பிரிட்ஜில் வைத்த பணத்தை காணவில்லை

நாமக்கல்:

நாமக்கல், ராமாவரம்புதூரை சேர்ந்தவர் நிசார் அகமது(53). தனியார் நிறுவனத்தில் இரவு காவலராக பணியாற்றி வரும் இவர் மனைவியை பிரிந்து தனியாக வசித்து வருகிறார்.

இந்நிலையில் நேற்று வழக்கம் போல் இரவு பணிக்கு சென்றுவிட்டு, இன்று காலை வீடு திரும்பி உள்ளார். அப்போது வீட்டின் பிரிட்ஜில் அவர் வைத்திருந்த ரூ.3000 பணம் காணாமல் போயிருந்ததால் அதிர்ச்சி அடைந்தார்.

இதுகுறித்து நாமக்கல் போலீஸ் நிலையத்தில் நிசார் அகமது புகார் அளித்தார். அதன்பேரில் போலீசார் வழக்கு பதிவு செய்து விசாரணை நடத்தி வருகின்றனர்.