நீங்கள் தேடியது "Bcci"

பாகிஸ்தானில் அடுத்த ஆண்டு நடைபெற இருக்கும் சாம்பியன்ஸ் டிராபியில் இந்தியா பங்கேற்காது எனத் தெரிவித்துவிட்டது. அதேவேளையில் போட்டியை பாகிஸ்தானில் இருந்து வேறு இடத்திற்கு மாற்றுவது இல்லை என்பதில் பாகிஸ்தான் உறுதியாக உள்ளது.

இதனால் ஐசிசி சாம்பியன்ஸ் டிராபி குறித்து இறுதி முடிவு எடுக்காமல் உள்ளது. இந்த நிலையில் சாம்பியன்ஸ் டிராபியில் விளையாடவில்லை என்றால் பாகிஸ்தான் மற்றும் ஐசிசி சுமார் 844 கோடி ரூபாய் இழப்பை சந்திக்க நேரிடும் என சோயிக் அக்தர் தெரிவித்துள்ளார்.

இது தொடர்பாக சோயிப் அக்தர் கூறுகையில் "பாகிஸ்தான் இந்தியாவை தனது மண்ணுக்குக்கு அல்லது பொதுவான இடத்திற்கு வரவழைத்து போட்டியில் விளையாட வைக்க முடியவில்லை என்றால் இரண்டு விசயங்கள் நடைபெறும்.

முதலில் ஸ்பான்சர்சிப்பில் மூலம் பெறும் வருவாயில் ஐசிசி மற்றும் போட்டியை நடத்தும் பாகிஸ்தான் 100 மில்லியன் டாலர் (844 கோடி ரூபாய்) இழக்க நேரிடும். 2-வது இந்தியா பாகிஸ்தானுக்கு சுற்றுப் பயணம் செய்து லாகூரில் விளையாடி தோற்றாலும் சரி வெற்றி பெற்றாலும் சரி, எது நடந்தாலும் சிறந்ததாக இருக்கும்" என்றார்.

பாகிஸ்தானில் அடுத்த வரும் ஐசிசி சாம்பியன்ஸ் டிராபி கிரிக்கெட் தொடர் நடைபெற இருக்கிறது. இந்த தொடரை விளம்பரப்படுத்துவதற்கான ஐசிசி கோப்பை உலகம் முழுவதும் எடுத்துச் செல்லப்படும்.

அந்த வகையில் இன்று சாம்பியன்ஸ் டிராபி பயணம் தொடங்கி வைக்கப்பட்டுள்ளது. இந்த கோப்பை பாகிஸ்தான் ஆக்கிரமிப்பு காஷ்மீர் பகுதிகளான ஸ்கார்டு, ஹன்சா, முசாபர்பாத் போன்ற பகுதிகளுக்கு எடுத்துச் செல்லப்படுவதாக இருந்தது.

இதற்கு பிசிசிஐ கடும் ஆட்சேபனை தெரிவித்தது. இதனால் அப்பகுதிக்கு எடுத்துச் செல்லப்படாது என ஐசிசி தெரிவித்துள்ளது.

டாக்சிலா, கான்பூர், அபோதாபாத், முர்ரீ, நதியா கலி, கராச்சி உள்ளிட்ட பகுதிகளுக்கு எடுத்துச் செல்லப்படும் என தெரிவிக்கப்பட்டுள்ளது.

நவம்பர் 26 முதல் 28-ந்தேதி வரை ஆப்கானிஸ்தானிலும், டிசம்பர் 10 முதல் 13-ந்தேதி வரை வங்கதேசத்திலும், டிசம்பர் 15 முதல் 22-ந்தேதி வரை தென்ஆப்பிரிக்காவிலும், டிசம்பர் 25-ந்தேதி முதல் ஜனவரி 5-ந்தேதி வரை ஆஸ்திரேலியாவிலும், ஜனவரி 6-ந்தேதி முதல் 11-ந்தேதி வரை நியூசிலாந்திலும், ஜனவரி 12-ந்தேதி முதல் 14-ந்தேதி வரை இங்கிலாந்திலும், ஜனவரி 15-ந்தேதி முதல் 26-ந்தேதி வரை இந்தியாவிலும் ஐசிசி சாம்பியன்ஸ் டிராபி கோப்பை எடுத்துச் செல்லப்பட இருக்கிறது.

