மக்கள் நேர்காணல் முகாம்

நீடாமங்கலம்:

திருவாரூர் மாவட்டம், வலங்கைமான் அருகே விடையல் கருப்பூர் கிராமத்தில் மக்கள் நேர்காணல் முகாம் நடைபெற்றது.

இதில் மாவட்ட வருவாய் அலுவலர் சிதம்பரம், வருவாய் கோட்டாட்சியர் சங்கீதா, வலங்கைமான் வட்டாட்சியர் சந்தான கோபால கிருஷ்ணன் மற்றும் வேளாண்மை துறை, தோட்டக்கலை துறை, கால்நடை துறை, சமூக நலத்துறை, பொது சுகாதாரதுறை அலுவலர்கள், உள்ளாட்சி அமைப்பு பிரதிநிதிகள் கலந்து கொண்டனர். தங்கள் துறை சார்ந்த கண்காட்சி குடிலை பொது மக்களின் பார்வைக்காக அமைத்திருந்தனர். பின்னர், துறை ரீதியாக அரசால் வழங்கப்பட்டு வரும் சலுகைகள் மற்றும் நலத்திட்டங்கள் குறித்து விளக்கினர்.

முகாமில் மக்களிடமிருந்து 321 மனுக்கள் பெறப்பட்டது. 96 பயனாளிகளுக்கு ரூ. 28 லட்சத்து 80 ஆயிரம் மதிப்பில் இலவச வீட்டுமனை பட்டா, 83 பயனாளிகளுக்கு ரூ.83 ஆயிரத்துக்கு முதியோர் ஓய்வூதியம் மற்றும் இதர ஓய்வூதியம், வேளாண்துறையில்
8 பயனாளிகளுக்கு ரூ. 6,906-க்கு என 187 மனுக்களுக்கு உடனடி தீர்வு காணப்பட்டது. இதில் பல்வேறு துறை அதிகாரிகள் கலந்து கொண்டு பேசினர்.