சீனா ஓபன் டென்னிஸ்: இறுதிப்போட்டிக்கு முன்னேறினார் ஜானிக் சின்னர்

பீஜிங்:

பல முன்னணி வீரர்கள், வீராங்கனைகள் பங்கேற்றுள்ள சீனா ஓபன் டென்னிஸ் தொடர் சீனாவில் நடைபெற்று வருகிறது.

இதில் இன்று நடந்த ஆண்கள் ஒற்றையர் பிரிவின் 2-வது அரையிறுதி ஆட்டத்தில் நம்பர் 1 வீரரான இத்தாலியின் ஜானிக் சின்னர், சீனாவின் யுன்சகோடே பு உடன் மோதினார்.

இதில் ஆரம்பம் முதலே ஆதிக்கம் செலுத்திய சின்னர் 6-3, 7-6 (7-3) என்ற செட் கணக்கில் வென்று இறுதிப்போட்டிக்கு தகுதிபெற்றார்.

நாளை நடைபெறும் இறுதிப்போட்டியில் சின்னர், கார்லோஸ் அல்காரஸ் உடன் பலப்பரீட்சை நடத்த உள்ளார்.