புதுடெல்லி:

பாகிஸ்தானில் பிப்ரவரி, மார்ச் மாதங்களில், 8 அணிகள் இடையிலான ஐ.சி.சி. சாம்பியன்ஸ் கோப்பை கிரிக்கெட் போட்டி நடக்க உள்ளது. பாதுகாப்பு அச்சுறுத்தலால் 2008-ம் ஆண்டுக்கு பிறகு பாகிஸ்தான் மண்ணில் எந்த கிரிக்கெட் போட்டியிலும் ஆடாத இந்திய அணி இந்த முறையும் அங்கு செல்ல மறுத்து விட்டது. அதற்கு பதிலாக தங்களுக்குரிய ஆட்டங்களை துபாய்க்கு மாற்றும்படி இந்திய கிரிக்கெட் வாரியம் கேட்டுக் கொண்டது.

ஆனால் இதை ஏற்றுக்கொள்ளாத பாகிஸ்தான் கிரிக்கெட் வாரியம் கொதித்து போய் உள்ளது. இந்திய அணி வராவிட்டால் சாம்பியன்ஸ் கோப்பை போட்டியை நடத்தும் முடிவை கைவிடுவது, ஐ.சி.சி. மற்றும் இந்திய கிரிக்கெட் வாரியம் மீது சட்ட நடவடிக்கை மேற்கொள்வது உள்ளிட்ட பல்வேறு வழிமுறைகளை பாகிஸ்தான் ஆராய்ந்து வருகிறது. இன்னொரு பக்கம் சர்வதேச கிரிக்கெட் கவுன்சில் (ஐ.சி.சி.) இரு நாட்டு கிரிக்கெட் வாரியங்களையும் சமாதானப்படுத்தும் முயற்சியில் ஈடுபட்டுள்ளது. எதுவும் ஒத்துவராவிட்டால் ஒட்டுமொத்த போட்டியையும் வேறு நாட்டுக்கு மாற்றலாமா? என்றும் ஆலோசிக்கிறது.

இந்த விவகாரம் குறித்து பாகிஸ்தான் அணிக்காக 203 சர்வதேச போட்டிகளில் ஆடியவரான முன்னாள் விக்கெட் கீப்பர் ரஷித் லத்தீப் கருத்து தெரிவிக்கையில், 'இந்தியாவுக்கு எதிராக கிரிக்கெட் போட்டிகளில் விளையாடுவதை பாகிஸ்தான் முற்றிலும் நிறுத்திக்கொள்ள வாய்ப்புள்ளது. என்னிடம் அதிகாரம் இருந்திருந்தால் இந்த முடிவை தைரியமாக எடுத்திருப்பேன். இந்த விவகாரத்தில் நான் யார் மீதும் குற்றம் சாட்டமாட்டேன்.

ஆனால் நீங்கள் (இந்தியா) பாகிஸ்தான் மண்ணில் விளையாட விரும்பவில்லை என்றால், அதன் பிறகு நீங்கள் உலகின் எந்த இடத்திலும் எங்களுக்கு எதிராக விளையாடக் கூடாது. இந்த பிரச்சினைக்கு சுமுக முடிவு எட்டப்படாத வரை இந்தியா, பாகிஸ்தான் ஆகிய இரு நாட்டுக்கும் பெரிய தொடர்களை நடத்தும் வாய்ப்பை வழங்குவதை ஐ.சி.சி. நிறுத்தி வைக்க வேண்டும் என்பதே எனது கருத்து' என்றார்.

