சேப்பாக்கம் மைதானத்தில் தல டோனியின் பிரம்மாண்ட கட் அவுட்- ரசிகர்கள் கொண்டாட்டம்

16-வது சீசனுக்கான ஐபிஎல் தொடர் வரும் 31-ம் தேதி தொடங்குகிறது. இந்தப் போட்டியில் நடப்பு சாம்பியன் ஹர்திக் பாண்டியா தலைமையிலான குஜராத் டைட்டன்ஸ் அணியும், டோனி தலைமையிலான சென்னை சூப்பர் கிங்ஸ் அணியும் மோதுகின்றன.

இந்த நிலையில் சென்னை அணி வீரர்கள் சேப்பாக்கம் மைதானத்தில் தீவிரமான வலை பயிற்சியில் ஈடுபட்டு வருகின்றனர். மேலும் சிஎஸ்கே அணியின் சமூக வலைதள பக்கங்களில் சென்னை ரசிகர்களை குஷி படுத்தும் விதமாக அடிக்கடி தல டோனியின் பயிற்சி வீடியோ மற்றும் காமெடி, நடனம் ஆகியவற்றை சமூக வலைதளங்களில் பதிவிட்டு வருகின்றனர்.

இதனை மிஞ்சும் வகையில் சென்னை சேப்பாக்கம் மைதானத்தில் எம்எஸ் டோனியின் மிக பெரிய கட் அவுட் வைத்து அலங்கரிக்கப்பட்டுள்ளது. சென்னை ரசிகர்கள் இதனை கொண்டாடி வருகின்றனர். இந்த புகைப்படம் தற்போது சமூக வலைதளங்களில் வைரலாகி வருகிறது.