தெற்கு ஆத்தூரில் இலவச மருத்துவ முகாம்

ஆத்தூர்:

ஆத்தூர் அருகே உள்ள தெற்கு ஆத்தூர் முஹியத்தீன் ஜீம்ஆ பள்ளிவாசலில் கே.எம்.டி. மருத்துவமனை மற்றும் தெற்கு ஆத்தூர் ஐ.ஒய்.ஏ. சமூக சேவை இணைந்து நடத்திய இலவச மருத்துவ முகாம் நடைபெற்றது.

இதில் கே.எம்.டி. மருத்துவமனை பொது மருத்துவர், குழந்தைகள், மகப்பேறு, மயக்கவியல்,காது, மூக்கு, தொண்டை மருத்துவர்கள், அகர்வால் கண் மருத்துவ மனை மருத்துவ குழுவினர் கலந்து கொண்டு பொதுமக்களுக்கு பரிசோதனை செய்தனர்

இதில் ஆத்தூர் மற்றும் அதன் சுற்றுவட்டாரத்தை சேர்ந்த சுமார் 500 பேர் கலந்து கொண்டு பரிசோதனை செய்து கொண்டனர். கலந்து கொண்ட பொதுமக்களுக்கு சிகிச்சை அளிக்கப்பட்டு மருந்து. மாத்திரைகள் இலவசமாக வழங்கப்பட்டன. மேல் சிகிச்சைக்காக மருத்துவமனை செல்பவர்களுக்கு சலுகைகளும் வழங்கப்பட்டது