9-வது ஐ.சி.சி. சாம்பியன்ஸ் டிராபி (50 ஓவர்) தொடர் 8 ஆண்டுகளுக்கு பிறகு பாகிஸ்தானில் 2025-ல் நடக்கிறது. முதல்முறையாக சாம்பியன்ஸ் டிராபி தொடரை பாகிஸ்தான் நடத்துகிறது. பிப்ரவரி 19 முதல் மார்ச் 9 வரை அங்குள்ள கராச்சி, லாகூர் ராவல் பிண்டியில் நடைபெறுகிறது.

இதில் இந்தியா, போட்டியை நடத்தும். பாகிஸ்தான், வங்கதேசம், நியூசிலாந்து (ஏ பிரிவு) ஆஸ்திரேலியா, இங்கிலாந்து, தென் ஆப்பிரிக்கா, ஆப்கானிஸ்தான் (பி பிரிவு) ஆகிய 8 அணிகள் பங்கேற்கிறது. வெஸ்ட் இண்டீஸ், இலங்கை ஆகியவை தகுதிபெறும் வாய்ப்பை இழந்தன.

இதற்கிடையே பாதுகாப்பு காரணங்களுக்காக சாம்பியன்ஸ் டிராபி கிரிக்கெட் போட்டிக்காக இந்திய அணி பாகிஸ்தானுக்கு செல்லாது என்றும், தங்களது அனைத்து ஆட்டங்களையும் துபாயில் விளையாட விரும்புவதாகவும் பாகிஸ்தான் கிரிக்கெட் வாரியத்திடம் இந்திய கிரிக்கெட் கட்டுப்பாட்டு வாரியம் (பி.சி.சி.ஐ.) திட்டவட்டமாக தெரிவித்தது.

பி.சி.சி.ஐ. தனது நிலைப்பாட்டை ஐ.சி.சி.யிடம் (சர்வதேச கிரிக்கெட் கவுன்சில்) தெரிவித்து இருந்தது.

இந்த நிலையில் இந்திய அணி வர மறுப்பதால் சாம்பியன்ஸ் டிராபி போட்டியை நடத்துவதை பாகிஸ்தான் கைவிட முடிவு செய்துள்ளது. இதை கைவிட பாகிஸ்தான் கிரிக்கெட வாரியம் ஐ.சி.சி.யிடம் தெரிவித்துள்ளதாக தகவல் வெளியாகி உள்ளது.

இதற்கிடையே சாம்பியன்ஸ் டிராபி போட்டியில் விளையாட பாகிஸ்தானுக்கு செல்ல மறுப்பது தொடர்பாக இந்தியாவிடம் விளக்கம் கேட்குமாறு ஐ.சி.சி.யிடம் பாகிஸ்தான் கிரிக்கெட் வாரியம் கேட்டுக் கொண்டுள்ளது. இந்தியா மோதிய ஆட்டங்களை மட்டும் துபாயில் நடத்த வேண்டும் என்ற பேச்சுக்கே இடமில்லை என்றும் பாகிஸ்தான் தெரிவித்துள்ளது.

இந்நிலையில், சாம்பியன்ஸ் டிராபி தொடரில் இந்திய அணி மோதும் போட்டிகளை துபாயில் நடத்துவதற்கு பாகிஸ்தான் கிரிக்கெட் வாரியம் உடன்படவில்லையென்றால் சாம்பியன்ஸ் டிராபி தொடர் தென் ஆப்பிரிக்காவிற்கு மாற்றப்படும் என்று தகவல் வெளியாகியுள்ளது.

அதே சமயம், சாம்பியன்ஸ் டிராபி தொடரை வேறு நாட்டிற்கு மாற்ற ஐசிசி முடிவெடுத்தால் தொடரில் இருந்தே விலக பாகிஸ்தான் அணி முடிவெடுத்துள்ளதாக சொல்லப்படுகிறது. 

இந்திய அணியின் தலைமை பயிற்சியாளர் கம்பீர் நேற்று நிருபர்களின் கேள்விகளுக்கு அதிரடி தொனியில் வெளிப்படையாக பதில்கள் அளித்தார். ஆஸ்திரேலிய முன்னாள் கேப்டன் ரிக்கி பாண்டிங்கை பகிரங்கமாக சாடினார்.

