நீங்கள் தேடியது "video footage"

நீலாம்பூர், ஜூன்.26-

திருப்பூர் மாவட்டம் வீரபாண்டி அருகே உள்ள புளியங்காட்டை சேர்ந்தவர் ஜெகநாதன் (வயது66). இவரது மனைவி பாக்கி யலட்சுமி(60).

இவர்களுக்கு கவுதம் (31) என்ற மகன் உள்ளார். இவர் சென்னையில் உள்ள ஐ.டி. நிறுவனத்தில் பணியாற்றி வருகிறார்.

தற்போது உறவினர் ஒருவர் வீட்டில் நடக்க உள்ள நிகழ்ச்சியில் பங்கே ற்பதற்காக கவுதம் சிலதின ங்களுக்கு முன்பு புளியங்கா ட்டிற்கு வந்தார்.

நேற்று சிங்காநல்லூரில் உள்ள உறவினர் வீட்டு நிகழ்ச்சியில் பங்கேற்க ஜெகநாதன், அவரது மனைவி பாக்கியலட்சுமி ஒரு மோட்டார் சைக்கிளி லும், கவுதம், தனது மனைவி மற்றும் குழந்தையுடன் மற்றொரு மோட்டார் சைக்கிளிலும் கோவைக்கு புறப்பட்டனர்.

இவர்கள் திருச்சி- கோவை சாலையில் சிந்தா மணிபுதூர் அருகே உள்ள கொச்சி சாலையில் வந்தனர். பின்னர் அந்த சாலையில் வலதுபுறமாக திரும்ப முயன்றனர்.

அந்த சமயம் அவ்வழியாக கேரளாவை நோக்கி வந்த லாரி ஒன்று வேகமாக வந்து ஜெகநாதனின் மோட்டார் சைக்கிள் மீது மோதியது. இதில் கணவன், மனைவி 2 பேரும் தூக்கி வீசப்பட்டு சாலையில் விழுந்தனர்.

அப்போது லாரியின் சக்கரம் அவர்கள் மீது ஏறி இறங்கியதில் தம்பதி 2 பேரும் சம்பவ இடத்திலேயே இறந்து விட்டனர்.

பெற்றோர் தன் கண்முன் விபத்தில் சிக்கி இறந்ததை நேரில் பார்த்த கவுதம் கதறி அழுதார். இந்த அங்கிருந்த வர்களை கண் கலங்க செய்தது.

தகவல் அறிந்த சூலூர் போலீசார் விரைந்து வந்து ஜெகநாதன், பாக்கியலட்சுமி உடலை மீட்டு பிரேத பரிசோ தனைக்காக அனுப்பி வைத்தனர்.

மேலும் வழக்குப்பதிவு செய்து விபத்ைத ஏற்படுத்தி யதாக லாரி டிரைவர் முகமது சாதிக்கிடம் விசா ரணை மேற்கொண்டனர்.

இதற்கிடையே தம்பதி மீது லாரி மோதும் சி.சி.டிவி காட்சிகள் வெளியாகி உள்ளன. அந்த வீடியோ காட்சியில் தம்பதி 2 பேரும் மோட்டார் சைக்கிளில் வலது புறமாக திரும்ப முயற்சிக்கின்றனர்.

அப்போது பின்னால் வரக்கூடிய லாரியை ஓட்டி வந்தவர் சிக்னல் கொடுக்கா மலும், ஹாரன் அடிக்கா மலும் வந்து, இவர்கள் மீது மோதும் காட்சிகளும், கீழே விழும் அவர்கள் மீது லாரி ஏறி இறங்கும் காட்சியும் உள்ளது. இது பார்ப்பவ ர்களுக்கு அதிர்ச்சியையும், சோகத்தையும் ஏற்படுத்தி யது. இது தொடர்பாக அப்பகுதி மக்கள் கூறியதா வது:-

சிந்தாமணி புதூரில் உள்ள கொச்சி பைபாஸ் சாலையில் ஏராளமான விபத்துக்கள் நாள்தோறும் நடைபெற்று வருகிறது.

