நீங்கள் தேடியது "Vijay"

நடிகர் விஜய் மற்றும் இயக்குநர் எச். வினோத் கூட்டணியில் உருவாகும் புதிய படம் "தளபதி 69" என்று தற்காலிகமாக அழைக்கப்படுகிறது. இது நடிகர் விஜய்யின் கடைசி படம் என்று கூறப்படுகிறது. இந்தப் படத்தில் விஜய்யுடன் பூஜா ஹெக்டே, பாபி தியோல், மமிதா பைஜூ, டிஜே மற்றும் பலர் நடிக்கின்றனர்.

தமிழ் திருநாளான பொங்கல் பண்டிகையை உலகமெங்கும் உள்ள தமிழர்கள் கோலாகலமாக கொண்டாடி வருகின்றனர். பல திரைப்பிரபலங்கள் அவர்களுடன் குடும்பத்துடன் பொங்கலை கொண்டாடி வாழ்த்து தெரிவித்து புகைப்படங்களை இணையத்தில் பகிர்ந்து வருகின்றனர்.

சமீபத்தில் திருமணமான பிரபல நடிகை கீர்த்தி சுரேஷ் அவரது தல பொங்கலை இன்று கொண்டாடுகிறார். இந்நிலையில் ஜெகதீஷ் பழனிசாமி அவர்களின் தயாரிப்பு நிறுவனமான தி ரூட் நிறுவனம் பொங்கலை கொண்டாடினார்கள்.

இந்த கொண்டாடத்தில் நடிகர் விஜய், கீர்த்தி சுரேஷ், ஆண்டனி தட்டில், கல்யாணி பிரியன், கதிர், மமிதா பைஜூ, சஞ்சனா என பலரும் கலந்துக் கொண்டனர். இந்நிகழ்ச்சியில் பல விளையாட்டுகள் மற்றும் கலை நிகழ்ச்சி நடைப்பெற்றது. அந்த வீடியோவை தற்பொழுது வெளியிட்டுள்ளனர். அந்த வீடியோ தற்பொழுது வைரலாகி வருகிறது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

நடிகர் விஜய் மற்றும் இயக்குநர் ஹெச். வினோத் கூட்டணியில் உருவாகும் புதிய படம் "தளபதி 69" என்று தற்காலிகமாக அழைக்கப்படுகிறது. இது நடிகர் விஜய்யின் கடைசி படம் என்று கூறப்படுகிறது. இந்தப் படத்தில் விஜய்யுடன் பூஜா ஹெக்டே, பாபி தியோல், மமிதா பைஜு, டிஜே மற்றும் பலர் நடிக்கின்றனர். இப்படத்தின் மீது ரசிகர்களுக்கு மிகப்பெரிய எதிர்பார்ப்பு இருக்கிறது.

சமீப காலமாக இத்திரைப்படம் தெலுங்கு திரைப்படமான பகவந்த் கேசரி திரைப்படத்தின் ரீமேக் என வதந்திகள் பரவி வருகிறது. பகவந்த கேசரி திரைப்படத்தில் தெலுங்கு சூப்பர் ஸ்டாரான பாலைய்யா நடித்து இருந்தார் இந்த படத்தை இயக்குனர் அனில் ரவிபுடி இயக்கினார்.

அனில் ரவிபுடி தற்பொழுது வெங்கடேஷ், ஐஷ்வர்யா ராஜேஷ் மற்றும் மீனாட்சி சவுத்ரி நடிப்பில் சங்கிராந்திகி வஸ்துனம் என்ற திரைப்படத்தை இயக்கியுள்ளார். இப்படம் வரும் 14 ஆம் தேதி வெளியாகவுள்ளது. இப்படத்தின் ப்ரோமோஷன் நிகழ்ச்சி அண்மையில் நடைப்பெற்றது. அதில் படக்குழு அனைவரும் கலந்துக்கொண்டனர். அதில் நடிகர் விடிவி கணேஷ் பேசியது தற்பொழுது சர்ச்சைக்குரிய ஒன்றாய் மாறியுள்ளது.

