நீங்கள் தேடியது "Salem District"

சேலம்:

சேலம் ராஜகணபதி கோவிலில் வருகிற 18-ந் தேதி முதல் விநாயகர் சதுர்த்தி விழா விமரிசையாக நடைபெற உள்ளது. 18-ந் தேதி அதிகாலை 4 மணி முதல் 6 வரை கணபதி ஹோமம், அபிஷேகம் நடைப்பெற்று ராஜகணபதிக்கு தங்க கவசம் சாத்துப்படி நடைப்பெற உள்ளது.

இந்த விழாவை முன்னிட்டு 18-ந் தேதி முதல் 12 நாட்களுக்கு காலை, மாலையில் மூலமந்திர ஹோமம், லட்சார்ச்சனையும் நடைபெறுகிறது. காலை 10 மணி முதல் 12 மணி வரை மூலவர் சுவாமிக்கு சிறப்பு அபிஷேகம், அலங்காரம், ஆராதனை நடைபெற உள்ளது.

இரவு 8 மணியளவில் தினமும் சிறப்பு அலங்காரத்துடன் சுவாமி திருவீதி புறப்பாடு நடைப்பெறும். மேலும் மாலை வேலையில் ஆன்மிக கலை நிகழ்ச்சிகள் நடைப்பெற உள்ளது.

12-ம் நாள் காலை 7 மணி முதல் 10 மணி வரை மஞ்சள் நீராட்டு, வசந்த உற்சவமும், காலை 10 மணி முதல் 12.30 மணி வரை உற்சவ ஆஸ்தான பூஜைகள், 1008 லிட்டர் பால் அபிஷேகமும் நடைபெறுகிறது. தொடர்ந்து புஷ்பாஞ்சலி மற்றும் அன்னதானம் நடைப்பெற உள்ளது.

எனவே அனைத்து பக்கதர்கள், பொதுமக்கள் இந்த நிகழ்வுகளில் பங்கேற்று இறைவன் அருள் பெற வேண்டும் என அறங்காவலர் குழு தலைவர் சோனா வள்ளியப்பா, அறங்காவலர்கள் மற்றும் கோவில் நிர்வாகத்தினர் கேட்டுக்கொண்டுள்ளனர்.

சேலம்:

சேலம் மாநகர காவல் துறையில் இன்று ஒரே நாளில் போலீஸ் துணை கமிஷனர் உட்பட 7 பேர் ஓய்வு பெறுகிறார்கள்.

அதன்படி, சேலம் மாநகர துணை கமிஷனர் குணசே கரன், மாநகர போலீஸ் கமிஷனரின் நேர்முக உதவி யாளர் மாலதி, நுண்ணறிவு பிரிவு சிறப்பு சப்-இன்ஸ்பெக்டர் கிருஷ்ணன், அம்மாபேட்டை சிறப்பு சப்-இன்ஸ்பெக்டர் சாமி முத்து, கொண்ட லாம்பட்டி சப்-இன்ஸ்பெக்டர் சந்திரசேக ரன், நில அபகரிப்பு பிரிவு சிறப்பு சப்-இன்ஸ்பெக்டர் அமீர்ஜான், போக்குவரத்து பிரிவு சிறப்பு சப்-இன்ஸ் பெக்டர் அழகுவேல் ஆகி யோர் ஓய்வு பெறுகின்றனர். 

சேலம்:

ஆந்திர மாநிலம் சித்தூர் மாவட்டம் பாப்பிசெட்டி பள்ளி அடுத்த ராசன்ன பள்ளி பகுதியைச் சேர்ந்த ஆண்ட்ரூஸ் மகன் இனோ ஆண்ட்ரூஸ் (வயது 41). இவர் மீது கடந்த 2013-ம் ஆண்டு ஈமு கோழி பண்ணை பண மோசடி தொடர்பாக நாமக்கல் மாவட்ட பொருளாதார குற்றப்பிரிவு போலீசாரால் வழக்கு பதிவு செய்யப்பட்டது.

நாமக்கல் கோர்ட்டில் வழக்கு விசாரணை முடிந்து கடந்த 2022-ம் ஆண்டு தண்டனை விதிக்கப்பட்டது. இதன்பின்னர் தலைமறை வான இவரை நாமக்கல் பொருளாதார குற்றப்பிரிவு போலீசார் பல்வேறு இடங்களில் தேடி வந்தனர்.

