இரணியல் :
கலைஞர் நூற்றாண்டு விழாவையொட்டி குழந்தைகளுக்கு நலத்திட்ட உதவிகள் வழங்கும் நிகழ்ச்சி தலக்குளத்தில் நடந்து.
தலக்குளம் அங்கன்வாடி மையத்தில் நடந்த நிகழ்ச்சிக்கு தலக்குளம் தி.மு.க. செயலாளர் விஜயகுமார் தலைமை வகித்தார். கிளை செயலாளர்கள் புலிமுகத்தையன்பிள்ளை, ஆண்றனி, மாஸ்டர் சிவகுமார் ஆகியோர் முன்னிலை வகித்தனர். ஊராட்சி மன்ற துணைத் தலைவர் சசி வரவேற்றார்.
குருந்தன்கோடு மேற்கு ஒன்றிய செயலாளர் பிஎஸ்பி சந்திரா சிறப்பு விருந்தினராக கலந்து கொண்டு கருணாநிதி உருவப்படத்திற்கு மாலை அணிவித்து மரியாதை செலுத்தினார். தொடர்ந்து அங்கன்வாடி குழந்தைகளுக்கு நோட் புக், பென்சில் பாக்ஸ் மற்றும் உபகரணங்கள் வழங்கினார். முன்னதாக கலந்து கொண்ட அனைவருக்கும் இனிப்புகள் வழங்கப்பட்டது.
நிகழ்ச்சியில் தலக்குளம் ஊராட்சி நிர்வாகிகள் அங்கன்வாடி குழந்தைகள், பெற்றோர்கள் கலந்து கொண்டனர். முடிவில் அங்கன்வாடி ஆசிரியர் நிர்மலா நன்றி கூறினார்.