அதில் அவர் " பகவந்த் கேசரி திரைப்படத்தை விஜய் சார் 5 தடவைப் பார்த்தார். அவருக்கு திரைப்படம் மிகவும் பிடித்து இருந்தது. அதனால் அனில் ரவிபுடியை விஜய் திரைப்படத்தை இயக்குமாரு ஆசைப்பட்டார். இதனால் நான் அனில் ரவிபுடியை அழைத்தேன் ஆனால் ரவிபுடி நான் ரீமேக் திரைப்படம் செய்ய விருப்பமில்லை என கூறிவிட்டார். அங்க தமிழ்நாட்டில் பல முன்னணி இயக்குனர்கள் விஜயின் திரைப்படத்தை இயக்க கியூவில் இருக்கிறார்கள். ஆனால் ரவி வேண்டாம் என கூறிவிட்டார். " உடனே மேடையில் இருந்த இயக்குனர் ரவி "நான் இயக்க மாட்டேன் என கூறவில்லை , ரீமேக் திரைப்படத்தை பண்ண மாட்டேன் என்று தான் கூறினேன். நானும் அவரும் டிஸ்கஸ் செய்தது வேறு அது வேறு படத்திற்கு" என கூறினார்.

இதனால் தளபதி 69 திரைப்படம் பகவந்த கேசரி திரைப்படத்தின் ரீமேக்கா என ரசிகர்கள் மத்தியில் கேள்வி எழுந்துள்ளது?

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

சென்னை :

தமிழக வெற்றிக்கழக தலைவர் விஜய் எக்ஸ் தள பக்கத்தில் வெளியிட்டுள்ள பதிவில்,

"எத்தனைக் காலம்தான் ஏமாற்றுவார்

இந்த நாட்டிலே, சொந்த நாட்டிலே நம் நாட்டிலே...." என்ற பாடல் வரிகள், தற்போதைய தமிழக ஆட்சியாளர்களுக்கு மிகப் பொருத்தமாக உள்ளன. தேர்தலின்போது போலி வாக்குறுதிகள் அளித்து, மக்களை நம்பவைத்து ஏமாற்ற வேண்டும், தேர்தலில் வெற்றி பெற்ற பிறகு மீண்டும் மக்களை ஏமாற்ற வேண்டும் என்பது தான் தமிழக ஆட்சியாளர்களின் எண்ணமாக உள்ளது. இதற்குப் பல்வேறு சான்றுகள் உள்ளன. அதில் மிக முக்கியமானது, நீட் தேர்வு விவகாரம் சார்ந்தது.

கடந்த 2021 தேர்தல் பிரசாரத்தின் போது, நாங்கள் ஆட்சிக்கு வந்தால் நீட் தேர்வைக் கண்டிப்பாக ரத்து செய்வோம், நீட் தேர்வை ரத்து செய்யும் ரகசியம் எங்களுக்குத் தெரியும் என்று பிரசாரம் செய்து, தமிழக மக்களை நம்ப வைத்தவர்கள், தற்போதைய ஆட்சியாளர்கள். ஆனால் தற்போது நீட் தேர்வை ரத்து செய்யும் அதிகாரம் மத்திய அரசிற்குத் தான் உள்ளது. மாநில அரசால் ரத்து செய்ய முடியாது என்று தெரிவித்திருப்பது வாக்களித்த மக்களை ஏமாற்றும் செயல் அல்லவா?

எந்தப் பொய்யையும் சொல்லி, தமிழக மக்களை ஏமாற்றிவிடலாம் என்று கனவு காணும் தமிழக ஆட்சியாளர்களின் எண்ணம், இனி வரும் காலங்களில் ஈடேறப் போவதில்லை என்று தெரிவித்துள்ளார். 

சென்னை:

நடிகர் விஜய்யின் தமிழக வெற்றிக்கழகம் அடுத்த ஆண்டு (2026) நடைபெற உள்ள சட்டமன்ற தேர்தல் களத்தை சந்திக்க தயாராகி வருகிறது. இந்த தேர்தலை எதிர்கொள்வதற்கான ஆயத்த பணிகளை விஜய் வியூகம் வகுத்து செயல்பட்டு வருகிறார். அவர், அரசியல் பாதையை தேர்ந்தெடுக்கும் முன்பு தனது பெயரில் நடத்தி வந்த மக்கள் இயக்கத்தின் மாவட்ட பொறுப்பாளர்களே கட்சியிலும் பொறுப்பாளர் பணியை தொடர்ந்து வருகின்றனர்.

