கேளம்பாக்கம் அருகே ஐ.டி பெண் ஊழியர் 7-வது மாடியில் இருந்து குதித்து தற்கொலை

திருப்போரூர்:

கேளம்பாக்கம் அடுத்த சிறுசேரி சிப்காட் வளாகத்தில் உள்ள தனியார் சாப்ட்வேர் நிறுவனத்தில் பணிபுரிந்து வந்த ஈரோடு மாவட்டம், களியனூர் கிராமத்தைச் சேர்ந்த ஜெகஸ்ரீ (வயது 25) பணி புரிந்து வந்தார். நேற்று மாலை 3 மணியளவில் பணிக்கு வந்த ஜெகஸ்ரீ வேலையில் இருக்கும்போதே முதல் தளத்தில் இருந்து இரவு சுமார் 8.30 மணியளவில் 7-வது மாடிக்கு சென்று அங்கிருந்து கீழே குதித்து உயிருக்கு போராடினார்.

இது பற்றி தகவல் அறிந்தும் சம்பவ இடத்திற்கு வந்த கேளம்பாக்கம் போலீசார் உயிருக்கு போராடிக் கொண்டிருந்த ஜெகஸ்ரீயை மீட்டு மருத்துவமனைக்கு அனுப்பி வைத்தனர். அவர் அங்கு சிகிச்சை பலனின்றி நேற்று இரவு இறந்து போனார்.

இச்சம்பவம் குறித்து கேளம்பாக்கம் போலீசார் வழக்கு பதிவு செய்து தற்கொலைக்கான காரணம் குறித்து தீவிர விசாரணை நடத்தி வருகின்றனர்.