நீங்கள் தேடியது "மாடித்தோட்டம்"

வாழப்பாடி:

பெத்தநாயக்கன்பாளை யம் வட்டாரத்தில் தோட்டக் கலைத்துறை உதவி இயக்குநர் கோதைநாயகி தலைமையில் புத்திரகவுண்டன்பாளையம் வேளாண்மை வட்டார விரிவாக்க மையத்திலும், அயோத்தியாப்பட்டணம் வட்டாரத்தில் உதவி இயக்குநர் முனைவர்.கலைவாணி தலைமையில், மாசிநாயக்கன்பட்டி மகளிர் சங்க அலுவலகத்திலும், வாழப்பாடி வட்டாரத்தில் உதவி இயக்குநர் முனைவர் பிரியதர்ஷினி தலைமையில் வாழப்பாடி மகளிர் சங்க அலுவலகத்திலும் மாடித்தோட்டம் அமைப்பது குறித்த இலவச பயிற்சி முகாம் நடைபெற்றது.

இப்பயிற்சியில், தக்காளி, மிளகாய், கத்திரிக்காய் உள்ளிட்ட காய்கறிகள், கீரைகளை மாடித்தோட்டம் அமைத்து சாகுபடி செய்வது குறித்து செயல்விளக்கப் பயிற்சி அளிக்கப்பட்டது. 3 வட்டாரங்களிலும் தலா 50 பேர் பயிற்சி பெற்றனர். இதில் பெண்கள் ஆர்வத்தோடு அதிகளவில் பங்கேற்றனர்.

மாடித்தோட்டம் அமைப்பதற்கு தேவையான வளர்ப்பு பைகள், தென்னைநார் கழிவு, காய்கறி விதைகள், உயிர் உரங்கள், வேப்ப எண்ணெய் ஆகியவை உள்ளடக்கிய தொகுப்பை மானிய விலையில் பெறுவதற்கும், ரூ.450 பணம் செலுத்தி ஏராளமானோர் முன்பதிவு செய்தனர். மாடித்தோட்டம் அமைப்பதற்கு ஆர்வமுள்ளவர்கள் அரசு மானியத்தில் ரூ.450 மட்டும் கொடுத்து மாடித்தோட்ட தொகுப்பை பெற்றக் கொள்ளலாமென, தோட்டக்கலைத்துறை உதவி இயக்குநர்கள் தெரிவித்துள்ளனர். மாடித்தோட்டம் அமைப்பது குறித்த பயிற்சி பயனுள்ள வகையில் அமைந்ததாக பயிற்சி பெற்ற பெண்கள் தெரிவித்தனர்.