நீங்கள் தேடியது "செஸ்"

உலக சாம்பியன் குகேஷ்க்கு தமிழ்நாடு அரசு சார்பில் சென்னை கலைவாணர் அரங்கில் பாராட்டு விழா நடைபெற்று வருகிறது. விழாவில் முதல்வர் மு.க.ஸ்டாலின், துணை முதல்வர் உதயநிதி ஸ்டாலின், முன்னாள் உலக செஸ் சாம்பியன் விஸ்வநாதன் ஆனந்த் ஆகியோர் சிறப்பு விருந்தினர்களாகக் கலந்து கொண்டனர்.

விழாவில் உலக செஸ் சாம்பியன்ஷிப் கோப்பையை முதலமைச்சர் மு.க.ஸ்டாலின் கையில் கொடுத்து குகேஷ் வாழ்த்து பெற்றார். பின்னர் மரத்தால் செய்யப்பட்ட செஸ் போர்ட்டை முதலமைச்சருக்கு குகேஷ் பரிசாக வழங்கினார்.

பின்னர் உலக செஸ் சாம்பியன் குகேஷிற்கு 5 கோடி ரூபாய்க்கான காசோலையை முதலமைச்சர் மு.க.ஸ்டாலின் வழங்கினார்.

இதனையடுத்து உரையாற்றிய முதல்வர் மு.க.ஸ்டாலின், 18 வயதில் உலக செஸ் சாம்பியன் பட்டம் வென்ற குகேஷுக்கு புகழ்மாலை சூட்டுகிறேன். நம்ம சென்னை பையன் குகேஷ். செஸ் என்பது வெறும் விளையாட்டு அல்ல. அது அறிவு சார்ந்த விளையாட்டு. திறமை, விடாமுயற்சி, இலக்கை நோக்கிய பயணத்தால் 11 ஆண்டுகளில் இந்த உலக சாதனையை அவர் படைத்துள்ளார். ஒரு குகேஷின் வெற்றி, லட்சக்கணக்கான குகேஷ்களை உருவாக்க வேண்டும்.

விஸ்வநாதன் ஆனந்த் முதல்முறையாக உலக செஸ் சாம்பியன் பட்டம் வென்றபோது அப்போதைய முதல்வர் கலைஞர் கருணாநிதி அவருக்கு சென்னையில் பாராட்டு விழா நடத்தினார். இந்தியாவின் 85 கிராண்ட் மாஸ்டர்களில் 31 பேர் தமிழ்நாட்டைச் சேர்ந்தவர்கள். தமிழ்நாடு அரசு சார்பில் விரைவில் Home of Chess Academy தொடங்கப்படும்.

தமிழக விளையாட்டு வீரர்களை தமிழக அரசு ஊக்குவித்து வருகிறது. பாரீஸ் பாரா ஒலிம்பிக் பதக்கம் வென்ற தமிழக வீரர்களுக்கு 5 கோடி பரிசுத்தொகை வழங்கப்பட்டது.

பொறுமையாக சரியான நகர்வுகள் மூலம் ஆற்றல் குறைவான சிப்பாயைக் கூட சக்திவாய்ந்த ராணியாக மாற்றலாம்.. அதே போல் பொறுமையும், விடாமுயற்சியும் இருந்தால் நிச்சயம் வெற்றிதான். வெற்றி தோல்வி முக்கியம் அல்ல, பங்கேற்புதான் முக்கியம், பங்கேற்பதே பெரிய வெற்றிதான்

விளையாட்டு துறையை சிறப்பாக நடத்தி வரும் உதயநிதிக்கு எனது வாழ்த்துக்கள்" என்று தெரிவித்தார்.

உலக சாம்பியன் குகேஷ்க்கு தமிழ்நாடு அரசு சார்பில் சென்னை கலைவாணர் அரங்கில் பாராட்டு விழா நடைபெற்று வருகிறது. விழாவில் முதல்வர் மு.க.ஸ்டாலின், துணை முதல்வர் உதயநிதி ஸ்டாலின், முன்னாள் உலக செஸ் சாம்பியன் விஸ்வநாதன் ஆனந்த் ஆகியோர் சிறப்பு விருந்தினர்களாகக் கலந்து கொண்டனர்.

விழாவில் உலக செஸ் சாம்பியன்ஷிப் கோப்பையை முதலமைச்சர் மு.க.ஸ்டாலின் கையில் கொடுத்து குகேஷ் வாழ்த்து பெற்றார். பின்னர் மரத்தால் செய்யப்பட்ட செஸ் போர்ட்டை முதலமைச்சருக்கு குகேஷ் பரிசாக வழங்கினார்.

இதனையடுத்து உரையாற்றிய உலக செஸ் சாம்பியன் குகேஷ், "இளம் செஸ் சாம்பியனாக வெற்றி பெற வேண்டும் என்ற எனது கனவு நிறைவேறியுள்ளது.

