தாரமங்கலம்:
தாரமங்கலம் அருகிலுள்ள கருக்கல்வாடி கிராமம் கோட்டைமேடு பகுதியை சேர்ந்த இருசாக்கவுண்டர் என்பவருக்கும், அதே பகுதியில் வசித்து வரும் மகாலிங்கம் என்பவருக்கும் முன்விரோதம் இருந்து வந்தது. இந்நிலையில் நேற்று இருசாகவுண்டரின் விவசாய நிலத்தில் கோழி மேய்ந்ததாக கூறப்படுகிறது. இதனால் 2 குடும்பத்தாருக்கும் இடையே ஏற்பட்ட தகராறில் ஒருவரை ஒருவர் தாக்கிகொண்டனர். பின்னர் இருதரப்பும் கொடுத்த புகாரின் படி கோமதி, மகாலிங்கம், வசந்த், கவுதம், இருசாகவுண்டர், மாதையன், சுப்புரு ஆகியோர் மீது தாரமங்கலம் போலீஸ் நிலைய சிறப்பு சப்-இன்ஸ்பெக்டர் பாலு வழக்கு பதிவு செய்து விசாரணை மேற்கொண்டு வருகிறார்.
