சையத் மோடி பேட்மிண்டன்: லக்ஷயா சென், ரஜாவத் அரையிறுதிக்கு முன்னேறினர்

லக்னோ:

சையத் மோடி சர்வதேச பேட்மிண்டன் தொடர் உத்தர பிரதேச மாநிலம் லக்னோவில் நடந்து வருகிறது. இதில் இந்திய வீரர்கள், வீராங்கனைகள், இங்கிலாந்து, சீனா, இலங்கை, தாய்லாந்தைச் சேர்ந்த இளம், வீரர்கள், வீராங்கனைகள் பங்கேற்றனர்.

இந்நிலையில், நேற்று நடந்த ஆண்கள் ஒற்றையர் பிரிவு காலிறுதி இந்தியாவின் லக்ஷயா சென், சக நாட்டு வீரர் லுவனக் மைனமை 21-8, 21-19 என்ற செட் கணக்கில் வீழ்த்தி அரையிறுதிச் சுற்றுக்கு முன்னேறினார்.

மற்றொரு காலிறுதி போட்டியில் இந்தியாவின் பிரியான்ஷு ரஜாவத், வியட்நாமின் டாங் நுயெனுடன் மோதினார். இதில் ரஜாவத் 21-13, 21-8 என வென்று அரையிறுதிக்கு முன்னேறினார்.