நாகர்கோவில்:
நாகர்கோவில் வடசேரி கட்டையன்விளை பகுதியைச் சேர்ந்தவர் எட்வர்ட் (வயது 38).
இவர் நேற்று தனது மோட்டார் சைக்கிளில் வீட்டிலிருந்து வெளியே சென்று இருந்தார். இரவு அவர் வடசேரியில் இருந்து வெட்டூர்ணிமடம் நோக்கி வந்து கொண்டிருந்தார்.
பள்ளிவிளை பகுதியில் வந்து கொண்டிருந்த போது வெட்டூர்ணிமடத்திலிருந்து வடசேரி நோக்கி வந்த மினி டெம்போ மோட்டார் சைக்கிள் மீது வேகமாக மோதியது. இதில் எட்வர்ட் தூக்கி வீசப்பட்டார்.
தலை உடல் பகுதியில் பலத்த காயம் ஏற்பட்ட அவர் சம்பவ இடத்திலேயே பரிதாபமாக இறந்தார்.
இதுகுறித்து நாகர்கோவில் போக்குவரத்து பிரிவு போலீசுக்கு தகவல் தெரிவிக்கப்பட்டது. போலீசார் சம்பவ இடத்திற்கு விரைந்து சென்று விசாரணை நடத்தினார்கள். பிணமாக கிடந்த எட்வர்ட் உடலை கைப்பற்றி பிரேத பரிசோதனைக்காக ஆசாரிப்பள்ளம் அரசு ஆஸ்பத்திரிக்கு அனுப்பி வைத்தனர்.மினி டெம்போ டிரைவரிடம் போலீசார் விசாரணை நடத்தி வருகிறார்கள்.
விபத்து குறித்து போக்குவரத்து பிரிவு போலீசார் வழக்கு பதிவு செய்து விசாரணை நடத்தி வருகிறார்கள்.பலியான எட்வர்ட் உடல் பிரேத பரிசோதனை இன்று ஆசாரிப்பள்ளம் ஆஸ்பத்திரியில் நடக்கிறது. இதையடுத்து அவரது உறவினர்கள் ஏராளமானோர் அங்கு திரண்டு இருந்தனர்.