இந்த நிலையில் திராவிட கட்சிகளை போன்று தமிழக வெற்றிக்கழகத்தின் கட்டமைப்பை மாற்றும் வகையில் மாவட்ட செயலாளர் பதவியை விஜய் உருவாக்கினார். இதையடுத்து பொதுச்செயலாளர் புஸ்சி ஆனந்த் ஒவ்வொரு மாவட்டத்துக்கும் சுற்றுப்பயணம் சென்று மாவட்ட செயலாளர்கள் உள்பட நிர்வாகிகள் நியமனம் தொடர்பாக ஆலோசனை கூட்டங்களை நடத்தினார்.

அதன்பின்னர், தமிழக வெற்றிக்கழகம் அமைப்பு ரீதியாக 100 மாவட்டங்களாக பிரிக்கப்பட்டு புதிய மாவட்ட செயலாளர்கள், அணிகளுக்கு நிர்வாகிகளை நியமிக்கும் பணி வாக்கெடுப்பு மூலம் நடைபெற்று முடிந்துள்ளதாகவும், புதிய மாவட்ட செயலாளர்கள், நிர்வாகிகளின் பெயர் பட்டியலை பார்த்து ஆராய்ந்து விஜய் ஒப்புதல் அளித்து உள்ளதாகவும் கூறப்படுகிறது.

இந்நிலையில் தமிழக வெற்றிக்கழகத்தின் புதிய மாவட்ட செயலாளர்கள், நிர்வாகிகள் அறிமுகம் மற்றும் ஆலோசனை கூட்டம் சென்னை பனையூரில் உள்ள அக்கட்சியின் தலைமை அலுவலகத்தில் பொதுச்செயலாளர் புஸ்ஸி ஆனந்த் தலைமையில் நடைபெற்றது.

தவெக அலுவலகத்தில் நடைபெறும் கூட்டத்தில் மாவட்டத் தலைவர்கள், அணித்தலைவர்கள் பங்கேற்றனர்.

விஜய் தி.நகரில் நடைபெறும் தளபதி 69 படப்பிடிப்பில் பங்கேற்றுள்ளார். விஜய் படப்பிடிப்பிற்கு சென்றுள்ள நிலையில் புஸ்ஸி ஆனந்த் தலைமையில் கூட்டம் நடைபெற்றது.

கட்சி உட்கட்டமைப்பு தொடர்பாக ஆலோசனை, 105 முதல் 110 வரை மாவட்ட செயலாளர்கள் நியமிக்கப்பட உள்ளனர்.

சென்னை:

ஈ.வி.கே.எஸ்.இளங்கோவன் மறைவால் காலியான ஈரோடு கிழக்கு தொகுதிக்கு வருகிற பிப்ரவரி 5-ந்தேதி அன்று இடைத்தேர்தல் நடைபெறுகிறது. வேட்புமனுத்தாக்கல் இன்று (வெள்ளிக்கிழமை) தொடங்குகிறது. இந்த தேர்தலில் தி.மு.க. கூட்டணியில் மீண்டும் காங்கிரஸ் கட்சி களமிறங்கும் என்று தெரிகிறது. நாம் தமிழர் கட்சி தனித்து போட்டியிடுகிறது.

அ.தி.மு.க. இந்த தேர்தலில் போட்டியிடுவதா அல்லது புறக்கணிப்பதா? என்பது குறித்து அக்கட்சியின் பொதுச்செயலாளர் எடப்பாடி பழனிசாமி தலைமையில் நாளை (சனிக்கிழமை) நடைபெறும் மாவட்ட செயலாளர்கள் கூட்டத்தில் முடிவு எடுக்கப்பட உள்ளது. பா.ஜனதாவின் நிலைப்பாட்டை விரைவில் அறிவிப்போம் என்று அக்கட்சியின் தலைவர் அண்ணாமலை அறிவித்தார்.

நடிகர் விஜய்யின் தமிழக வெற்றிக்கழகம் இந்த தேர்தலை எதிர்கொள்ளுமா? என்ற எதிர்பார்ப்பு அரசியல் வட்டாரத்தில் ஏற்பட்டது. இதற்கிடையே சென்னை பனையூரில், அக்கட்சியின் மாநில பொதுச்செயலாளர் புஸ்சி ஆனந்தை கட்சியின் ஈரோடு கிழக்கு மாவட்ட தலைவர் பாலாஜி சந்தித்து பேசியுள்ளார்.

