ஷாங்காய் மாஸ்டர்ஸ் டென்னிஸ்: மெத்வதேவ், சிட்சிபாஸ் முதல் சுற்றில் வெற்றி

பீஜிங்:

பல முன்னணி வீரர்கள் பங்கேற்றுள்ள ஷாங்காய் மாஸ்டர்ஸ் டென்னிஸ் போட்டி சீனாவில் நடைபெற்று வருகிறது.

இதில் இன்று நடந்த ஆண்கள் ஒற்றையர் பிரிவு முதல் சுற்றில் நம்பர் 4 வீரரான ரஷியாவின் டேனில் மெத்வதேவ், பிரேசில் வீரர் தியாகோ செய்போத் உடன் மோதினார்.

இதில் மெத்வதேவ் 7-5, 7-5 என கைப்பற்றி அடுத்த சுற்றுக்கு முன்னேறினார்.

மற்றொரு போட்டியில் கிரீஸ் வீரர் ஸ்டெபனோஸ் சிட்சிபாஸ், ஜப்பானின் நிஷிகோரியுடன் மோதினார். இதில் 7-6 (8-6), 6-4 என்ற செட் கணக்கில் வென்று அடுத்த சுற்றுக்குள் நுழைந்தார்.