டெல்லி மாநிலத்தில் ஆம் ஆத்மி ஆட்சி நடைபெற்று வருகிறது. அதிஷி முதல்வராக இருந்து வருகிறார். டெல்லி மாநில அமைச்சரவையில் கைலாஷ் கெலாட் முக்கிய அமைச்சராக இருந்து வந்தார். அவர் திடீரென நேற்று மந்திரி பதவியை ராஜினாமா செய்தார்.
இதனைத் தொடர்ந்து நங்லோய் ஜாட் தொகுதியில் இருந்து எம்.எல்.ஏ.-வாக தேர்ந்தெடுக்கப்பட்ட ரகுவிந்தர் ஷோக்கீன் டெல்லி அமைச்சரவையில் புதிய மந்திரியாக இணைவார் என ஆம் ஆத்மி கட்சி தெரிவித்துள்ளது.
இதற்கிடையே ஆம் ஆத்மி கட்சியில் இருந்து விலகிய கைலாஷ் கெலாட் இன்று பா.ஜ.க.வில் இணைந்தார். பா.ஜ.கவில் இணைந்த கைலாஷ் கெலாட் "சிலர் நான் இந்த முடிவை ஒரேநாள் இரவில் சிலரின் நெருக்கடியால் எடுத்தாக நினைக்கக் கூடும். இந்த நேரம் வரை நான் யாருடைய நெருக்கடிக்கும் உள்ளாகவில்லை என்பதை அவர்களுக்கு சொல்ல விரும்புகிறேன். அமலாக்கத்துஐற மற்றும் சிபிஐ நெருக்கடி என கதை உருவாக்கப்பட்டு வருகிறது. இதை அனைத்தும் தவாறனது" என்றார்.
காங்கிரஸ் முன்னாள் எம்.எல்.ஏ. சுமேஷ் ஷோக்கீன் கெஜ்ரிவால் முன்னிலையில் ஆம் ஆத்மி கட்சியில் இணைந்தார்.
