பல்லடம் :
பல்லடம் அருகே உள்ள பொங்கலூர் ஊராட்சி, சக்தி நகர் பகுதிகளில் இருபுறமும் தேசிய நெடுஞ்சாலையில் போக்குவரத்துக்கு இடையூறாக மேடு பள்ளமான மண் சாலைகள் இருந்து வருகிறது. இந்த நிலையில் இடையூறை தவிர்ப்பதற்காக அதில் ரூ.6 லட்சம் மதிப்பில் சிமெண்ட் சாலை அமைப்பதற்கான பூமி பூஜை நடைபெற்றது.
இந்த நிகழ்ச்சிக்கு பொங்கலூர் ஊராட்சி தலைவர் சத்யா பாலசுப்ரமணியம் தலைமை வகித்தார். பொங்கலூர் ஒன்றிய குழு தலைவர் எஸ். குமார் முன்னிலை வகித்தார். இந்த நிகழ்ச்சியில் ஊராட்சி துணைத் தலைவர் ராதாகிருஷ்ணன் ,ஊராட்சி செயலர் சிவகுமார் மற்றும் வார்டு உறுப்பினர்கள் உட்பட பலர் கலந்து கொண்டனர்.
