உடுமலை:
பொங்கல் பரிசுத்தொகுப்பில் தேங்காய் வழங்க கோரி உடுமலையில் பா.ஜ.க.வினர் ஆர்ப்பாட்டம் நடத்தினர்.உடுமலை மத்திய பஸ் நிலையம் அருகில் திருப்பூர் தெற்கு மாவட்ட பா.ஜ.க. விவசாய அணி சார்பில் நடைபெற்ற ஆர்ப்பாட்டத்தில் திருப்பூர் தெற்கு மாவட்ட விவசாய அணி தலைவர் விவேகானந்தன் தலைமை வகித்தார். மாநில செயலாளர் மௌன குருசாமி முன்னிலை வகித்தார் . உடுமலை நகர செயலாளர் கண்ணாயிரம் வரவேற்றார். மாவட்ட பொதுச்செயலாளர் வடுகநாதன், மாநில செயற்குழு உறுப்பினர் ஜோதீஸ்வரி கந்தசாமி உள்ளிட்டோர் முன்னிலை வகித்து பேசினர். நிகழ்ச்சியில் நிர்வாகிகள் தெய்வகுமார், குட்டியப்பன் உள்ளிட்ட பலர் கலந்து கொண்டனர். முடிவில் உடுமலை விவசாய அணி தலைவர் அரவிந்த் நன்றி கூறினார்.
