சாத்தான்குளம் அருகே சிவன் கோவிலில் சனி பிரதோஷம்

சாத்தான்குளம்:

சாத்தான்குளம் அருகே கட்டாரிமங்கலம் நட ராஜரின் பஞ்ச விக்ரக ஸ்தலமாக விளங்கி வரும் ஸ்ரீசிவகாமி அம்பாள் சமேத ஸ்ரீஅழகியகூத்தர் கோவிலில் மாசி மாத சனிபிரதோஷ பூஜை நடைபெற்றது. இதையொட்டி மாலை 4 மணிமுதல் கோவில் வளாகத்தில் உள்ள நந்தியம் பெருமாளுக்கு பல்வேறு வகையான அபிஷேகங்கள் நடைபெற்றது. தொடர்ந்து அம்பாள், சுவாமிக்கு சிறப்பு அலங்கார தீபாராதனை, சிறப்பு பூஜைகள் நடைபெற்றது. இதையடுத்து சிறப்பு அலங்காரத்தில் நந்தியம் பெருமாள் பக்தர்களுக்கு அருள்பாலித்தார். இதில் சுற்று வட்டாரத்தில் இருந்து வந்த ஏராளமான பக்தர்கள் கலந்து கொண்டு சுவாமியை வழிப்பட்டனர். ஏற்பாடுகளை கோவில் நிர்வாகிகள், பக்தர்கள் செய்திருந்தனர்.