தனர். இளம்பெண்ணின் பெற்றோர் ஆஸ்பத்திரிக்கு விரைந்து வந்தனர். ஆஸ்பத்திரியில் இளம்பெண்ணை பரிசோதித்த டாக்டர் அவர் கர்ப்பமாக இருப்பதாக தெரிவித்தார்.

இதனைக் கேட்டு இளம்பெண்ணின் பெற்றோர் அதிர்ச்சி அடைந்தனர். இது குறித்து போலீசில் புகார் செய்தனர். போலீசார் வழக்கு பதிவு செய்து காஜா பஷீரை கைது செய்து ஜெயிலில் அடைத்தனர். 

திருப்பதி:

திருப்பதி அருகே உள்ள கிராமத்தை சேர்ந்தவர் 4 வயது சிறுமி. இவருடைய தாய்மாமன் நாகராஜு (24). நாகராஜு சிறுமியின் வீட்டிற்கு அடிக்கடி சென்று சிறுமியுடன் விளையாடுவது வழக்கம்.

நேற்று முன்தினம் மாலை சிறுமி தெருவில் விளையாடிக் கொண்டு இருந்தார். அப்போது அங்கு வந்த நாகராஜு சிறுமியை கடைக்கு அழைத்துச் சென்று தின்பண்டங்களை வாங்கி கொடுத்தார்.

ஏ.ஆர்.புரத்தில் உள்ள மறைவான இடத்திற்கு அழைத்துச் சென்றார்.

அங்கு சிறுமியை பாலியல் பலாத்காரம் செய்தார். சிறுமி உயிருடன் இருந்தால் நடந்த சம்பவங்களை பெற்றோரிடம் கூறி விடுவார் என நினைத்தார்.

பின்னர் சிறுமியை கழுத்தை நெரித்து கொலை செய்தார். கொலை செய்யப்பட்ட சிறுமியின் பிணத்தை அங்குள்ள அரசு ஆஸ்பத்திரி வளாகத்தில் வீசிவிட்டு ஒன்றும் தெரியாதது போல் வீட்டிற்கு வந்தார்.

தெருவில் விளையாடிக் கொண்டு இருந்த சிறுமி காணாததால் அவரது பெற்றோர் மகளை பல்வேறு இடங்களில் தேடிப் பார்த்தனர்.

மகளை கண்டுபிடிக்க முடியாததால் இது குறித்து போலீசில் புகார் செய்தனர். போலீசார் வழக்கு பதிவு செய்து சம்பவ இடத்திற்கு வந்து விசாரணை நடத்தினர். விசாரணையில் கடைசியாக சிறுமி நாகராஜுடன் சென்றது தெரிய வந்தது.

போலீசார் நாகராஜுவை பிடித்து விசாரணை செய்ததில் சிறுமியை பலாத்காரம் செய்து கொலை செய்ததை ஒப்புக்கொண்டார்.

போலீசார் போக்சோ சட்டத்தில் வழக்கு பதிவு செய்து நாகராஜை கைது செய்து ஜெயிலில் அடைத்தனர்.

ஆந்திரா மற்றும் தெலுங்கானாவில் சனாதன தர்மத்தைப் பாதுகாப்பதற்காக ஜனசேனா கட்சிக்குள் நரசிம்ம வாராஹி படை' புதிய அணியை தொடங்கவுள்ளதாக அக்கட்சியின் தலைவரும் ஆந்திர துணை முதல்வருமான பவன் கல்யாண் அறிவித்துள்ளார்.

இது தொடர்பாக பேசிய பவன் கல்யாண், "இந்து கோயில்களுக்குச் செல்லும்போதும், சனாதன தர்மத்தைப் பின்பற்றும்போதும் சில விஷயங்களை நாம் கடைப்பிடிக்கப்பட வேண்டும். நாட்டிற்கு மட்டுமின்றி உலகிற்கே வழிகாட்டும் விளக்காக விளங்கும் சனாதன தர்மம் இல்லாமல் நம் நாடு இல்லை என்று என்பதை ஒருவர் புரிந்து கொள்ள வேண்டும்.

நாங்கள் தேவாலயங்கள் மற்றும் மசூதிகளை மதிக்கும் அதே சமயம், இந்துக்களின் உணர்வுகளை புண்படுத்தும் எந்தவொரு செயலுக்கும் விளைவுகள் ஏற்படும் என்பதையும் உறுதி செய்வோம்.

இந்து மதத்தையோ, சனாதன தர்மத்தையோ கேலி செய்யும் வகையில் சமூக வலைதளங்களில் வெளியிடப்படும் பதிவுகளை பொறுத்துக்கொள்ள முடியாது. சமூக வலைதளங்களில் சனாதனம் குறித்து விமர்சிப்பவர்கள் கடும் விளைவுகளை சந்திக்க நேரிடும்.

