நீங்கள் தேடியது "சகிப் அல் ஹசன்"

இந்தியாவுக்கு சுற்றுப்பயணம் மேற்கொண்ட வங்கதேசம் முதலாவதாக நடைபெற்ற டெஸ்ட் தொடரில் 2 -0 (2) என்ற கணக்கில் படுதோல்வியை சந்தித்தது. அதைத் தொடர்ந்து இந்தியாவுக்கு எதிராக வங்கதேசம் 3 போட்டிகள் கொண்ட டி20 தொடரில் விளையாட உள்ளது.

அத்தொடரின் முதல் போட்டி இன்று குஜராத் மாநிலத்தில் இருக்கும் குவாலியர் நகரில் துவங்குகிறது.

இந்நிலையில் டி20 கிரிக்கெட்டில் ஓய்வு பெற்ற தங்கள் அணியின் ஜாம்பவான் சாகிப் அல் ஹசனை வங்கதேச அணி மிஸ் செய்யும் என்று அந்நாட்டின் வீரர் தவ்ஹீத் ஹ்ரிடாய் கூறியுள்ளார்.

இது குறித்து அவர் கூறியதாவது:-

டி20 என்பது ரன்களை பொறுத்ததாகும். அதில் ஒவ்வொரு அணியும் பெரிய ரன்கள் குவிக்க விரும்புவார்கள். இந்த மைதானத்தில் நீண்ட காலமாக எந்தப் போட்டியும் நடைபெறவில்லை. இது புதிய மைதானம். எனவே இங்குள்ள சூழ்நிலை என்ன என்பது எங்களுக்குத் தெரியவில்லை. பயிற்சி ஆடுகளத்தை பார்க்கும் போது பிட்ச் ஸ்லோவாக இருக்கும் என்று தெரிகிறது.

இது போன்ற சூழ்நிலையில் பெரிய ஸ்கோர் அடிப்பதற்கு வாய்ப்பில்லை. ஐபிஎல் போட்டிகளும் நடைபெறவில்லை. சர்வதேச கிரிக்கெட்டில் எப்போதும் அழுத்தம் இருக்கும். ஆனால் அதைப்பற்றி சிந்தித்தால் சிறப்பாக செயல்பட முடியாது. எப்படி அசத்த முடியும் என்பதில் நாங்கள் கவனம் செலுத்துகிறோம். ஷாகிப் பாய் இல்லை. அவரை நாங்கள் மிஸ் செய்வோம். ஆனால் அனைவரும் ஒருநாள் சென்றாக வேண்டும். இருப்பினும் அவர் இல்லாமலேயே நாங்கள் இந்தியாவை வீழ்த்துவோம் என்று நம்புகிறோம்.

எனக் தவ்ஹீத் ஹ்ரிடாய் கூறினார். 

வங்காளதேச அணியின் ஆல் ரவுண்டரான சகிப் அல் ஹசன். இவர் தொடர்பான செய்திகள் அடிக்கடி வந்து சர்ச்சையை ஏற்படுத்தும். அந்த வகையில் அவர் தற்போது புதிய சர்ச்சையில் சிக்கியுள்ளார்.

தாகா ப்ரீமியர் லீக் கிரிக்கெட் போட்டியின் போது செல்பி எடுக்க வந்த ரசிகரை சகிப் அல் ஹசன் தாக்க முயன்றுள்ளார். அது தொடர்பான ஒரு வீடியோ சமூக வலைதளங்களில் வைரலாகி வருகிறது.

அந்த வீடியோவில் சகிப் அல் ஹசன் சக வீரர்களுடன் பேசி கொண்டிருப்பார். அந்த நேரத்தில் அவர்கள் இருக்கும் இடத்தில் ஒரு ரசிகர் செல்பி எடுக்க அனுமதி கேட்பார். இதனை ஏற்றுக் கொள்ளாத சகிப் அவரது செல்போனை தடுத்து விடுவார். மேலும் ரசிகரின் கழுத்தை பிடித்து அவரை தாக்க முயற்சி செய்வார். இதனால் மனமுடைந்த ரசிகர் அங்கிருந்து சென்று நாற்காலியில் சோகத்துடன் அமர்ந்து இருப்பார்.

இந்த வீடியோவில் சகிப்பின் செயல் மிகவும் மோசமானதாக இருந்தாக ரசிகர்கள் மட்டுமின்றி முன்னாள் வீரர்கள் கூட இவருக்கு கண்டனம் தெரிவித்து வருகின்றனர். இந்த வீடியோ சமூக வலைதளங்களில் தற்போது டிரெண்டாகி வருகிறது.