மேலூர்
மேலூர் அல் அமீன் உருது, தமிழ் உயர்நிலைப்பள்ளி மாணவர்கள் மேலூர் வட்ட பள்ளிகளுக்கு இடையிலான தடகள போட்டியில் மாணவன் கிரித்திஸ் நந்தன் தனிநபர் சாம்பியன் பட்டம் வென்றார். 14 வயது பிரிவில் உயரம் தாண்டுதலில் ராஜதுரை 2-வது இடம், 14 வயது பிரிவில் சுபாஷ் நீளம் தாண்டுதலில் 2-ம் இடம், 200 மீட்டர் போட்டியில் முகேஷ் 3-ம் இடம் பெற்றனர். 17 வயது பிரிவில் 1500 மீட்டர் ஓட்ட போட்டியில் அருண்குமார் 2-ம் இடம், உயரம் தாண்டுதலில் அமீர் காட்டுவா 2-ம் இடம், மும்முறை தாண்டுதலில் எழுச்சி தமிழன் 2-ம் இடம், உயரம் தாண்டுதலில் கனிஷ்கர் 3-ம் இடம், ஈட்டி எறிதலில் பரணி 3-ம் இடம், 17 வயது பெண்கள் கேரம் போட்டியில் அனீஸ் பாத்திமா, சோபனா 2-ம் பரிசு பெற்றனர்.14 வயது பிரிவில் கேரம் போட்டியில் ஆயிஷா முதல் பரிசு பெற்றார். 17 வயது பிரிவில் கோ கோ போட்டியில் முதலிடம், 14 வயது பிரிவில் கைப்பந்து போட்டியில் முதலிடம், 14 வயது பிரிவில் கைப்பந்து போட்டியில் முதலிடம் வென்றனர்.போட்டிகளில்வெற்றி பெற்ற மாணவர்கள் வருவாய் மாவட்ட அளவிலான போட்டிக்கு தகுதி பெற்றனர். இவர்களை முன்னாள் நகராட்சி சேர்மனும், பள்ளியின் தாளாளருமான எம்.ஓ.சாகுல் ஹமீது, தலைவர் காதர் மைதீன், பொருளாளர் ஜாகிர் உசேன், நிர்வாக குழு உறுப்பினர்கள் ஜபார், ஷாஜகான், ராஜா முகமது, காஜா மைதீன், ராஜா முகமது, சித்திக், பிலால், தலைமையாசிரியர் சலீம், உதவி தலைமை ஆசிரியர் அப்துல் ரஹ்மான், உடற்கல்வி ஆசிரியர் புகாரி ஆகியோர் பாராட்டினர்.
