சீனா ஓபன் டென்னிஸ்: சபலென்கா, முச்சோவா காலிறுதிக்கு முன்னேற்றம்

பீஜிங்:

பல முன்னணி வீரர்கள், வீராங்கனைகள் பங்கேற்றுள்ள சீனா ஓபன் டென்னிஸ் தொடர் சீனாவில் நடைபெற்று வருகிறது.

இதில் இன்று நடந்த பெண்கள் ஒற்றையர் பிரிவின் 3-வது சுற்று ஆட்டம் ஒன்றில் நம்பர் 1 வீராங்கனையான பெலாரசின் அரினா சபலென்கா, அமெரிக்காவின் மேடிசன் கீஸ் உடன் மோதினார்.

இதில் அதிரடியாக ஆடிய சபலென்கா 6-4, 6-3 என்ற நேர் செட் கணக்கில் எளிதில் வென்று காலிறுதிக்கு தகுதி பெற்றார்.

மற்றொரு போட்டியில் செக் வீராங்கனை கரோலினா முச்சோவா, ஸ்பெயின் வீராங்கனை கிறிஸ்டினா பக்சா உடன் மோதினார்.

இதில் முச்சோவா 6-2, 6-0 என வென்று காலிறுதிக்கு முன்னேறினார்.

நாளை மறுதினம் நடைபெறும் காலிறுதியில் சபலென்கா, முச்சோவா உடன் பலப்பரீட்சை நடத்த உள்ளார்.