திருவண்ணாமலை:
திருவண்ணாமலை அடுத்த புனல்காடு கிராமத்தில் அமைக்கப்பட்டுள்ள குப்பை கிடங்கை அகற்ற வலியுறுத்தி காஞ்சி சாலையில் 9-வது நாளாக விவசாயிகள் மற்றும் கிராம மக்கள் காத்திருப்பு போராட்டத்தில் ஈடுபட்டனர்.
நிலத்தடி நீர்மட்டம் பாதிக்கும், சுகாதார சீர்கேடு ஏற்படும் என்ற மக்களின் எச்சரிக்கையும் மீறி அமைக்கப்பட்டுள்ள குப்பை கிடங்கை அகற்றும் வரை போராட்டம் தொடரும் என தெரிவிக்கப்பட்டுள்ளது.
ஒவ்வொரு ஊராட்சிகளில் சேகரிக்கப்படும் குப்பைகளை அந்தந்த ஊராட்சிகளிலேயே கிடங்கு அமைத்துக் கொட்ட வேண்டும் என வலியுறுத்தினர்.
காத்திருப்பு போராட்டத்தில் ஈடுபட்டவர்களிடம் பேச்சுவார்த்தை நடத்த மாவட்ட நிர்வாகம் முன் வராததால் போராட்டத்தை தீவிரபடுத்த ஆலோசித்து வருகின்றனர்.