இந்த நிலையில் கம்பீருக்கு பொதுவெளியில் வார்த்தைகளை எப்படி பயன்படுத்த வேண்டும் என்பது தெரியவில்லை. அதனால் அவரை செய்தியாளர்கள் சந்திப்புக்கு அனுப்பாதீர் என இந்திய முன்னாள் வீரரும், வர்ணனையாளருமான சஞ்சய் மஞ்ச்ரேக்கர் இந்திய கிரிக்கெட் வாரியத்தை கேட்டுக் கொண்டுள்ளார்.

இது தொடர்பாக மஞ்ச்ரேக்கர் தனது எக்ஸ் தள பதிவில், 'கம்பீரின் செய்தியாளர் சந்திப்பை இப்போது தான் பார்த்தேன். அவரை இது போன்ற பணியில் இருந்து விலக்கி வைப்பது தான் கிரிக்கெட் வாரியத்துக்கு நல்லது. அவர் அணிக்கு பின்னணியில் இருந்து மட்டும் வேலை பார்க்கட்டும்.

செய்தியாளர்களுடன் உரையாடும் போது, அவரது நடத்தை, வார்த்தைகள் மெச்சும்படி இல்லை. இந்திய கேப்டன் ரோகித் சர்மா, தேர்வு குழு தலைவர் அகர்கர் ஊடகத்தினரை எதிர்கொள்வதில் திறமையானர்கள்' என்று குறிப்பிட்டுள்ளார்.

கராச்சி:

9-வது ஐ.சி.சி. சாம்பியன்ஸ் டிராபி (50 ஓவர்) போட்டியை 8 ஆண்டுகளுக்கு பிறகு பாகிஸ்தான் முதல் தடவையாக 2025-ல் நடத்துகிறது. பிப்ரவரி 19 முதல் மார்ச் 9 வரை அங்குள்ள கராச்சி, லாகூர் ராவல் பிண்டியில் நடைபெறுகிறது.

இதில் இந்தியா, போட்டியை நடத்தும். பாகிஸ்தான், வங்காளதேசம், நியூசிலாந்து (ஏ பிரிவு) ஆஸ்திரேலியா, இங்கிலாந்து, தென் ஆப்பிரிக்கா, ஆப்கானிஸ்தான் (பி பிரிவு) ஆகிய 8 அணிகள் பங்கேற்கிறது. வெஸ்ட் இண்டீஸ், இலங்கை ஆகியவை தகுதிபெறும் வாய்ப்பை இழந்தன.

இதற்கிடையே பாதுகாப்பு காரணங்களுக்காக சாம்பியன்ஸ் டிராபி கிரிக்கெட் போட்டிக்காக இந்திய அணி பாகிஸ்தானுக்கு செல்லாது என்றும், தங்களது அனைத்து ஆட்டங்களையும் துபாயில் விளையாட விரும்புவதாகவும் பாகிஸ்தான் கிரிக்கெட் வாரியத்திடம் இந்திய கிரிக்கெட் கட்டுப்பாட்டு வாரியம் (பி.சி.சி.ஐ.) திட்டவட்டமாக தெரிவித்தது.

பி.சி.சி.ஐ. தனது நிலைப்பாட்டை ஐ.சி.சி.யிடம் (சர்வதேச கிரிக்கெட் கவுன்சில்) தெரிவித்து இருந்தது.

இந்த நிலையில் இந்திய அணி வர மறுப்பதால் சாம்பியன்ஸ் டிராபி போட்டியை நடத்துவதை பாகிஸ்தான் கைவிட முடிவு செய்துள்ளது. இதை கைவிட பாகிஸ்தான் கிரிக்கெட வாரியம் ஐ.சி.சி.யிடம் தெரிவித்துள்ளதாக தகவல் வெளியாகி உள்ளது.

