கோபி:
கோபிசெட்டிபாளையம் பஸ் நிலையத்தில் இருந்து செல்லும் பஸ்களில் அதிக சத்தம் எழுப்பக்கூடிய காற்று ஒலிப்பான்கள் குறித்து போக்குவரத்து ஆணையர் அறிவுறுத்தலின்படி, மோட்டார் வாகன ஆய்வாளர் பாமாபிரியா ஆய்வு மேற்கொண்டார்.
அப்போது கோபி பஸ் நிலையத்தில் இருந்து திருப்பூர், கோவை, தாளவாடி, ஈரோடு உள்ளிட்ட பல்வேறு பகுதிகளுக்கு செல்லும் அரசு மற்றும் தனியார் பஸ்களில் காற்று ஒலிப்பான் குறித்து ஆய்வு மேற்கொண்டதில் சுமார் 10-க்கும் மேற்பட்ட வாகனங்களில் அதிக சத்தம் எழுப்பக்கூடிய காற்று ஒழிப்பான்கள் பயன்படுத்துவது தெரிய வந்தது.
அதனைத் தொடர்ந்து அதிக சத்தம் எழுப்பக்கூடிய காற்று ஒலிப்பான்களை பஸ்சில் இருந்த அகற்றம் செய்து பறிமுதல் செய்த வாகன ஆய்வாளர் அதனை பஸ்சின் சக்கரத்தின் அடியில் வைத்து அழித்தார்.
பின்னர் அதிக சத்தம் எழுப்பக்கூடிய காற்று ஒழிப்பான்கள் பயன்படுத்திய பஸ்களுக்கு தலா ரூ.1000 என சுமார் 10 பஸ்களுக்கு ரூ.10 ஆயிரம் அபராதம் விதிக்கப்பட்டது.
மேலும் இதுபோன்று பொதுமக்களை அச்சுறுத்தும் வகையில் அதிக சத்தம் எழுப்பக்கூடிய காற்று ஒழிப்பான்கள் பயன்படுத்துவோர் மீது கடும் நடவடிக்கை எடுக்கப்படும் எனவும் தெரிவித்தார்.
