சாத்தான்குளம்:
சாத்தான்குளத்தில் இருந்து நெல்லைக்கு அரசு பஸ்கள் மற்றும் பிற வாகனங்கள் சென்று வருகின்றன. நெடுஞ்சாலைத்துறை சார்பில் பன்னம் பாறை விலக்கில், நெல்லைக்கு செல்ல வழிகாட்டி பலகை வைக்கப்பட்டுள்ளது.
அதில், 55 கிலோமீட்டர் தொலைவு கொண்டதை 40 கிலோமீட்டர் தூரம் உள்ளதாக தவறுதலாக பலகையில் குறிப்பிடப்பட்டுள்ளது. இது வாகன ஓட்டிகள் மத்தியில் குழப்பத்தை உருவாக்கியுள்ளது. நெடுஞ்சாலைதுறையினரின் கவனகுறைவான செயலால் வெளியிடங்களில் இருந்து கூகுள் மேப்பை பயன்படுத்தி இங்கு வருபவர்களுக்கு குழப்பத்தை ஏற்படுத்தி வருவதாகவும், எனவே நெடுஞ்சாலைத்துறை அதிகாரிகள் உடனடியாக நடவடிக்கை எடுக்க வேண்டும் என வாகன ஓட்டிகளும், பொதுமக்களும் வலியுறுத்தி உள்ளனர்.
