சாதனை படைத்த வீராங்கணைக்கு சிவா எம்.எல்.ஏ. பாராட்டு

புதுச்சேரி:

கேரள மாநிலம் அளப்பி மற்றும் ஐதராபாத்தில் நடந்த தேசிய அளவிலான ஜூனியர் பளுதூக்கும் போட்டியில் கதிர்காமம் தொகுதி டாக்டர் ராதா கிருஷ்ணன் நகரை சேர்ந்த வீரப்பன் மகள் விஷ்ணுப்பிரியா பங்குபெற்றார்.

இதில் கேரள மாநிலத்தில் நடந்த போட்டியில் தங்கப் பதக்கமும், ஐதராபாத்தில் நடந்த ஜூனியர், சப்–ஜூனியர் போட்டிகளில் வெள்ளி, வெண்கல பதக்கமும் வென்று சாதனை படைத்து, புதுவைக்கு புகழ் சேர்த்துள்ளார். வீராங்கணை விஷ்ணுபிரியாவை புதுவை எதிர்க்கட்சித் தலைவர் சிவா நேரில் சந்தித்து பொன்னாடை அணிவித்து வாழ்த்து தெரிவித்தார். வீராங்கணையை ஊக்குவிக்கும் விதமாக கதிர்காமம் தொகுதி தி.மு.க. பொறுப்பாளர் வடிவேலு வழங்கிய ரூ.10 ஆயிரம் ரொக்க பரிசையும் சிவா வழங்கினார்.

நிகழ்ச்சியில், தொகுதி பொறுப்பாளர் வடிவேலு, நிர்வாகிகள் தமிழ்வாணன், செல்வநாதன், மணிகண்டன், முருகையன், சபரிநாதன், ரமணன், மிலிட்டரி முருகன் ஆகியோர் பங்கேற்றனர்.