நீங்கள் தேடியது "Principal Secretary"

உத்தரகாண்ட் (Uttarakhand) மாநிலத்தின் உத்தரகாசி (Uttarakashi) மாவட்டத்தில் மழை, வெயில், பனி, மலைச்சரிவு என அனைத்துவிதமான இயற்கை மாறுதல்களினால் ஏற்படும் பருவகால மாற்றங்களால் தடைபடாமல் மக்கள் பயணிக்கும் வகையில் சாலைகள் அமைக்கப்படும் பணிகள் நடந்து வந்தன.

இதன் ஒரு பகுதியாக, எண் 134 தேசிய நெடுஞ்சாலையின் (NH-134) கடைசியில் யமுனோத்ரிக்கு அருகே அவ்வாறு அமைக்கப்பட்டு வந்த ஒரு நீண்ட சாலையில் சில்க்யாரா வளைவு - பார்கோட் பகுதியில் ஒரு சுரங்கம் அமைக்கப்பட்டு வந்தது.

கடந்த நவம்பர் 12 அன்று காலை 05:30 மணியளவில் இந்த சில்க்யாரா சுரங்கத்தின் ஒரு பகுதி இடிந்து விழுந்தது. சுரங்கத்தின் நுழைவாயிலில் இருந்து சுமார் 200 மீட்டர் தொலைவில் இதில் சுரங்கத்தின் உள்ளே பணியில் இருந்த 41 கட்டுமான ஊழியர்கள் சிக்கி கொண்டனர்.

அவர்களை மீட்கும் பணியை போர்க்கால அடிப்படையில் இந்திய அரசாங்கம் முடுக்கி விட்டது.

மீட்பு பணிக்கு உபயோகப்படுத்தப்பட்டு வந்த இயந்திரத்தில் ஏற்பட்ட கோளாறினால் பணிகளில் சிறிது தொய்வு ஏற்பட்டது. இதன் காரணமாக ஆட்களை கொண்டு, இயந்திர உதவி இல்லாமல், துளையிட்டு மீட்கும் முயற்சி துவங்கியுள்ளது.

இதற்கிடையே, மலைப்பகுதியில் மழைப்பொழிவு ஏற்பட கூடும் என வானிலை ஆராய்ச்சி மையம் அறிவித்தது. அங்கு ஏற்கெனவே வெப்பம் 4 டிகிரி செல்சியஸிற்கும் குறைவாக உள்ளது. இது அந்த தொழிலாளர்களின் குடும்பத்தினரை மட்டுமின்றி இந்தியர்கள் அனைவரையும் கவலை கொள்ள செய்தது.

இந்நிலையில், உள்ளே சிக்கியுள்ள பணியாளர்களின் குடும்பத்தினருக்கு நம்பிக்கை தரும் விதமாக இந்திய பிரதமர் நரேந்திர மோடியின் முதன்மை செயலாளர் (principal secretary) பிரமோத் குமார் மிஷ்ரா (P.K. Mishra) இன்று அங்கு வருகை தந்தார்.

மிஷ்ரா அங்கு நடைபெறும் மீட்பு நடவடிக்கைகளை மேற்பார்வையிட்டு அங்குள்ள அதிகாரிகளிடம் அனைத்து விவரங்களையும் கேட்டறிந்தார். தொழிலாளர்களுக்கு அனுப்பப்பட்டுள்ள உணவு, மருந்து பொருட்கள், குடிநீர் உள்ளிட்ட விவரங்களை குறித்து கொண்டார்.

அது மட்டுமின்றி, சிக்கிய தொழிலாளர்களிடம் பி.எஸ்.என்.எல். (BSNL) தரைவழி தொலைத்தொடர்பு சாதனம் வழியாக சிறிது நேரம் உரையாடினார். அவர்களுக்கு நம்பிக்கை ஊட்டும் வகையில் மீட்பு நடவடிக்கைகள் விரைவாக நடைபெற்று வருவதாக கூறினார்.

துரதிர்ஷ்டவசமான சம்பவத்தில் சிக்கி கொண்ட தொழிலாளர்கள் அனைவரும் பத்திரமாக வெளியே வருவதை நாடே எதிர்பார்த்து கொண்டிருக்கிறது என்பது குறிப்பிடத்தக்கது.

காங்கயம்:

காங்கேயத்தில் தமிழ்நாடு நுகர்பொருள் வாணிப கழகம், உணவு பொருள் வழங்கல் மற்றும் நுகர்வோர் பாதுகாப்பு துறை சார்பில் திருப்பூர் ஈரோடு மாவட்ட தனியார் அரிசி ஆலை அரவை உரிமையாளர்களுடனான கலந்தாய்வு கூட்டம் நடைபெற்றது. இதில் கலந்து கொண்ட தமிழக அரசின் உணவு பொருள் வழங்கல் துறை முதன்மை செயலாளர் ராதாகிருஷ்ணன், ஆலோசனை கூட்டத்தை முடித்துக்கொண்டு, காங்கேயம் வட்டம் குட்டப்பாளையத்தில் தி.மு.க. சுற்றுச்சூழல் அணி மாநில செயலாளர் கார்த்திகேய சிவசேனாபதியால் நிர்வகிக்கப்பட்டு வரும், சேனாபதி காளைகள் ஆராய்ச்சி மையத்திற்கு வருகை புரிந்தார்.

கால்நடை மருத்துவம் படித்துள்ள ராதாகிருஷ்ணன், காங்கேயம் இன கால்நடை வளர்ப்பு முறை, அதன் சிறப்புகள் குறித்தும், கொரங்காடுகள், இயற்கை விவசாயம் மற்றும் மையத்தின் செயல்பாடுகள் குறித்து பொறுப்பாளர்களிடம் கேட்டறிந்தார். தொடர்ந்து அவர் அங்கிருந்த ஜூனியர் புல்லிபாய் எனும் இன விருத்தி காளையை ஆர்வத்துடன் பார்வையிட்டு அதனருகே நின்று புகைப்படம் எடுத்துக்கொண்டார்.

தொடர்ந்து அவர் அங்குள்ள நிர்வாகிகளிடம் காங்கேயம் கால்நடைகள் மேய்ச்சலுக்கு செல்லும் கொரங்காடுகளில் வளரும் கொழுக்கட்டை புல் குறித்தும்,அதன் பயன்கள் குறித்தும், நாட்டு மாடுகள் வளர்ப்பு அதையொட்டிய வேளாண்மை பற்றி கேட்டறிந்தார். மேலும் கொரங்காட்டில் மேய்ச்சலில் இருந்த காங்கயம் மாடுகள், காளையுடன் படம் எடுத்துக்கொண்டு, மையத்தில் அமைந்துள்ள காங்கேயம் இன கால்நடைகள் குறித்த புகைப்பட அருங்காட்சியகத்தையும் பார்வையிட்டார்.