9-வது மகளிர் 20 ஓவர் உலகக்கோப்பை கிரிக்கெட் போட்டி ஐக்கிய அரபு எமிரேட்சில் உள்ள துபாய், ஷார்ஜாவில் நடைபெற்று வருகிறது. 10 அணிகள் இதில் பங்கேற்றுள்ளன. அவை 2 பிரிவாக பிரிக்கப்பட்டுள் ளன. 'லீக்' முடிவில் இரண்டு பிரிவிலும் முதல் 2 இடங் களை பிடிக்கும் அணிகள் அரை இறுதிக்கு தகுதி பெறும்.
'ஏ' பிரிவில் இடம் பெற்றுள்ள இந்திய அணி தொடக்க ஆட்டத்தில் நியூசிலாந்திடம் 58 ரன்னில் தோற்றது. நேற்று நடந்த 2 ஆட்டத்தில் பாகிஸ்தானை 6 விக்கெட் வித்தியாசத்தில் வீழ்த்தியது.
இந்த டி20 உலகக் கோப்பை தொடர் முடிந்தவுடன் நியூசிலாந்து கிரிக்கெட் அணி இந்தியாவில் சுற்றுப்பயணம் மேற்கொண்டு 3 போட்டிகள் கொண்ட ஒருநாள் தொடரில் விளையாட உள்ளது.
20-ந் தேதியுடன் உலகக் கோப்பை தொடர் முடிவடைகிறது. இதனையடுத்து அக்டோபர் 24, 27 மற்றும் 29 ஆகிய தேதிகளில் போட்டிகள் நடைபெறும். இந்த தொடர் 2022-25 ஐசிசி மகளிர் ஒருநாள் சாம்பியன்ஷிப்பின் ஒரு பகுதியாகும்.
சாம்பியன்ஷிப் புள்ளிகள் வரிசையில் இருப்பதால், இரு அணிகளும் முழு பலத்துடன் களம் இறங்கும் என்று எதிர்பார்க்கப்படுகிறது,