அப்போது புஸ்சி ஆனந்த், 'தலைவர் விஜய் கட்சியை தொடங்கும்போதே தனது நிலைப்பாட்டை தெளிவாக அறிவித்துவிட்டார். நமது இலக்கு 2026 சட்டமன்ற தேர்தல்தான். இடைப்பட்ட காலத்தில் எந்த தேர்தல் வந்தாலும் போட்டியிட போவதில்லை என்று திட்டவட்டமாக கூறியுள்ளார். எனவே ஈரோடு கிழக்கு தொகுதி இடைத்தேர்தலில் நாம் போட்டியிட போவதில்லை. மேலும் எந்த கட்சிக்கும் நம்முடைய ஆதரவு கிடையாது. நமது இலக்கு பெரிது. எனவே 2026 சட்டமன்ற தேர்தல் என்பதை மனதில் வைத்து கட்சி பணியில் தீவிரமாக செயல்பட வேண்டும்' என்று கூறியதாக தெரிகிறது.

நடிகர் விஜய் கடந்த ஆண்டு பிப்ரவரி 2-ந் தேதி தமிழக வெற்றிக்கழகம் என்ற கட்சியை தொடங்கினார். கடந்த அக்டோபர் மாதம் விக்கிரவாண்டியில் பிரமாண்டமாக கட்சி மாநாட்டை நடத்தினார். அந்த மாநாட்டுக்கு கூடிய கூட்டம் தமிழக அரசியல் வட்டாரத்தில் பெரும் தாக்கத்தை ஏற்படுத்தியது.

அதேநேரத்தில், தமிழக வெற்றிக்கழகம் தொடங்கப்பட்டு ஓராண்டு நிறைவு பெற இருக்கும் நிலையில், கட்சிக்கு இதுவரை மாவட்ட செயலாளர்கள் நியமிக்கப்படவில்லை. விஜய் மக்கள் இயக்கத்தில் பொறுப்பு வகித்தவர்களே தற்போது மாவட்ட தலைவர்களாக தொடர்ந்து வருகிறார்கள். எனவே கட்சிக்கு புதிய மாவட்ட செயலாளர்களை நியமிக்க கடந்த சில மாதங்களாக நிர்வாகிகளுடன் பொதுச்செயலாளர் புஸ்சி ஆனந்த் ஆலோசனை நடத்தி வந்தார்.

இந்நிலையில், சென்னை பனையூரில் உள்ள அலுவலகத்தில் நாளை (ஜனவரி 10) தவெக மாவட்ட நிர்வாகிகள் ஆலோசனைக் கூட்டம் பொதுச் செயலாளர் புஸ்ஸி ஆனந்த் தலைமையில் நடைபெறவுள்ளதாக தகவல் வெளியாகியுள்ளது.

இந்த கூட்டத்தில் பங்கேற்க மாவட்டத் தலைவர்கள் மற்றும் அணித் தலைவர்களுக்கு அழைப்பு விடுக்கப்பட்டுள்ளது.

மாவட்டச் செயலாளர்கள் குறித்து விரைவில் அதிகாரப்பூர்வ அறிவிப்பு வெளியாக உள்ள நிலையில் பொதுச் செயலாளர் ஆனந்த் தலைமையில் நிர்வாகிகள் கூட்டத்தை நடத்த ஏற்பாடு செய்யப்பட்டுள்ளது குறிப்பிடத்தக்கது.

தமிழ் திரையுலன் முன்னணி நடிகர் விஜய். இவரது மகன் ஜேசன் சஞ்சய் லைகா புரொடக்ஷன்ஸ் தயாரிக்கும் புதிய படத்தை இயக்குகிறார். தமிழில் பல்வேறு படங்களில் நடித்த சந்தீப் கிஷன் இந்தப் படத்தில் கதாநாயகனாக நடிக்கிறார். இந்தப் படத்திற்கு தமன் இசையமைக்கிறார்.