கடந்த 15 ஆணடுகளாக இங்கு சென்டர் மீடியேட்டர் இல்லாமல் ஒரு வழிப்பாதை இருக்கிறது. இதனால் அடிக்கடி இங்கு விபத்து க்கள் நடந்து வருகிறது.

எனவே விபத்துக்களை தடுக்கும் வகையில் இந்த பகுதியில் சென்டர் மீடியே ட்டர் வைக்க வேண்டும், போக்குவரத்து சீர் செய்யும் பணியில் போலீசாரும் ஈடுபட வேண்டும் என பொதுமக்கள் கோரிக்கை விடுத்துள்ளனர்.

உடுமலை :

உடுமலை அரசு ஆண்கள் மேல்நிலை பள்ளியின் கட்டுப்பாட்டில் நேதாஜி விளையாட்டு மைதானம் உள்ளது.இங்கு கால்பந்து, கூடைப்பந்து,கையுந்துபந்து, ஸ்கேட்டிங்,கிரிக்கெட், ஹாக்கி,ஓட்டப் பந்தயம் உள்ளிட்ட பல்வேறு போட்டிகளில் பங்கேற்க ஆயுத்தமாகும் பள்ளி குழந்தைகள், கல்லூரி மாணவ- மாணவியர்கள் நாள்தோறும் காலை மற்றும் மாலையில் பயிற்சி எடுத்து வருகின்றனர்.

அத்துடன் மண்டல மாநில அளவிலான பல்வேறு விளையாட்டுப் போட்டிகளும் இந்த மைதானத்தில் குறிப்பிட்ட இடைவெளியில் நடைபெற்று வருகிறது. அந்த வகையில் உடுமலை ஸ்போர்ட்ஸ் அகாடமி சார்பில் தென்மாநில அளவிலான கால்பந்து போட்டி கடந்த 26 - ந்தேதி தொடங்கி நடைபெற்று வருகிறது. இதில் தென்தமிழகம் உட்பட கேரளாவில் இருந்து 48 அணிகளாக கால்பந்து வீரர்கள் பங்கேற்று விளையாடி வருகின்றனர்.

போட்டியை பார்வையாளர் பார்த்து ரசிக்கும் விதமாக மைதானத்தில் பிளாஸ்டிக் சீட்டுகளால் கேலரி அமைக்கப்பட்டு இருந்தது. நேற்று முன்தினம் மாலை கால் இறுதிப் போட்டிகள் பரபரப்பாக நடைபெற்றுக் கொண்டு இருந்தது. அப்போது திடீரென இடி,மின்னல், பலத்த காற்றுடன் ஆலங்கட்டி மழை பெய்தது. காற்றின் வேகத்துக்கு தாக்கு பிடிக்க முடியாமல் மைதானத்தில் அமைக்கப்பட்டிருந்த கேலரி மற்றும் சேர்கள் காற்றில் பறந்தது. இதனால் கேலரியில் மழைக்கு ஒதுங்கிய வீரர்கள்,பார்வையாளர்கள் அதிர்ச்சி அடைந்து மைதானத்தின் நாலாபுறமும் சிதறி ஓடினார்கள்.பின்னர் மழை ஓய்ந்த பின்பு அனைவரும் புறப்பட்டு சென்றனர்.

இதனால் போட்டிகள் பாதிக்கப்பட்டது.இந்த சம்பவத்தில் மூவருக்கு லேசான காயம் ஏற்பட்டது.நேற்று வழக்கம் போல் போட்டிகள் நடைபெற்றது. இன்று இறுதிப் போட்டி நடைபெற உள்ளது.அதைத்தொடர்ந்து பரிசளிப்பு விழா நடக்க இருக்கிறது.மைதானத்தில் அமைக்கப்பட்டிருந்த கேலரி காற்றில் பறந்த வீடியோ சமூக வலைதளங்களில் வைரலாகி வருகிறது.

