சாம்பவர் வடகரையில் கிணற்றில் குதித்து மூதாட்டி தற்கொலை

சாம்பவர்வடகரை:

சாம்பவர் வடகரை அருகே உள்ள தட்டான்குளம் மந்தை தெருவை சேர்ந்தவர் ராமகிருஷ்ணன். இவரது மனைவி சுப்புலட்சுமி(வயது 60).

சமீபத்தில் ராமகிருஷ்ணன் இறந்துவிட்டார். கடந்த சில நாட்களாக சுப்புலட்சுமிக்கு உடல்நிலை பாதிப்பு ஏற்பட்டுள்ளது. இதற்காக பல்வேறு ஆஸ்பத்திரிகளில் சிகிச்சை பார்த்தும் அவருக்கு உடல்நிலை சரியாகவில்லை.

இதனால் மனம் உடைந்து காணப்பட்ட அவர் நேற்றிரவு கிணற்றில் குதித்து தற்கொலை செய்து கொண்டார். இதுதொடர்பாக சாம்பவர் வடகரை போலீஸ் சப்-இன்ஸ்பெக்டர் காசி விஸ்வநாதன் வழக்குப்பதிவு செய்து விசாரணை நடத்தி வருகிறார்.