சமீபத்திய நேர்காணல் ஒன்றில் பேசிய இசையமைப்பாளர் தமன், ஜேசன் சஞ்சய் இயக்கும் படம் குறித்த தகவல்களை பகிர்ந்து கொண்டார். அப்போது, "எனக்கு இப்போதும் அதிர்ச்சியாகவே உள்ளது. பொதுவாக பெரிய ஹீரோக்களின் மகன்கள் நடிக்கவே விரும்புவர். இசையமைப்பாளர் குழந்தைகள் இசையமைக்க விரும்புவர். ஆனால் இவர் படம் இயக்க விரும்புகிறார். அப்படியெனில் அவர் எவ்வளவு உறுதியாக இருக்க வேண்டும்?"

"படத்தின் கதையை அவர் என்னிடம் கூறினார். கேட்டதும் நான் அதிர்ச்சி அடைந்துவிட்டேன். அந்தப் படத்தில் நடிக்க பெரிய ஹீரோக்களும் முன்வந்திருக்கக்கூடும். படத்தின் கதையும் அப்படித் தான் இருக்கும். ஆனால், அவர் சந்தீப் கிஷன் தான் வேண்டும். அவர் தான் கதைக்கு பொருத்தமாக இருப்பார் என்று உறுதியாக கூறினார்."

"தயாரிப்பு நிறுவனம், அவர்கள் செய்த முதல் மியூசிக் க்ளிம்ப்ஸ் சிறப்பாக வந்தது. அந்தப் படம் மிகப்பெரிய வெற்றி பெறும். அவரிடம், தான் நடிகர் விஜய்யின் மகன் என்று எப்போதும் வெளிப்படுத்திக் கொள்ளவே இல்லை. அவர் மிகவும் இயல்பாகவும், தன்மையாகவும் இருக்கிறார். அவருடன் பணியாற்றுவது அருமையான அனுபவம். அவர் தன் வாழ்க்கையை மகிழ்ச்சியாக கழிக்கிறார்."

"ஜேசன் சஞ்சய் மிகப்பெரிய உச்சிக்கு செல்வார். அவர் படத்தில் என் அனுபவம் அனைத்தையும் பயன்படுத்துவேன். அவருக்கு மிகப்பெரிய அளவில் ஆதரவாக இருக்க வேண்டும் என்று நினைக்கிறேன். அவருக்கு சிறப்பான எதிர்காலம் காத்துக் கொண்டு இருக்கிறது," என்று கூறினார்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

நடிகர் விஜய் மற்றும் இயக்குநர் ஹெச். வினோத் கூட்டணியில் உருவாகும் புதிய படம் "தளபதி 69" என்று தற்காலிகமாக அழைக்கப்படுகிறது. இது நடிகர் விஜய்யின் கடைசி படம் என்று கூறப்படுகிறது. இந்தப் படத்தில் விஜய்யுடன் பூஜா ஹெக்டே, பாபி தியோல் மற்றும் பலர் நடிக்கின்றனர்.

இந்த நிலையில், தளபதி 69 படத்தில் டிஜே நடிக்கிறார். இந்தப் படத்தில் மமிதா பைஜூவுக்கு ஜோடியாக டிஜே நடிக்கிறார். இதை டிஜே அதிகாரப்பூர்வமாக அறிவித்துள்ளார்.

இது குறித்து பேசிய அவர், "நான் மமிதா பைஜூவுக்கு ஜோடியாக நடிக்கிறேன். இந்த வாய்ப்பு கிடைத்த போது எனக்கு சுவாரஸ்யமாக இருந்தது. இது நடிகர் விஜய்யின் கடைசி படம், இத்தகைய வாய்ப்பை யார் வேண்டாம் என்பார்கள்? நான் சிறு வயது முதலே அவரது அனைத்து படங்களையும் பார்த்து, ரசித்திருக்கிறேன். அவருடன் நடிக்க வேண்டும் என்பது கனவாக இருந்தது," என்று தெரிவித்தார்.

முன்னதாக இயக்குநர் வெற்றிமாறன், நடிகர் தனுஷ் கூட்டணியில் வெளியான அசுரன் படத்தில் டிஜே முக்கிய கதாபாத்திரத்தில் நடித்து இருந்தார்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

சென்னை:

தமிழக வெற்றிக் கழக தலைவர் விஜய் கட்சி வளர்ச்சி மற்றும் கட்சியின் அடுத்தக்கட்ட நடவடிக்கையில் தொடர்ந்து ஈடுபட்டு வருகிறார்.

