தருமபுரி,
திருப்பத்தூர் மாவட்டம், நாட்றாம்பள்ளி அடுத்துள்ள உத்தனபள்ளி பகுதியை சேர்ந்தவர் முனிராஜ் (வயது55). விவசாயியான இவர் நேற்று மாலை இருசக்கர வாகனத்தில் அங்குள்ள டோல்கேட் அருகில் சென்று கொண்டிருந்தார்.
அப்போது அந்த வழியாக வந்த கார் எதிர்பாராதவிதமாக இவர் மீது மோதியது. இதில் தூக்கி வீசப்பட்டதில் முனிராஜ் பலத்த காயம் அடைந்தார். உடனே அவரை மீட்டு சிகிச்சைக்காக தருமபுரி அரசு மருத்துவக்கல்லூரி மருத்துவமனையில் சேர்த்தனர். அங்கு சிகிச்சை பலனின்றி இன்றுகாலை பரிதாபமாக முனிராஜ் உயிரிழந்தார்.
இந்த விபத்து குறித்து போலீசார் வழக்குபதிவு செய்து விசாரணை நடத்தி வருகின்றனர்.
