ஆப்பிள் நிறுவனத்தின் புதிய ஐபோன் 14 மற்றும் ஐபோன் 14 பிளஸ் ஸ்மார்ட்போன்கள் அறிமுகமாகி இருக்கின்றன. இரு மாடல்களிலும் முறையே 6.1 இன்ச் மற்றும் 6.7 இன்ச் OLED சூப்பர் ரெட்டினா XDR டிஸ்ப்ளே மற்றும் 60Hz ரிப்ரெஷ் ரேட் வழங்கப்பட்டு இருக்கிறது. இத்துடன் ஐபோன் 12 சீரிசில் அறிமுகம் செய்யப்பட்ட செராமிக் ஷீல்டு பாதுகாப்பு வழங்கப்பட்டு உள்ளது.
இத்துடன் 12MP பிரைமரி கேமரா, முன்புறம் புதிய ட்ரூ டெப்த் கேமரா, அல்ட்ரா வைடு கேமரா வழங்கப்பட்டு இருக்கிறது. புது ஐபோனின் ஒவ்வொரு கேமரா லென்சிலும் அதிகளவு மேம்படுத்தப்பட்டு இருக்கிறது. இதே போன்று வீடியோ சீராக காட்சியளிக்க செய்யும் வகையில் புதிதாக ஆக்ஷன் மோட் வழங்கப்பட்டு உள்ளது.
ஐபோன் 14 மற்றும் ஐபோன் 14 பிளஸ் அம்சங்கள்:
6.1 இன்ச் 2532x1170 பிக்சல் OLED சூப்பர் ரெட்டினா XDR டிஸ்ப்ளே - ஐபோன் 14
6.7 இன்ச் 2778x1284 பிக்சல் OLED சூப்பர் ரெட்டினா XDR டிஸ்ப்ளே - ஐபோன் 14 பிளஸ்
6-கோர் ஏ15 பயோனிக் பிராசஸர்
128 ஜிபி, 256 ஜிபி, 512 ஜிபி மெமரி ஆப்ஷன்கள்
ஐஒஎஸ் 16
வாட்டர் மற்றும் டஸ்ட் ரெசிஸ்டண்ட் (IP68)
டூயல் சிம்
12MP வைடு ஆங்கில் கேமரா
12MP அல்ட்ரா வைடு இரண்டாவது கேமரா
12MP செல்பி கேமரா
முக அங்கீகார வசதி வழங்க ட்ரூ டெப்த் கேமரா
5ஜி, ஜிகாபிட் கிளாஸ் எல்டிஇ, வைபை 6, ப்ளூடூத் 5.3
லித்தியம் அயன் பேட்டரி
பாஸ்ட் சார்ஜிங் வசதி
புதிய ஐபோன் 14 மற்றும் ஐபோன் 14 பிளஸ் ஸ்மார்ட்போன் மாடல்கள் மிட்நைட், பர்பில், ஸ்டார்லைட், புளூ மற்றும் பிராடக்ட் ரெட் போன்ற நிறங்களில் கிடைக்கிறது.
விலை விவரங்கள்:
ஐபோன் 14 (128 ஜிபி) ரூ. 79 ஆயிரத்து 900
ஐபோன் 14 (256 ஜிபி) ரூ. 89 ஆயிரத்து 900
ஐபோன் 14 (512 ஜிபி) ரூ. 1 லட்சத்து 09 ஆயிரத்து 900
ஐபோன் 14 பிளஸ் (128 ஜிபி) ரூ. 89 ஆயிரத்து 900
ஐபோன் 14 பிளஸ் (256 ஜிபி) ரூ. 89 ஆயிரத்து 900
ஐபோன் 14 பிளஸ் (512 ஜிபி) ரூ. 1 லட்சத்து 19 ஆயிரத்து 900
புதிய ஐபோன் 14 சீரிஸ் இந்திய முன்பதிவு செப்டம்பர் 9 ஆம் தேதி மாலை 5.30 மணிக்கு துவங்குகிறது. ஐபோன் 14 விற்பனை செப்டம்பர் 16 ஆம் தேதியும் ஐபோன் 14 பிளஸ் விற்பனை அக்டோபர் 7 ஆம் தேதியும் துவங்க இருக்கிறது.