வருகிற 2026 சட்டமன்ற தேர்தலை இலக்காக கொண்டு தமிழக வெற்றிக் கழகத்தின் பணிகள் தீவிரமாக நடந்து வருகிறது.

இதைத்தொடர்ந்து கட்சி நிர்வாகிகள், தொண்டர்களின் அரசியல் பணிகள் பற்றி கட்சி தலைவர் விஜய் உத்தரவின் பேரில் தமிழகம் முழுவதும் ஆலோசனை கூட்டம் நடந்து வருகிறது.

கூட்டத்தில் கட்சி பொதுச் செயலாளர் புஸ்சி என்.ஆனந்த் பங்கேற்று தொண்டர்களுக்கு ஆலோசனை வழங்கி வருகிறார்.

மக்கள் பணிகளிலும் கட்சி பணிகளிலும் நிர்வாகிகளும், தொண்டர்களும் ஒற்றுமையோடு செயல்பட வேண்டும். அனைவரும் ஒன்றுபட்டு உழைத்து வருகிற 2026-ம் ஆண்டு சட்டமன்ற தேர்தலில் 234 தொகுதிகளிலும் போட்டியிடும் தமிழக வெற்றிக் கழக வேட்பாளர்களை அமோக வாக்கு வித்தியாசத்தில் வெற்றி பெறச் செய்து கட்சி தலைவர் விஜய்யை முதல் வராக்குவதே நமது லட்சியம் என தொண்டர்கள் மத்தியில் புஸ்சி ஆனந்த் பேசினார்.

இந்த நிலையில் விஜய் அறிவுறுத்தலின் பேரில் பொதுச்செயலாளர் புஸ்சி ஆனந்த் கட்சி நிர்வாகிகளுக்கு புதிய உத்தரவு பிறப்பித்து இருப்பதாக தகவல்கள் வெளியாகி இருக்கிறது.

உத்தரவில் தங்கள் மாவட்டங்களில் தாங்களும், தங்களுக்குக் கீழ் உள்ள கழக நிர்வாகிகள் ஏற்பாடு செய்யும் நிகழ்ச்சிகளிலும், கழக நிர்வாகிகள் மேடையில் மைக்கில் பேசும் போது நம் கட்சியின் வளர்ச்சி குறித்தும், தங்கள் தொகுதி வளர்ச்சி குறித்தும், தங்கள் தொகுதியில் உள்ள பிரச்சனைகள் மற்றும் நம் கட்சியின் கொள்கைகள் குறித்தும் மட்டுமே பேச வேண்டும்.

எக்காரணத்தை கொண்டும் அரசியல் பேசுகிறோம் என்ற எண்ணத்தில் மேடையிலும் பத்திரிகையாளர்கள் சந்திப்பிலும் மற்றவர்களை சுட்டிக்காட்டி அரசியல் பேசுவதையோ அல்லது மற்றவர்களை தாக்குவதை போல பேசுவதையோ தவிர்க்க வேண்டும்.

நம் கழக நிர்வாகிகள், தோழர்கள் எந்த மேடையில் பேசினாலும் அது மக்களின் பிரச்சினைகள் மற்றும் நமது நாட்டின் வளர்ச்சிக்காக மட்டுமே பேச வேண்டும் என்று தங்களை அன்புடன் கேட்டுக்கொள்கிறேன்.!

இவ்வாறு நிர்வாகி களுக்கு கடிதம் அனுப்பப்பட்டு உள்ளதாக கூறப்படுகிறது.

வெங்கட்பிரபு இயக்கத்தில் விஜய், மோகன், பிரபுதேவா, பிரசாந்த், சிநேகா, மீனாட்சி செளத்ரி உள்ளிட்ட பலர் நடிப்பில் வெளியான படம் 'தி கோட்'. இப்படத்திற்கு யுவன் ஷங்கர் ராஜா இசை அமைத்து இருந்தார். ஏஜிஎஸ் நிறுவனம் தயாரித்த இந்தப் படத்தை தமிழகத்தில் ரோமியோ பிக்சர்ஸ் ராகுல் வெளியிட்டார்.

