பாராளுமன்றத்தில் சிபிஐ (எம்) எம்.பி. ஜான் பிரிட்டாஸ், ஃப்ளெக்சி கட்டணம், தட்கல் மற்றும் பிரீமியர் தட்கல், டிக்கெட் ரத்து ஆகியவற்றின் மூலம் கிடைக்கும் வருமானம் எவ்வளவு என்பதை தெரிந்து கொள்ள விரும்புவதாகவும், இந்த தகவல் கடந்த ஐந்தாண்டுகள் வேண்டும் எனவும் கோரிக்கை விடுத்தார்.
அதன்அடிப்படையில் மத்திய ரெயில்வேத்துறை மந்திரி மாநிலங்களவையில் எழுத்துப்பூர்வமாக பதில் அளித்தார்.
அதில் "ஃப்ளெக்சி கட்டணம், தட்கல், பிரீமியர் தட்கல் டிக்கெட்டுகள் மூலம் 2018-19 முதல் 2022-23 வரை ரெயில்வேயின் மொத்த வருமானத்தில் தோராயமாக 5 சதவீதம் ஆகும்.
பயணிகள் டிக்கெட் ரத்து செய்யும்போது அதற்கான கட்டணம் வசூலிக்கப்படும். அதை தனியாக கணக்கு வைத்துக்கொள்ளப்படாது.
ஆன்லைன் மூலம் டிக்கெட் எடுக்கும்போது காத்திருப்போர் பட்டியலில் இருக்கும் டிக்கெட்டுகள் தானாகவே ரத்து செய்யப்படும்போது கிளெர்க்கேஜ் சார்ஜ் தவிர்த்து முழுமையாக டிக்கெட் கட்டணம் திரும்ப வழங்கப்படும்" என அதில் தெரிவிக்கப்பட்டுள்ளது.
காத்திருப்போர் பட்டியலில் இருக்கும் டிக்கெட்டுகளுக்கு 60 ரூபாய் பிடித்தம் செய்யப்படுகிறது.