இந்த நிலையில் சேலம் அன்னதானப்பட்டி போலீஸ் இன்ஸ்பெக்டர் சின்னதங்கம் தலைமை யிலான போலீசார் சீலநா யக்கன்பட்டி பகுதியில் உள்ள விடுதிகளில் வழக்க மான சோதனையை மேற்கொண்டனர். அப்போது ஒரு விடுதியில், நாமக்கல் மாவட்ட பொருளாதார குற்றப்பிரிவு போலீசாரால் தேடப்பட்டு வரும் இனோ ஆண்ட்ரோஸ் இருப்பது தெரியவந்தது.

அதைத் தொடர்ந்து, நாமக்கல் மாவட்ட பொருளாதார குற்றப்பிரிவு போலீசருக்கு தகவல் தெரிவிக்கப்பட்டு, அவர்கள் இன்று காலை சேலத்திற்கு வந்து இனோ ஆண்ட்ரூசை கைது செய்து அழைத்துச் சென்றனர்.

சேலம்:

சேலம் மாவட்டம் ஏற்காட்டுக்கு தமிழகம் மட்டுமின்றி கர்நாடகா, கேரளா, ஆந்திரா உள்ளிட்ட வெளிமாநிலங்களில் இருந்தும்

அதிகப்படியான சுற்றுலா பயணிகள் வந்து செல்கின்றனர். சமீப காலமாக கர்நாடக மாநில சுற்றுலா பயணிகள் வருகை அதிகரித்துள்ளது. இவர்கள், வார விடுமுறை, பண்டிகை நாட்களில் ஏற்காட்டுக்கு அதிகப்படி யான சுற்றுலா பயணிகள் வந்து செல்கின்ற னர். குடும்பத்துடன் காட்டேஜ், ஓட்டல், விடுதி களில் தங்கி தாவரவியல் பூங்கா, ரோஜா பூங்கா, அண்ணா பூங்கா, மான்பூங்கா உள்ளிட்ட வற்றை சுற்றிப் பார்த்து செல்கின்றனர். மேலும், ஏற்காடு படகு இல்லம், சேர்வராயன் கோவில், பக்கோடா பாயிண்ட், லேடிஸ்சீட் காட்சி முனையம் போன்ற இடங்களுக்கு சென்று இயற்கை அழகை ரசிக்கின்றனர்.

பக்ரீத் பண்டிகை விடுமுறையையொட்டி, நேற்று ஏற்காட்டுக்கு சுற்றுலா பயணிகள் வருகை அதிகரித்தது. இதனால், கடைகளில் வியாபாரம் களை கட்டியது. சாலை யோர கடைகளில் விற்பனை மும்முரமாக நடந்தது.அதே சமயம் ஏற்காட்டில் நேற்று காலை முதலே கடும் பனி மூட்டம் காணப்பட்டது. அவ்வப்போது சாரல் மழையும் பெய்தது. இதனால், மலைப்பாதையில் சில இடங்களில் சாரல் மழை பெய்தது. கொண்டை ஊசி வளைவுகளில் பனி மூட்டமும் சூழ்ந்தது.நண்பகல் வேளையில் படகு இல்லம் மற்றும் ஏரி பகுதி, ஒண்டிக்கடை

ரவுண்டானா ஆகிய பகுதிகளில் சாலை தெரியாத அளவிற்கு பனிமூட்டம் படர்ந்திருந்தது. இதனால் அவ்வழியே சென்ற வாகனங்கள் அனைத்தும் முகப்பு விளக்குகளை எரிய விட்டபடி சென்றன.

ஏற்காட்டில் நிலவிய இந்த இதமான சீதோஷண நிலையால் சுற்றுலா வந்த பயணிகள் மகிழ்ச்சிய டைந்தனர். இதேபோல், அருகில் உள்ள வாழப்பாடி சுற்றுவட்டார பகுதிகளில் நேற்று மாலை பரவலாக மழை பெய்தது. இதனால் சாலைகளில் மழைநீர் பெருக்கெடுத்து ஓடியது. மழையால் விவசாயிகள், பொதுமக்கள் மகிழ்ச்சி யடைந்தனர். 