இப்படம் வெளியாகி மக்களிடையே பெரிய வரவேற்பை பெற்று மிகப்பெரிய வெற்றித்திரைப்படமாக அமைந்தது. 2024 ஆண்டில் அதிகம் வசூலித்த திரைப்படமாக அமைந்தது. தற்பொழுது விஜய் தளபதி 69 திரைப்படத்தில் நடித்து வருகிறார்.இப்படத்தை எச்.வினோத் இயக்கி வருகிறார்.

இந்நிலையில் கதாநாயகியான மீனாட்சி சவுத்ரி சமீபத்தில் நடந்த நேர்காணல் ஒன்றில் கோட் திரைப்படத்தில் நடித்த அனுபவத்தை பகிர்ந்துள்ளார். அதில் அவர் கூறியதாவது " கோட் திரைப்படத்தில் நடித்தது மிகவும் மகிழ்ச்சியாக இருந்தது. அப்படத்தில் நான் நடித்த கதாப்பாத்திரத்திற்கு மிகவும் எதிர்மறை விமர்சனங்கள் வந்தது. இதனால் நான்  மிகவும் மன உளைச்சலுக்கு உள்ளானேன். அதைத்தொடர்ந்து வெளியான லக்கி பாஸ்கர் திரைப்படத்தின் நடிப்பை பார்த்து ரசிகர்கள் என்னை பாராட்டினர். லக்கி பாஸ்கர் திரைப்படமே என்னை டிப்ரஷனில் இருந்து மீள உதவியாக இருந்தது " என குறிப்பிட்டுள்ளார்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்

சென்னை:

நடிகர் விஜய் கடந்த ஆண்டு பிப்ரவரி 2-ந் தேதி தமிழக வெற்றிக்கழகம் என்ற கட்சியை தொடங்கினார். கடந்த அக்டோபர் மாதம் விக்கிரவாண்டியில் பிரமாண்டமாக கட்சி மாநாட்டை நடத்தினார். அந்த மாநாட்டுக்கு கூடிய கூட்டம் தமிழக அரசியல் வட்டாரத்தில் பெரும் தாக்கத்தை ஏற்படுத்தியது.

அதேநேரத்தில், தமிழக வெற்றிக்கழகம் தொடங்கப்பட்டு ஓராண்டு நிறைவு பெற இருக்கும் நிலையில், கட்சிக்கு இதுவரை மாவட்ட செயலாளர்கள் நியமிக்கப்படவில்லை. விஜய் மக்கள் இயக்கத்தில் பொறுப்பு வகித்தவர்களே தற்போது மாவட்ட தலைவர்களாக தொடர்ந்து வருகிறார்கள். எனவே கட்சிக்கு புதிய மாவட்ட செயலாளர்களை நியமிக்க கடந்த சில மாதங்களாக நிர்வாகிகளுடன் பொதுச்செயலாளர் புஸ்சி ஆனந்த் ஆலோசனை நடத்தி வந்தார்.

இந்த ஆலோசனை கூட்டம் பனையூரில் உள்ள கட்சியின் தலைமை அலுவலகத்தில் நடந்து வந்தது. மாவட்டம் வாரியாக நிர்வாகிகளிடம் கருத்து கேட்கப்பட்டு தற்போது மாவட்ட செயலாளர்கள் பட்டியல் தயாரிக்கப்பட்டுள்ளது. 2 சட்டமன்ற தொகுதிகளை உள்ளடக்கி ஒரு மாவட்டம் பிரிக்கப்பட்டு, 117 மாவட்ட செயலாளர்கள் நியமிக்க திட்டமிடப்பட்டுள்ளது.

மாவட்ட செயலாளர்கள் பதவிக்கு தகுதியானவர்களை தேர்வு செய்து அந்த பட்டியலை விஜய்யிடம் புஸ்சி ஆனந்த் வழங்கியுள்ளார். இந்த பட்டியலுக்கு விஜய் விரைவில் ஒப்புதல் வழங்குவார் என்று கூறப்படுகிறது.

மாவட்ட செயலாளர்கள் பட்டியலில் பெண்களுக்கு குறிப்பிடத்தக்க இடங்களை ஒதுக்க வேண்டும் என்று விஜய் அறிவுறுத்தி இருக்கிறார். மாவட்ட செயலாளர்கள் பட்டியல் வெளியான பிறகு, வட்டார, ஒன்றிய அளவில் நிர்வாகிகள் நியமிக்கப்பட இருக்கிறார்கள். தை பொங்கல் அன்று இந்த பட்டியல் வெளியாகலாம் என்று தெரிகிறது.