இந்தியா விளையாட மறுப்பதால் போட்டியை நடத்தும் உரிமையை பாகிஸ்தான் இழக்கிறது. இதனால் இரு நாடுகள் இடையேயான பிரச்சினைகள் தீர்க்கப்படும் வரை ஐ.சி.சி. அல்லது ஆசிய கோப்பை போட்டிகளில் இந்திய அணியுடன் விளையாடுவதை பாகிஸ்தான் கிரிக்கெட் வாரியம் நிறுத்துமாறு அந்நாட்டு அரசு வலியுறுத்தி இருப்பதாக அதிகாரப்பூர்வ தகவல் தெரிவிக்கிறது.

இதற்கிடையே சாம்பியன்ஸ் டிராபி போட்டியில் விளையாட பாகிஸ்தானுக்கு செல்ல மறுப்பது தொடர்பாக இந்தியாவிடம் விளக்கம் கேட்குமாறு ஐ.சி.சி.யிடம் பாகிஸ்தான் கிரிக்கெட் வாரியம் கேட்டுக் கொண்டுள்ளது. இந்தியா மோதிய ஆட்டங்களை மட்டும் துபாயில் நடத்த வேண்டும் என்ற பேச்சுக்கே இடமில்லை என்றும் பாகிஸ்தான் தெரிவித்துள்ளது.

பல்வேறு விஷயங்களை ஆராய்ந்து தான் சாம்பியன்ஸ் டிராபி போட்டியை நடத்துவதில் இருந்தது வாபஸ் பெற பாகிஸ்தான் கிரிக்கெட் வாரியம் திட்டமிட்டுள்ளது.

ஐசிசி சாம்பியன்ஸ் டிராபி அடுத்த வருடம் பிப்ரவரி-மார்ச் மாதங்களில் பாகிஸ்தானில் நடைபெற இருக்கிறது. இந்தத் தொடரில் பாகிஸ்தான் சென்று இந்தியா பங்கேற்குமா? என்பது குறித்து உறுதிப்படுத்தாமல் இருந்தது.

இந்தியா பாகிஸ்தான் சென்று விளையாடாது. மற்ற இடங்களில் அதாவது பாகிஸ்தானுக்கு வெளியே போட்டி நடத்தப்பட்டால் பங்கேற்கும் எனக் கூறப்பட்டு வந்தது.

இந்த நிலையில் ஐ.சி.சி. சாம்பியன்ஸ் டிராபி போட்டியில் பங்கேற்பதற்காக நாங்கள் பாகிஸ்தான் செல்லமாட்டோம் எனக் கூறியதாக ஐ.சி.சி. எங்களிடம் அதிகாரப்பூர்வமாக தெரிவித்ததாக பாகிஸ்தான் கிரிக்கெட் போர்டு தெரிவித்துள்ளது.

ஐசிசி எங்களுக்கு ஒரு இ-மெயில் அனுப்பியுள்ளது. அதில் எங்கள் அணி பாகிஸ்தானில் சுற்றுப் பயணம் செய்து ஐசிசி சாம்பியன்ஸ் டிராபியில் விளையாடாது என பிசிசிஐ தெரிவித்துள்ளது குறிப்பிட்டுள்ளது.

ஆலோசனை மற்றும் வழிகாட்டுதலுக்கான இந்த மெயிலை பாகிஸ்தான் அரசுக்கு அனுப்பியுள்ளோம் எனவும் தெரிவித்துள்ளது.

ஏற்கனவே பாகிஸ்தான் சென்று இந்தியா விளையாட தயக்கம் காட்டி வருவதால் ஹைபிரிட் மாடல் தொடராக இந்த தொடரை நடத்த வாய்ப்புள்ளதாக கருதப்பட்டு வந்தது.

ஆனால் பாகிஸ்தானால் ஹைபிரிட் மாடல் என்பதை ஏற்றுக்கொள்ள முடியாது என பாகிஸ்தான் கிரிக்கெட் போர்டு தலைவர் நக்வி தெரிவித்துள்ளார்.

