அரியலூர்:
கூட்டுறவு வார விழாவை முன்னிட்டு அரியலூர் மாவட்டத்திலுள்ள அனைத்து தொடக்க வேளாண் கூட்டுறவு சங்கங்களில் சிமென்ட் விற்பனை தொடங்கியது.
அரியலூர் அடுத்த காட்டுப்பிரிங்கியம் மற்றும் உட்கோட்டை, ஆதனக்குறிச்சி தொடக்க வேளாண் கூட்டுறவு கடன் சங்கங்களில் உறுப்பினர்கள் சந்திப்பு முகாம் மற்றும் கடன் வழங்கும் முகாம் நடைபெற்றது.
இம்முகாமுக்கு தலைமை வகித்த கூட்டுறவு சங்கங்களின் மண்டல இணைப்பதிவாளர் ம.தீபாசங்கரி, புதியதாக சிமென்ட் விற்பனையை தொடக்கி வைத்து, பொதுமக்கள் இதனை பயன்படுத்திக் கொள்ள வேண்டும் என்று கேட்டுக் கொண்டார். நிகழ்ச்சியில் சரக துணைப்பதிவாளர் ஆர்.ஜெயராமன், துணை பதிவாளர் அறப்பளி, கூட்டுறவு ஒன்றிய மேலாண்மை இயக்குநர் இளஞ்செழியன் மற்றும் கூட்டுறவு சார்பதிவா ளர்கள், சங்க பணியாளர்கள், உறுப்பினர்கள் உள்ளிட்டோர் கலந்து கொண்டனர்.