கோவை:

கோவை பீளமேட்டில் விடுதி மாணவிகள் 5 பேரை ஓட்டலுக்கு அழைத்து சென்று விருந்து கொடுத்து பெண் வார்டன் பாலியலுக்கு அழைத்த சம்பவம் அதிர்ச்சியை ஏற்படுத்தியது. இந்த வழக்கில் போலீசாரால் தேடப்பட்ட விடுதி உரிமையாளர் ஜெகநாதன் (45) நெல்லை மாவட்டம் ஆலங்குளத்தில் கிணற்றில் சடலமாக மீட்கப்பட்டார். தலைமறைவான பெண் வார்டன் புனிதா(32) கடந்த 1-ந் தேதி கோவை கோர்ட்டில் சரண் அடைந்தார். அவரை 2 நாள் காவலில் எடுத்து போலீசார் விசாரித்தனர்.

புனிதா போலீசாரிடம் அளித்த வாக்குமூலத்தில் கூறியதாவது:-

நான் கருத்துவேறுபாடு காரணமாக கணவரை பிரிந்தேன். எனக்கு 2குழந்தைகள் உள்ளனர். ஜெகநாதன் கூறியதால் மாணவிகளை ஓட்டலுக்கு விருந்துக்கு அழைத்து சென்று பீர் வாங்கி கொடுத்தேன். மாணவிகள் மறுத்த போது அவர்களை ஜெகநாதனுடன் செல்போனில் ‘வீடியோ கால்’ பேசி ஜாலியாக இருக்குமாறும், அவ்வாறு செய்தால் வசதியாக இருக்கலாம் என கூறி தவறான பாதைக்கு அழைத்தேன்.

இதற்கு முன்பு எந்த பெண்ணையும் ஜெக நாதனுடன் பேச வைக்க வில்லை. முதல் முறையாக பேச வைத்த போது சிக்கலாகி விட்டது. இந்த விவகாரம் தொடர்பாக போலீசில் புகார் செய்யப்பட்டதை அறிந்ததும் நான் தப்பி சென்று உறவினர் வீட்டில் பதுங்கினேன். அப்போது தான் ஜெகநாதன் இறந்தது தெரியவந்தது. அவர் தற்கொலை செய்வார் என எதிர்பார்க்கவில்லை.

என்னிடம் ரூ.10 ஆயிரம் மட்டுமே இருந்தது. இதை வைத்து அதிக நாட்கள் வெளியூரில் தங்கியிருக்க முடியாது என நினைத்தேன். எனது செல்போன் எண் மூலம் போலீசாரும் தேடுவதால் எப்படியும் மாட்டிக் கொள்வேன் என நினைத்து கோர்ட்டில் சரண் அடைந்தேன்.

இவ்வாறு அவர் கூறினார்.

புனிதாவின் வாக்கு மூலத்தை போலீசார் வீடியோவில் பதிவு செய்தனர்.

போலீஸ் காவல் முடிந்து புனிதா நேற்று மாலை 6-வது மாஜிஸ்திரேட்டு கோர்ட்டில் ஆஜர்படுத்தப்பட்டார். அவரை 14-ந் தேதி வரை நீதி மன்ற காவலில் வைக்க மாஜிஸ்திரேட்டு கண்ணன் உத்தரவிட்டார். இதையடுத்து புனிதா கோவை சிறையில் அடைக்கப்பட்டார்.

பெண்களிடம் விடுதி உரிமையாளர் ஜெகநாதன் அத்துமீறி சில்மி‌ஷத்தில் ஈடுபட முயன்ற காட்சிகள் போலீசாருக்கு கிடைத்தன. இந்த காட்சிகள் ஓட்டலில் எடுக்கப்பட்டதா? அல்லது வேறு எங்காவது வைத்து எடுக்கப்பட்டதா? என்பது தெரியவில்லை.

சம்பவத்தன்று ஓட்டலில் என்ன நடந்தது? மாணவிகளுக்கு விருந்து கொடுத்து ஜெகநாதன் அத்துமீறினாரா? என்பதை கண்டுபிடிக்க ஓட்டல் உரிமையாளரை நேரில் வரவழைத்து போலீசார் விசாரணை நடத்தி வருகின்றனர். ஜெகநாதன் பெண்களிடம் அத்து மீறிய வீடியோ காட்சிகளை வழக்கின் முக்கிய ஆதாரமாக கோர்ட்டில் ஒப்படைக்க உள்ளதாக போலீசார் தெரிவித்தனர்.