இந்தியா கடந்த 2008-ம் ஆண்டுக்குப்பின் கிரிக்கெட் அணியை பாகிஸ்தானுக்கு அனுப்பவில்லை. 2012-13-ல் பாகிஸ்தான் அணி இந்தியாவுக்கு இருநாடுகளுக்கு இடையில் ஒயிட்பால் தொடருக்காக இந்தியா வந்திருந்தது. அதன்பின் 2016 டி20 உலகக் கோப்பை, கடந்த வருடம் நடைபெறற் 50 ஓவர் உலகக் கோப்பை தொடரில் விளையாடுவதற்காக பாகிஸ்தான் அணி இந்தியா வந்திருந்தது.

டி20 உலகக்கோப்பைக்கு பிறகு இந்திய அணியின் தலைமைப் பயிற்சியாளராக கவுதம் கம்பீர் நியமிக்கப்பட்டார். அவர் பயிற்சியாளராக பொறுப்பேற்ற பிறகு இந்திய அணி தொடர்ந்து தடுமாற்றங்களை சந்தித்து வருகிறது.

இலங்கைக்கு எதிரான ஒருநாள் தொடரில் இந்திய அணி 27 ஆண்டுகளுக்குப் பிறகு தோல்வியை சந்தித்தது. தற்போது நியூசிலாந்துக்கு எதிரான 3 டெஸ்டிலும் தோற்று ஒயிட்வாஷ் ஆனது.

சொந்த மண்ணில் ஏற்பட்ட இந்த படுதோல்வியால் பயிற்சியாளர் கம்பீர் கடும் விமர்சனத்துக்கு உள்ளாகி இருக்கிறார். அவருக்கு நெருக்கடி ஏற்பட்டுள்ளது.

நியூசிலாந்திடம் முழுமையாக தோற்றதால் ஆஸ்திரேலிய சுற்றுப்பயணதில் இந்திய அணி 5 டெஸ்டில் 4-ல் வெல்ல வேண்டும். அப்படி நிகழாவிட்டால் உலக டெஸ்ட் சாம்பியன்ஷிப் இறுதிப்போட்டிக்கு தொடர்ந்து 3-வது முறையாக முன்னேற இயலாது. இதனால் ஆஸ்திரேலிய தொடர் கம்பீரின் தலை விதியை நிர்ணயம் செய்யும் என்று சொல்லப்படுகிறது.

நியூசிலாந்து டெஸ்ட் தொடரின் படுதோல்விக்கு பிறகு பிசிசிஐ தலைமையில் நீண்ட நேரம் ரிவ்யூ மீட்டிங் நடந்தது. இந்த மீட்டிங்கில் கம்பீர் மற்றும் ரோகித்தை தேர்வுக்குழு தலைவர்கள் கடுமையாக விமர்சித்ததாக சொல்லப்படுகிறது.

நியூசிலாந்து அணிக்கு எதிரான 3 ஆவது டெஸ்ட் போட்டியின் தோல்விக்கு பிறகு செய்தியாளர்களை சந்தித்து பேசாத இந்திய கிரிக்கெட் அணியின் தலைமைப் பயிற்சியாளர் கவுதம் கம்பீர் மும்பையில் நாளை காலை 9 மணிக்கு செய்தியாளர்களை சந்தித்து பேச இருக்கிறார்.

ஆஸ்திரேலியாவில் பார்டர் கவாஸ்கர் கோப்பை தொடர் விரைவில் தொடங்க இருப்பதால் இச்சந்திப்பு முக்கியத்துவம் வாய்ந்ததாக பார்க்கப்படுகிறது.

பாகிஸ்தானில் அடுத்த ஆண்டு ஐ.சி.சி. சாம்பியன்ஸ் டிராபி கிரிக்கெட் தொடர் நடைபெற உள்ளது. பாகிஸ்தான், இந்தியா உட்பட எட்டு அணிகள் இந்த தொடரில் பங்கேற்கின்றன. இந்த தொடருக்காக இந்திய அணி பாகிஸ்தான் செல்லுமா என்பது கேள்வி குறியாகவே இருந்து வந்தது.

