என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "Agaram Muthalamman kovil festival"
- திண்டுக்கல் அருகே உள்ள தாடிக்கொம்பு அகரம் முத்தாலம்மன் கோவில் திருவிழா கடந்த 9ஆம் தேதி தொடங்கியது.
- சொருகு பட்டை சப்பரத்தில் உலா வந்து பூஞ்சோலைக்கு அம்மன் எழுந்தருளும் நிகழ்ச்சி நடைபெற்றது.
தாடிக்கொம்பு:
திண்டுக்கல் அருகே உள்ள தாடிக்கொம்பு அகரம் முத்தாலம்மன் கோவில் திருவிழா கடந்த 9ஆம் தேதி தொடங்கியது. இதைத் தொடர்ந்து தினமும் மாலையில் கலை நிகழ்ச்சி மற்றும் புராண நாடகங்கள் நடைபெற்றது. திருவிழாவின் முக்கிய நிகழ்ச்சியான கண் திறப்பு வைபவம் நேற்று முன்தினம் நடைபெற்றது.
அதன் பிறகு ஆயிரம் பொன் சப்பரத்தில் உலா வந்து கொழுமண்டபத்தில் அம்மன் எழுந்தருளினார். திருவிழாவையொட்டி அம்மனுக்கு நேர்த்திக்கடனாக தீச்சட்டி எடுத்தும், அங்க பிரதட்சனம் செய்தும், கரும்புத் தொட்டிலில் குழந்தைகளை தூக்கி வந்தும் ஏராளமான பக்தர்கள் நேர்த்திக் கடன் செலுத்தினர்.
இதைத் தொடர்ந்து இரவு 12 மணி வரை கொலுமண்டபத்தில் அம்மன் எழுந்தருளி பக்தர்களுக்கு அருள் பாலித்தார். அதன் பிறகு புஷ்ப விமானத்தில் அம்மன் அங்கிருந்து புறப்பட்டு வானக்காட்சி மண்டபத்தில் எழுந்தருளினார். அங்கு அம்மனுக்கு சிறப்பு பூஜைகள் செய்யப்பட்டது. இதைத் தொடர்ந்து வான வேடிக்கை நிகழ்ச்சிகள் நடந்தது.
நேற்று மதியம் 1:30 மணி அளவில் வானக் காட்சி மண்டபத்தில் இருந்து அம்மன் எழுந்தருளி பக்தர்களுக்கு அருள் பாலித்தார். பின்னர் சொருகு பட்டை சப்பரத்தில் உலா வந்து பூஞ்சோலைக்கு அம்மன் எழுந்தருளும் நிகழ்ச்சி நடைபெற்றது. பூஞ்சோலைக்கு அம்மன் செல்லும் வழி நெடுகிலும் பல்லாயிரக்கணக்கான பக்தர்கள் திரண்டு சாமி தரிசனம் செய்தனர்.
- திண்டுக்கல் தாடிக்கொம்பு அருகே அகரத்தில் பிரசித்தி பெற்ற அகரம் முத்தாலம்மன் கோவில் உள்ளது.
- இந்த நிலையில் திருவிழாவின் முக்கிய நிகழ்ச்சியான அம்மனின் கண் திறப்பு நாளை காலை 10:30 மணி அளவில் நடைபெற உள்ளது.
தாடிக்கொம்பு:
திண்டுக்கல் தாடிக்கொம்பு அருகே அகரத்தில் பிரசித்தி பெற்ற அகரம் முத்தாலம்மன் கோவில் உள்ளது. ஒவ்வொரு ஆண்டும் இந்த கோவிலில் பல்லி சகுனம் உத்தரவு கேட்டு உத்தரவு கொடுத்து விட்டால் 10 நாட்கள் திருவிழா நடைபெறுவது வழக்கம்.
அதன்படி இந்த ஆண்டிற்கான உத்தரவு கொடுத்துவிட்டதால் திருவிழா 9ம் தேதி இரவு சாமி சாட்டுதல் நிகழ்ச்சியுடன் தொடங்கியது. அதைத் தொடர்ந்து ஒவ்வொரு நாளும் சிறப்பு பூஜை மற்றும் கலை நிகழ்ச்சிகள், புராண நாடகங்கள் நடைபெற்று வருகின்றன. மேலும் அம்மனின் பண்டாரப் பெட்டி மற்றும் உற்சவர் கொலு மண்டபத்திற்கு எழுந்தருளும் உள்ளிட்ட நிகழ்ச்சிகள் நடைபெற்று வருகிறது
இந்த நிலையில் திருவிழாவின் முக்கிய நிகழ்ச்சியான அம்மனின் கண் திறப்பு நாளை (திங்கட்கிழமை) காலை 10:30 மணி அளவில் நடைபெற உள்ளது. பின்னர் அம்மன் ஆயிரம் பொன் சப்பரத்தில் உலா வந்து கொலு மண்டபத்தில் எழுந்தருளும் நிகழ்ச்சி நடைபெறும்.
அன்றைய தினம் இரவு 12 மணி வரை பக்தர்களுக்கு தரிசனம் அளித்துவிட்டு அம்மன் அங்கிருந்து புஷ்ப விமானத்தில் புறப்பட்டு வாணகாட்சி மண்டபத்தில் எழுந்தருள்வார்.
பின்னர் இரவு 12 மணிக்கு மேல் வாணவேடிக்கை நிகழ்ச்சி விடிய விடிய நடைபெறும். மறுநாள் (18-ந் தேதி) செவ்வாய்கிழமை மதியம் 1.30 மணி அளவில் அம்மன் மண்டபத்தில் இருந்து புறப்பட்டு சொருகு பட்டை விமானத்தில் பூஞ்சோலைக்கு செல்லும் நிகழ்ச்சி நடைபெறுகிறது. அங்கு அம்மனுக்கு சிறப்பு பூஜைகள் நடைபெறுகிறது.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்