கிருஷ்ணகிரி,
மலையாள வருட பிறப்பான விசு பண்டிகையையொட்டி கிருஷ்ணகிரியில் உள்ள ஐயப்பன் கோவிலில் சிறப்பு பூஜைகள், சனிக்கிழமை நடைபெற்றன.
மலையாள வருடப் பிறப்பை விசு பண்டியாக உலகம் எங்கும் வசிக்கும் மலையாள மொழி பேசும் மக்களால் கொண்டாடப்பட்டு வருகிறது.
அதன்படி, கிருஷ்ணகிரியில் உள்ள ஐயப்பன் கோவிலில், சிறப்பு அபிஷேகங்கள் பூஜைகள் நடைபெற்றன. பக்தர்கள் அனைத்து செல்வங்களையும் பெற்று மகிழ்ச்சியுடன் வாழ வேண்டி, சிறப்பு பரிசுகளும் வழங்கப்பட்டன.
கிருஷ்ணகிரியில் வாழும் மலையாளிகள், தங்கள் வீடுகளில், பூஜை அறையில் காய், கனிகள் ,தானியங்கள், புத்தாடைகள், கொற்றைப் பூக்களை கொண்டு அலங்கரித்து சுவாமியை வழிபட்டனர். சிறுவர்கள், பெரியவர்களை வணங்கி வாழ்த்துக்களையும், ஆசிர்வாதங்களையும் பெற்றனர்.