நரசிம்ம வாராஹி படையில் ஜன சேனானி என்று அழைக்கப்படும் ஜனசேனா உறுப்பினர்கள் சனாதன தர்மத்திற்காக அர்ப்பணிப்புடன் இருப்பார்கள். இந்த புதிய பிரிவு, ஆந்திரா மற்றும் தெலுங்கானாவில் இந்து மத விழுமியங்களைப் பாதுகாப்பதற்கான கலாச்சார மற்றும் பாதுகாப்பு நடவடிக்கையை மேற்கொள்ளும்" என்று தெரிவித்தார்.

திருமலை:

திருப்பதி ஏழுமலையான் கோவிலுக்கு தினமும் ஆயிரக்கணக்கான பக்தர்கள் சாமி தரிசனம் செய்ய வருகின்றனர். வார விடுமுறை நாட்கள், பண்டிகை நாட்களில் கூடுதல் எண்ணிக்கையில் பக்தர்கள் சாமி தரிசனம் செய்கின்றனர்.

தீபாவளி பண்டிகை மற்றும் வார விடுமுறை என தொடர்ந்து விடுமுறை வந்ததால், திருமலைக்கு சாமி தரிசனம் செய்ய வரும் பக்தர்களின் எண்ணிக்கை அதிகரித்துள்ளது. வைகுண்டம் கியூ காம்ப்ளக்சில் உள்ள 31 கம்பார்ட்மெண்டுகளில் பக்தர்கள் நிரம்பி 4 கிலோ மீட்டர் தூரமுள்ள புரோகிதர் சங்க கட்டிடத்தைத் தாண்டி நீண்ட வரிசையில் காத்திருந்தனர்.

இலவச தரிசனத்தில் சென்ற பக்தர்கள் சாமி தரிசனம் செய்ய 24 மணிநேரம் ஆனது. ரூ.300 டிக்கெட் பக்தர்களுக்கு 4 மணிநேரம் ஆனது. தரிசன வரிசையில் காத்திருந்த பக்தர்களுக்கு ஸ்ரீவாரி சேவா சங்க தொண்டர்கள் காலை சிற்றுண்டி, மதியம் அன்னப்பிரசாதம், பால், குடிநீர் ஆகியவற்றை வழங்கினர். இதுதவிர திருமலையில் உள்ள கல்யாண கட்டா, தங்கும் விடுதிகளில் உள்ள அறைகள், லட்டு பிரசாதம் வழங்கும் கவுண்ட்டர்களில் பக்தர்கள் கூட்டம் அதிகமாக காணப்பட்டது. நேற்று அதிகாலை 3 மணியில் இருந்து இரவு 7 மணி வரை 60 ஆயிரம் பக்தர்கள் சாமி தரிசனம் செய்தனர்.

நேற்று முன்தினம் 67 ஆயிரத்து 785 பக்தர்கள் சாமி தரிசனம் செய்தனர். அன்று ஒருநாள் உண்டியல் காணிக்கையாக ரூ.2 கோடியே 38 லட்சம் கிடைத்ததாக, கோவில் அதிகாரிகள் தெரிவித்தனர்.

ஆந்திர மாநிலம் கனிகிரி பகுதியை சேர்ந்தவர் அங்கய்யா (வயது 28) கடந்த 13-ந்தேதி அங்குள்ள கோவிலில் பக்தர்கள் சாமி தரிசனம் செய்து கொண்டிருந்தனர்.

அப்போது கோவிலுக்குள் நுழைந்த அங்கய்யா அங்கிருந்து பித்தளை அண்டா உள்ளிட்ட 3 பாத்திரங்களை நைசாக திருடி சென்றார். இது குறித்த புகாரின் பேரில் போலீசார் வழக்கு பதிவு செய்து விசாரணை நடத்தினர்.

திருட்டு நடந்த சில மணி நேரத்தில் அங்கய்யாவை போலீசார் கைது செய்தனர். அவரிடம் இருந்து கோவில் அண்டா உள்ளிட்ட பொருட்களும் பறிமுதல் செய்யப்பட்டன.

அவரை கனிகிரி கோர்ட்டில் போலீசார் ஆஜர்படுத்தினர். அப்போது அங்கய்யா தான் தற்போது தான் முதன் முதலில் திருட்டில் ஈடுபட்டேன். என்னை மன்னித்து விடுவிக்க வேண்டும் என கேட்டுக்கொண்டார்.

இந்த வழக்கை விசாரித்த நீதிபதி பாரத் சந்திரா இந்தியாவில் புதிதாக அமல்படுத்தப்பட்ட குற்றவியல் சட்டங்களின் அடிப்படையில் அங்கய்யாவுக்கு தண்டனை வழங்கி தீர்ப்பளித்தார்.

அதில் நவம்பர் 2-ந் தேதி (இன்று) முதல் டிசம்பர் 31-ந் தேதி வரை கனிகிரி முக்கிய சந்திப்புகள் மற்றும் தெருக்களை காலை 6 மணி முதல் 9 மணி வரை அங்கய்யா சுத்தம் செய்ய வேண்டும். நகராட்சி கமிஷனர் மற்றும் போலீசார் இதனை உறுதி செய்ய வேண்டும் என கூறினார்.

கோர்ட்டு அளித்த இந்த சமூக சேவை நூதன தண்டனை ஆந்திராவில் பரபரப்பை ஏற்படுத்தியது.