நீங்கள் தேடியது "Road maintenance work"

கூடுவாஞ்சேரி:

வண்டலூர் ஊராட்சியில் மு.க.ஸ்டாலின் பிரதான சாலையை ஒன்றிய பொது நிதியிலிருந்து ரூ. 10 லட்சம் மதிப்பீட்டில் சீரமைக்கவும், வண்டலூர்- வாலாஜாபாத் நோக்கி செல்லும் மேம்பாலம் கீழ்பகுதியில் காஞ்சிபுரம் எம்.பி.யின் தொகுதி மேம்பாட்டு நிதியிலிருந்து ரூ. 10 லட்சம் மதிப்பீட்டில் பேருந்து நிறுத்தம் அமைப்ப தற்கான பூமி பூஜை மற்றும் அடிக்கல் நாட்டு விழா காட்டாங் கொளத்தூர் வடக்கு ஒன்றிய தி.மு.க. செயலாளரும், ஒன்றிய குழு துணை பெருந்தலைவருமான வி.எஸ்.ஆராமுதன் தலைமையில் நடைபெற்றது. வண்டலூர் ஊராட்சி மன்ற தலைவர் முத்தமிழ் செல்வி விஜயராஜ், தி.மு.க. கிளை செயலாளர்கள் சத்ய நாராயணன், வாசு, காசி, லோகநாதன், குணசேகரன், கார்த்தி ஆகியோர் முன்னிலை வகித்தனர்.

மாவட்ட மகளிர் அணி அமைப்பாளரும், ஒன்றிய குழு பெருந்தலைவருமான உதயாகருணாகரன் அனைவரையும் வரவேற்று பேசினார். விழாவில் செல்வம் எம்.பி., வரலட்சுமி மதுசூதனன் எம்.எல்.ஏ. ஆகியோர் கலந்து கொண்டு சாலை மற்றும் பேருந்து நிறுத்தம் அமைப்பதற்காக பூமி பூஜை போட்டு, அடிக்கல் நாட்டி சிறப்புரையாற்றினர்.

இதில் வட்டார வளர்ச்சி அலுவலர் வெங்கட்ட ராகவன், ஊராட்சி மன்ற தலைவர்கள் மண்ணிவாக்கம் கெஜலட்சுமி சண்முகம், நெடுங்குன்றம் வனிதா ஸ்ரீசீனிவாசன், முன்னாள் ஊராட்சி மன்ற தலைவர்கள் வண்டலூர் குணசேகரன், காரணைப் புதுச்சேரி பத்மநாபன் உட்பட பலர் கலந்து கொண்டனர்.

முடிவில் வண்டலூர் ஊராட்சி மன்ற துணை தலைவர் கவிதா சத்யநாராயணன் நன்றி கூறினார்.

புதுச்சேரி:

திருபுவனை செல்லிப்பட்டு சாலை, விநாயகம்பட்டு, சோரப்பட்டு இணைப்பு சாலை சேதமடைந்து குண்டும் குழியுமாக வாகனங்கள் செல்ல முடியாமல் மிகுந்த சிரமத்து டனே அவ்வழியாக பொதுமக்கள் வாகனத்தில் சென்று வந்தனர் இந்நிலையில் சாலையை சீரமைத்து தரக்கோரி தொகுதி எம்.எல்.ஏ. அங்காளனிடம் கோரிக்கை மனு அளித்தனர்.

இதனைத் தொடர்ந்து பொதுப்பணி துறையின் மூலம் ரூ. ஒரு கோடியே 67 லட்சம் நிதி ஒதுக்கப்பட்டு செல்லிப்பட்டு, விநாயகபட்டு , சோரப்பட்டு இணைப்பு சாலையை மறு சீர் அமைக்க பூமி பூஜை நிகழ்ச்சி நடைபெற்றது.

இதில் அங்காளன் எம்.எல்.ஏ.கலந்துகொண்டு பூமி பூஜை செய்து பணியினை துவக்கி வைத்தார். நிகழ்ச்சியில் பொதுப்பணித்துறை தலைமை பொறியாளர் சத்தியமூர்த்தி கட்டிடங்கள் மற்றும் சாலைகள் (வடக்கு) கோட்ட செயற்பொறியாளர் சுந்தரராஜீ, உதவி பொறியாளர் சீனிவாச ராம், இளநிலைப் பொறியாளர் தமிழரசன் மற்றும் எம்.எல்.ஏ.வின் ஆதரவாளர்கள் மற்றும் பலர் கலந்து கொண்டனர்.