இந்நிலையில் சாம்பியன்ஸ் டிராபி தொடரில் இந்தியா விளையாடுவதற்காக ஹைப்ரிட் முறை பின்பற்றப்பட இருப்பதாக பிசிசிஐ தெரிவித்துள்ளது. இது தொடர்பாக பி.சி.சி.ஐ. சார்பில் பாகிஸ்தான் கிரிக்கெட் வாரியத்திற்கு கடிதம் எழுதப்பட்டு இருக்கிறது.

இது குறித்து பி.சி.சி.ஐ. வட்டாரத்தை சேர்ந்த ஒருவர் கூறும் போது, "இது தான் எங்கள் முடிவு, அதில் எந்த மாற்றமும் இல்லை. நாங்கள் எங்களது அனைத்து போட்டிகளையும் துபாய்க்கு மாற்ற அவர்களுக்கு கடிதம் எழுதி இருக்கிறோம்," என்று தெரிவித்ததாக தகவல் வெளியாகி உள்ளது.

இந்நிலையில் நவம்பர் 11-ல் இருந்து சாம்பியன் டிராபி தொடங்க 100 நாள் உள்ளது. இதற்காக பாகிஸ்தானில் உள்ள லாகூரில் பிரம்மாண்ட நிகழ்ச்சி நடத்த ஐசிசி திட்டமிருந்தது. இந்தியா தற்போது பாகிஸ்தான் சென்று விளையாட மறுப்பு தெரிவித்ததால் அதனை தற்போது ரத்து செய்துள்ளதாக தகவல் வெளியாகி உள்ளது.

இதனால் இந்த நிகழ்ச்சி எப்போது நடக்கும் என்பது கேள்விக்குறியாகியுள்ளது.

பாகிஸ்தானில் அடுத்த ஆண்டு துவக்கத்தில் சர்வதேச கிரிக்கெட் கவுன்சிலான ஐ.சி.சி. சாம்பியன்ஸ் டிராபி கிரிக்கெட் தொடர் நடைபெற உள்ளது. பாகிஸ்தான், இந்தியா உட்பட எட்டு அணிகள் இந்த தொடரில் பங்கேற்கின்றன. இந்த தொடருக்காக இந்தியா அணி பாகிஸ்தான் செல்லுமா என்பது கேள்வி குறியாகவே இருந்து வந்தது.

இந்திய கிரிக்கெட் அணி கடந்த 2008 கடைசியாக பாகிஸ்தானில் விளையாடியது. 2008 ஆம் ஆண்டுக்கு பிறகு இந்திய அணி பாகிஸ்தான் சென்று விளையாடவில்லை. இரு அணிகளுக்கு இடையிலான நேரடி தொடர் அரசியல் மற்றும் பாதுகாப்பு ரீதியான காரணங்களால் நடைபெறாமல் இருந்தது.

ஐ.சி.சி. நடத்தும் தொடர்களில் மட்டுமே இந்தியா மற்றும் பாகிஸ்தான் அணிகள் விளையாடி வருகின்றன. இந்நிலையில் சாம்பியன்ஸ் டிராபி தொடரில் இந்தியா விளையாடுவதற்காக ஹைப்ரிட் முறை பின்பற்றப்பட இருப்பதாக பிசிசிஐ தெரிவித்துள்ளது. இது தொடர்பாக பி.சி.சி.ஐ. சார்பில் பாகிஸ்தான் கிரிக்கெட் வாரியத்திற்கு கடிதம் எழுதப்பட்டு இருக்கிறது.

இது குறித்து பி.சி.சி.ஐ. வட்டாரத்தை சேர்ந்த ஒருவர் கூறும் போது, "இது தான் எங்கள் முடிவு, அதில் எந்த மாற்றமும் இல்லை. நாங்கள் எங்களது அனைத்து போட்டிகளையும் துபாய்க்கு மாற்ற அவர்களுக்கு கடிதம் எழுதி இருக்கிறோம்," என்று தெரிவித்ததாக தகவல் வெளியாகி உள்ளது.

இதனால் இந்தியா விளையாடும் போட்டிகள் துபாயில் நடைபெறும் என்றும் இது குறித்து விரைவில் அதிகாரப்பூர்வ தகவல் வெளியாகும் என்று தெரிகிறது. 

