சாத்தான்குளம் கடைவீதியில் அபாய நிலையில் உள்ள மின்கம்பம் சீரமைக்கப்படுமா?

சாத்தான்குளம்:

சாத்தான்குளம் கடை வீதியில் வணிக கடைகள் மற்றும் வீடுகளுக்கு மின் விநியோக்கும் பொருட்டு மின் கம்பம் உள்ளது. இந்த மின் கம்பத்தின் மேல் பகுதி நல்ல நிலையில் உள்ளது. அதன் அடி பகுதியில் கட்டி வைக்கப் பட்டிருந்த சிமெண்ட் பூச்சு திடீரென பெயர்ந்து காணப்படுகிறது. இதனால் அப்பகுதியில் பெரும் காற்று வீசுகையில் மின்கம்பம் சரிந்து விழும் நிலை ஏற்பட்டுள்ளது.

எனவே மின் கம்பம் சரிந்து பெரும் விபத்து ஏற்படும் முன் மின்கம்ப த்தின் அடி பகுதியில் சிமெண்ட் பூச்சு மூலம் கட்டி வலுவான முறையில் அமைக்க நடவடிக்கை எடுக்க வேண்டும் என பொது மக்கள் வலியுறுத்தி உள்ளனர்.