விழுப்புரம்:

புதுவை கிருஷ்ணகிரி தேசிய நெடுஞ்சாலைப் பணிகள் பல தடவை தடைபட்டு தற்போது மீண்டும் நடைபெற்று வருகிறது இதனால் ஆங்காங்கே சில இடங்களில் சாலை மேம்பாட்டு பணிகள் நடைபெறுகின்ற நிலையில் வரும் 6-ம் தேதி திருவண்ணாமலை தீப திருவிழா நடைபெற உள்ளது. இதில் தமிழகஆளுநர் ரவி கலந்து கொள்ள உள்ளார். மேலும் இதில் நீதிபதிகள் அமைச்சர்கள் உள்ளிட்ட உயர் அதிகாரிகள் சென்னையில் இருந்து திண்டிவனம் , செஞ்சி வழியாகத்தான் திருவண்ணாமலைக்கு செல்ல வேண்டும். இதனால் இப்போது தற்காலிகமாக பள்ளம் தோண்டப்பட்ட இடங்களில் சாலைகள் சீரமைப்பு பணிகள் விரைவாக நடைபெற்று வருகிறது.

இந்தச் சாலையின் வழியாக திருவண்ணாமலை தீபத்தன்று சென்னை புதுவை உள்ளிட்ட பகுதிகளில் இருந்து ஆயிரக்கணக்கான வாகனங்கள் செல்லும் என்பது குறிப்பிடத்தக்கது

 குனியமுத்தூர்,

போத்தனூர் சாலை ஆனது பாதாள சாக்கடை திட்டம் மற்றும் குடிநீர் இணைப்பு திட்டம் போன்ற பல்வேறு காரணங்களுக்காக பலமுறை தோண்டப்பட்டு சரி செய்யாமல் குண்டும் குழியுமாக காணப்பட்டு வந்தது.

இதனால் மழைநேரங்களில் சேரும் சகதியுமாக காணப்பட்டு, நீர் நிரம்பி குளம் போல் காட்சி அளித்து வந்தது. இதனால் அப்பகுதி மக்கள் கடும் சிரமப்பட்டு வந்தனர்.

திருமலை நகர், நேரு நகர், வசந்தம் நகர் , கருப்பராயன் கோவில், சாய் நகர், உமர் நகர், ஜம்ஜம் நகர், சத்யா நகர், எம்.ஜி.ஆர் நகர், கலைஞர் நகர் பகுதியில் வசிப்பவர்கள் இந்த வழியாகத்தான் வந்தாக வேண்டும். இப்பகுதியில் வசிக்கும் அனைவரும் போத்தனூர் சாலையை சீரமைக்க கோரி பலமுறை வலியுறுத்தி வந்தனர். இந்நிலையில் முதல் கட்டமாக நேற்று சாலை அமைக்கும் பணி தொடங்கப்பட்டது.

குறிச்சி பிரிவிலிருந்து போத்தனூர் வரை கிட்டத்தட்ட மூன்று கிலோமீட்டர் தூரத்திற்கு சாலை அமைக்கும் பணி தொடங்கப்பட்டது. சாலை விரிவாக்கம் காரணமாக சாலையோரத்தில் இருந்த பழமை வாய்ந்த மரங்கள் வெட்டி அகற்றப்பட்டது.

இது குறித்து 95-வது வார்டு கவுன்சிலரும், குறிச்சி பகுதி செயலாளருமான எஸ்.ஏ.காதர் கூறியதாவது:-

போத்தனூர் சாலை விரிவாக்க பணியானது போத்தனூர் மக்களின் நீண்ட நாள் கோரிக்கையாகும். இச்சாலையை சீரமைக்க கோரி ஒரு வருட காலமாக அதிகாரிகளிடம் பலமுறை நான் வலியுறுத்தி வந்தேன். ஆனால் அதிகாரிகள் யாரும் ஒத்துழைப்பு கொடுக்கவில்லை.

அமைச்சர் செந்தில் பாலாஜியிடம் முறையிட்டு, அவரே நேரடியாக அதிகாரிகளிடம் உத்தரவிட்டு, பின்னர் இறுதி முடிவுக்கு வந்தது. கோவை மாநகரில் 144 கிலோ மீட்டர் சாலை பணிகளுக்கு ரூபாய் 211.80 கோடி நிதி ஒதுக்கிய தமிழக முதல்-அமைச்சருக்கு நன்றியை தெரிவித்துக் கொள்கிறேன். போத்தனூர் மக்களின் நீண்ட நாள் கோரிக்கையை நிறைவேற்றிய அமைச்சர் செந்தில் பாலாஜிக்கு பகுதி மக்கள் சார்பாக நன்றியை தெரிவித்துக் கொள்கிறேன். மேலும் இச்சாலை விரிவாக்க பணி துரிதமாக நடைபெற்று விரைவில் பயன்பாட்டிற்கு வரும் என்பதையும் தெரிவிக்கிறேன்.

இவ்வாறு அவர் கூறினார்.