இல.கணேசன் குடும்ப நிகழ்ச்சியில் பங்கேற்க மம்தா பானர்ஜி சென்னை வருகை

கொல்கத்தா :

மணிப்பூர், மேற்கு வங்காளம் ஆகிய மாநிலங்களின் கவர்னர் இல.கணேசனின் மூத்த சகோதரர் பிறந்தநாள், நவம்பர் 3-ந்தேதி வருகிறது. இல.கணேசனின் சென்னை இல்லத்தில், இந்த பிறந்தநாள் கொண்டாடப்படுகிறது.

அதில் பங்கேற்க வருமாறு மேற்கு வங்காள மாநில முதல்-மந்திரி மம்தா பானர்ஜிக்கு இல.கணேசன் அழைப்பு விடுத்துள்ளார். அதை ஏற்று, சென்னையில் அந்த நிகழ்ச்சியில் மம்தா பானர்ஜி பங்கேற்பார் என்று மேற்கு வங்காள அரசு அதிகாரி ஒருவர் தெரிவித்தார்.

நிகழ்ச்சியில் பங்கேற்க எண்ணற்ற மூத்த அரசியல் தலைவர்களுக்கு அழைப்பு விடுக்கப்பட்டுள்ளது.