அதனை தொடர்ந்து கட்சியின் முதல் ஆண்டு தொடக்க விழா பொதுக்கூட்டத்தை சென்னையில் நடத்த விஜய் திட்டமிட்டுள்ளதாகவும் தகவல் வெளியாகி இருக்கிறது. தற்போது விஜய் நடிக்கும் புதிய படத்தின் படப்பிடிப்பு மார்ச் மாதம் முடிவடைகிறது. அதன்பிறகு அவர் தமிழகம் முழுவதும் சுற்றுப்பயணம் செய்ய திட்டமிட்டு இருக்கிறார்.

திருவனந்தபுரம்:

தமிழ் சினிமாவில் உச்ச நட்சத்திரமாக இருப்பவர் நடிகர் விஜய். தனது அதிரடி நடிப்பின் மூலம் சிறு குழந்தைகள், இளைஞர்கள், மாணவ-மாணவிகள், நடுத்தர வயதினர், வயதானவர்கள் என அனைத்து தரப்பினரின் மனம் கவர்ந்த இவருக்கு தமிழகம் மட்டு மின்றி பல மாநிலங்களில் ரசிகர்கள் இருக்கிறார்கள்.

அதிலும் அண்டை மாநிலமான கேரளாவில் தமிழகத்திற்கு சரிசமமாக அதிக ரசிகர்கள் இருக்கிறார்கள்.

இதனை அவர்கள் ஒவ்வொரு விஜய் படமும் வெளியாகும்போதும் வெளிக்காட்டுவதை பார்க்க முடியும்.

சமீபத்தில் வெளியான "தி கோட்" படத்தின் முதல் காட்சி கேரள மாநிலத்தில் அதிகாலையில் வெளியானது. படம் வெளியான அனைத்து தியேட்டர்களிலும் முதல் காட்சியை காண ஆயிரக்கணக்கான ரசிகர்கள் திரண்டனர். படத்தை பார்த்து திரும்பிய ரசிகர்கள் ஆரவாரம் செய்து ஆச்சரியப்படுத்தினர்.

இந்தநிலையில் கேரளாவை சேர்ந்த விஜய் ரசிகர் ஒருவர், அவரை சந்திப்பதற்காக கேரளாவில் இருந்து சென்னைக்கு நடை பயணத்தை தொடங்கி இருக்கிறார். பாலக்காடு மாவட்டம் மங்கலம் அணை பகுதியை சேர்ந்தவர் உன்னி கண்ணன். 33 வயதான இவர் நடிகர் விஜயின் தீவிர ரசிகர் ஆவார்.

நடிகர் விஜய்யை நேரில் சந்திக்க வேண்டும் என்பது இவரது நீண்டநாள் ஆசையாக இருந்து வருகிறது. இதற்காக அவர் தற்போது சென்னைக்கு நடைபயணம் மேற்கொண்டுள்ளார். வாலிபர் உன்னி கண்ணன் தனது நடை பயணத்தை புத்தாண்டு தினத்தில் தனது வீட்டில் இருந்து அதிகாலை 5.30 மணிக்கு தொடங்கினார்.

கழுத்திலும், கையிலும் நடிகர் விஜய் படம் அடங்கிய சுவரொட்டியுடன் நடை பயணம் மேற்கொண்டுள்ளார். வாலிபர் உன்னி கண்ணன், நடிகர் விஜய்யை பல முறை நேரில் சந்திக்க முயற்சி செய்திருக்கிறார். ஆனால் இதுவரை அவரை சந்திக்க முடியாமல் போனது.

இதனால் நடிகர் விஜய்யை எப்படியாவது நேரில் சந்தித்து விட வேண்டும் என்பது அவரது ஆசையாக இருந்து வருகிறது. தனது ஆசையை நிறைவேற்ற நடை பயணத்தை தொடங்கியுள்ளதாக அவர் தெரிவித்துள்ளார். நடிகர் விஜய்யை நேரில் சந்தித்து நெருக்கமாக நின்று புகைப் படம் எடுத்துக் கொள்ளலாம் என்ற நம்பிக்கையில் சென்னையை நோக்கி நடை பயணம் மேற் கொண்டிருக்கிறார்.