மத்தூர்,
கிருஷ்ணகிரி மாவட்டம் ஊத்தங்கரை அடுத்த சாலமரத்துப்பட்டி பஞ்சாயத்துக்கு உட்பட்ட சென்ராய சுவாமி ஆலயத்தில் தேர் திருவிழா நடைபெற்றது.
இந்த விழா ஒவ்வொரு ஆண்டும் மாசி மாதம் மகா சிவராத்திரி இரவு மற்றும் பகல் நேரங்களிலும் திருவிழா வெகு விமர்சையாக நடைபெறுவது வழக்கம்.
கடந்த கொரோனா காலத்தில் நோய் தொற்று காரணமாக திருவிழா நடைபெறாமல் இருந்து மீண்டும் நடைபெற்ற காலங்களில் மக்கள் கூட்டம் குறைவாகவே இருந்த நிலையில் இந்த ஆண்டு திருவிழாவிற்கு வந்த பக்தர்கள் வழக்கத்திற்கு மாறாக அதிகளவில் திரண்டனர்.
திருவிழாவிற்கு அண்டை மாநிலங்கள் மற்றும் மாவட்டப் பகுதிகளில் இருந்து லட்சக்கணக்கான பக்தர்கள் கலந்து கொண்டு தேர் இழுத்து தங்களது பிரார்த்தனைகளை நிறைவேற்றினார்கள்.
திருவிழாவில் இந்து அறநிலையத்துறை சார்பாக பல்வேறு பாதுகாப்பு ஏற்பாடுகள் செய்யப்பட்டிருந்த நிலையில், காவல்துறையினர் அதிக அளவில் ஈடுபடுத்தப்பட்டு தேர் திருவிழா நடைபெற்றது.