புதுடெல்லி:

18-வது ஐ.பி.எல். கிரிக்கெட் போட்டியையொட்டி 10 அணிகளும் சேர்ந்து 46 வீரர்களை தக்க வைத்துள்ளன. மற்ற வீரர்கள் அனைவரும் ஏலத்திற்கு வருகிறார்கள்.

ஏலத்திற்கான இடமாக சவுதிஅரேபியாவின் ரியாத் மற்றும் ஜெட்டா ஆகிய நகரங்களை பரிசீலனை செய்த இந்திய கிரிக்கெட் வாரியம் இறுதியில் சவுதியின் துறைமுக நகரான ஜெட்டாவை தேர்வு செய்துள்ளது. இதன்படி ஐ.பி.எல். கிரிக்கெட் வீரர்களின் மெகா ஏலம் வருகிற 24 மற்றும் 25-ந்தேதி ஆகிய இரு நாட்கள் ஜெட்டாவில் நடைபெறும் என்று இந்திய கிரிக்கெட் வாரியம் நேற்று அதிகாரபூர்வமாக அறிவித்தது.

ஏலத்திற்கு 1,165 இந்தியர், 409 வெளிநாட்டவர் என்று மொத்தம் 1,574 வீரர்கள் பதிவு செய்துள்ளனர். இதில் 48 இந்தியர்கள் உள்பட 320 வீரர்கள் சர்வதேச போட்டியில் ஆடியவர்கள் ஆவர்.

வெளிநாட்டு வீரர்களில் அதிகபட்சமாக தென்ஆப்பிரிக்காவில் இருந்து 91 பேரும், ஆஸ்திரேலியாவில் இருந்து 76 வீரர்களும், இங்கிலாந்தை சேர்ந்த 52 வீரர்களும் ஏலப்பட்டியலில் இடம் பிடித்துள்ளனர். இவர்களில் இருந்து அணிகளின் விருப்பத்தின் அடிப்படையில் ஏலத்திற்கு முன்பாக இறுதிப்பட்டியல் தயாரிக்கப்படும்.

ஒவ்வொரு அணியிலும் அதிகபட்சமாக 25 வீரர்களை சேர்க்கலாம். தக்க வைத்துள்ள வீரர்கள் போக 204 இடங்களை ஏலத்தின் மூலம் நிரப்ப வேண்டி உள்ளது.

இந்திய கிரிக்கெட் கட்டுப்பாட்டு வாரியத்தின் செயலாளராக இருந்த மத்திய உள்துறை அமைச்சர் அமித் ஷாவின் மகன், ஜெய் ஷா கடந்த மாதம் சர்வதேச கிரிக்கெட் கவுன்சிலின் தலைவராக நியமிக்கப்பட்டார். டிசம்பர் மாதம் ஐசிசியின் தலைவராக ஜெய்ஷா பொறுப்பேறுக் கொள்வார் எனத் தெரிவிக்கப்பட்டுள்ளது. இதனால் அடுத்த பிசிசிஐ செயலாளர் யார் என்பது குறித்து கேள்வி எழுந்தது.

இந்த பதவிக்கு முன்னாள் ஐபிஎல் தலைவர் ராஜீவ் சுக்லா, முன்னாள் மத்திய அமைச்சர் அனுராக் தாகூரின் தம்பி அருண் துமால், முன்னாள் மத்திய நிதி அமைச்சர் அருண் ஜெட்லியின் மகன் ரோகன் ஜெட்லி ஆகியோரின் பெயர்கள் பரிந்துரைப் பட்டியலில் எதிரொலித்தன.

இந்நிலையில் முன்னாள் ஒன்றிய அமைச்சர் அருண் ஜெட்லியின் மகனும் டெல்லி கிரிக்கெட் சங்கத்தின் தலைவருமான ரோகன் ஜெட்லி, பிசிசிஐ-ன் அடுத்த செயலாளராக தேர்வு செய்யப்படலாம் என தகவல் வெளியாகி உள்ளது. விரைவில் இது தொடர்பான அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.