சேலம்:மத்திய அரசு பணியாளர் தேர்வாணையம் (எஸ்.எஸ்.சி), மல்டி டாஸ்கிங் (தொழில் நுட்பம் அல்லாத) பணியாளர்கள் மற்றும் ெஹவில்தார் பணிகளுக்கான தேர்வு- 2022 அறிவிப்பு சமீபத்தில் வெளியிட்டது. இதையடுத்து தேர்வு நாடு முழுவதும் 2 கட்டங்களாக நடத்தப்பட்டது. இதில், சேலம், நாமக்கல்லை சேர்ந்த இளைஞர்கள், இளம்பெண்கள் பலர் எழுதினர். விண்ணப்பதாரர்கள் எழுதிய விடைத்தாள் மற்றும் கேள்விக்கான அதிகாரபூர்வ விடைகள் தேர்வாணையம் வெளி யிட்டுள்ளது. விண்ணப்பதாரர்கள் தங்கள் பதிவு எண் மற்றும் கடவுச்சொல்லைப் பயன்படுத்தி விடைத்தாள் மற்றும் கேள்விக்கான பதில் ஆகியவற்றை பார்வை யிடலாம். இந்த வசதி அடுத்த மாதம் 4-ந்தேதி மாலை 5 மணி வரை வழங்கப்பட்டுள்ளது. அதன் பிறகு காலக்கெடு கிடையாது.

தேர்வாணைய இணையதளத்தில் உள்ள இவற்றின் லிங்க் வசதியை பயன்படுத்தி விண்ணப்ப தாரர்கள் தங்களுக்குரிய பதிலளிப்புத் தாள்களுடன் தற்காலிக விடை குறிப்புகளை பிரிண்ட் எடுத்துக் கொள்ளலாம்.

வாழப்பாடி:

ஆண்டுக்கு ஒருமுறை பூக்கும் அதிசய பிரம்ம கமலம் மலர்கள், வாழப்பாடியில் ஒரு வீட்டு தோட்டத்தில் பூத்து குலுங்கியது. எபிபைலம் ஆக்ஸிபெட்டலம் எனும் தாவரவியல் பெயர் கொண்ட கள்ளி வகையை சேர்ந்த தாவரம், 'பிரம்ம கமலம்' என அழைக்கப்படுகிறது. அமெரிக்காவை தாயகமாக கொண்ட இத்தாவரம், இந்தியாவிலும் பரவலாக காணப்படுகிறது. ஒரு வருடத்திற்கு ஒருமுறை மட்டுமே வெண்ணிறத்தில் நள்ளிரவு நேரத்தில் பூக்கும் அதிசய தன்மையும், தகவமைப்பும் கொண்ட இத்தாவரத்தின் பூக்களுக்குள், பிரம்மா கடவுள் உறங்குவதைப்போல தோற்றம் காணப்படுவதால் பிரம்ம கமலம் என அழைக்கப்படுவதாக கூறப்படுகிறது.ஆன்மீக உணர்வை ஏற்படுத்தும் தோற்றத்திலும், மருத்துவ குணத்தையும் கொண்டதால், 'பிரம்ம கமலம்' பூக்கள் சிறப்பு இடத்தை பெற்றுள்ளது.

இலையை வெட்டி வைத்தாலே வளரும் தன்மையை கொண்டுள்ள பிரம்ம கமலம் மலர்களை, சமீப காலமாக தமிழகத்திலும் பரவலாக விரும்பி வளர்த்து வருகின்றனர். மேலும் இந்த அதிசய பூக்களை தரிசித்தால் நல்ல பலன்கள் கிடைக்கும் என நம்பப்படுகிறது.சேலம் மாவட்டம் வாழப்பாடி சுப்பராயர் தெருவைச் சேர்ந்த லட்சுமி தனபால், பிரம்ம கமலம் செடியை, ஓசூரில் இருந்து வாங்கி வந்து, 2 ஆண்டுகளாக வீட்டு தோட்டத்தில் வளர்த்து வருகிறார்.

இதில் தற்போது மலர்கள் பூத்துள்ளது. இந்த மலர்களை காண இப்பகுதி மக்கள் ஆர்வம் காட்டினர். மேலும் இந்த பிரம்ம காலம் மலர்களை வாழப்பாடி திரவுபதி அம்மன் கோவிலில் அம்மனுக்கு வைத்து சிறப்பு வழிபாடு நடத்தினர்.