தமிழ்நாடு அரசின் நிதியுதவி எனது வெற்றி பயணத்துக்கு உறுதுணையாக இருந்தது. வெற்றியுடன் திரும்பும்போதெல்லாம் முதலமைச்சர் வாழ்த்துவது மகிழ்ச்சி தருகிறது

என்னுடைய வெற்றிக்கு தமிழ்நாடு அரசின் பங்கு மிக முக்கியமானது. செஸ் விளையாட்டின் முன்னேற்றத்துக்கு தமிழ்நாடு அரசு அளப்பரிய பணியாற்றுகிறது" என்று தெரிவித்தார்.

உலக சாம்பியன் குகேஷ்க்கு தமிழ்நாடு அரசு சார்பில் சென்னை கலைவாணர் அரங்கில் பாராட்டு விழா நடைபெற்று வருகிறது. விழாவில் முதல்வர் மு.க.ஸ்டாலின், துணை முதல்வர் உதயநிதி ஸ்டாலின், முன்னாள் உலக செஸ் சாம்பியன் விஸ்வநாதன் ஆனந்த் ஆகியோர் சிறப்பு விருந்தினர்களாக கலந்து கொண்டனர்.

விழாவில் உலக செஸ் சாம்பியன்ஷிப் கோப்பையை முதலமைச்சர் மு.க.ஸ்டாலின் கையில் கொடுத்து குகேஷ் வாழ்த்து பெற்றார். பின்னர் மரத்தால் செய்யப்பட்ட செஸ் போர்ட்டை முதலமைச்சருக்கு குகேஷ் பரிசாக வழங்கினார்.

இதனையடுத்து பேசிய துணை முதல்வர் உதயநிதி ஸ்டாலின், "தமிழ்நாட்டில் இருந்து புறப்பட்டு சென்று இப்போது ஒட்டுமொத்த தமிழ்நாட்டையும் இந்திய ஒன்றியத்தையும் உலகமே திரும்பி பார்க்க வைத்து சாதனை படைத்துள்ளார் குகேஷ்.

தனது 18 ஆவது வயதில் 18 ஆவது உலக சாம்பியனாக உயர்ந்துள்ள குகேஷை பார்த்து ஒட்டுமொத்த இந்தியாவும் தமிழ்நாடும் பெருமை கொள்கிறது.

உலக அளவில் செஸ் என்றால் சென்னை. சென்னை என்றால் செஸ் என்பதை மீண்டும் குகேஷின் சாதனை உறுதி செய்துள்ளது.

குகேஷின் பெற்றோர் இளம் வயதிலேயே அவரை ஊக்குவித்து அவரை இந்த அளவிற்குக் கொண்டு வந்துள்ளனர். குகேஷின் சாதனையை நினைத்து அவரது பெற்றோர் மகிழ்வதை போலவே நமது திராவிட மாடல் அரசும் மகிழ்கிறது.

சென்னை செஸ் சாம்பியன்ஷிப் போட்டிக்கு செல்லும் முன்பே நமது திராவிட மாடல் அரசு குகேஷிற்கு ஊக்கத்தொகை வழங்கினார்கள். எத்தனை கோடி கொடுத்தாலும் ஈடாகாத மாபெரும் வெற்றியை வாங்கி வந்துள்ளார்.

அதனால் தான் குகேஷுக்கு வாழ்த்துக்களோடு பரிசுத்தொகையையும் முதல்வர் அறிவித்தார். குகேஷ் இன்னும் பல்வேறு சாதனைகளை படைக்கட்டும். அதற்கு நமது அரசு உடன் நிற்கும். கிரிக்கெட்டை போல குகேஷின் வெற்றி செஸ் விளையாட்டையும் தமிழ்நாட்டின் மூலை முடுக்கெல்லாம் சென்று சேர்த்துள்ளது.

அதன் தொடர்ச்சியாக பல நூறு கிராண்ட் மாஸ்டர்கள் நமது கிராம புறங்களில் இருந்து வருவார்கள். உலகின் செஸ் தலைநகராகச் சென்னை உயரும்" என்று தெரிவித்தார்.

இந்திய கிராண்ட்மாஸ்டர் குகேஷ், நடப்பு சாம்பியன் சீனாவின் டிங் லிரென் இடையிலான உலக செஸ் சாம்பியன்ஷிப் போட்டி சிங்கப்பூரில் நடந்தது. இந்தப் போட்டி 14 சுற்று கொண்டது.

நேற்று முன்தினம் 14-வது மற்றும் கடைசி சுற்று நடைபெற்றது. இதில் குகேஷ் கருப்பு நிற காய்களுடன் விளையாடினார். போட்டி சுமார் 3 மணி நேரத்திற்கும் மேலாக நடைபெற்றது. 58-வது நகர்த்தலில் டிங் லிரெனை வீழ்த்தி குகேஷ் வெற்றி பெற்று உலக சாம்பியன் ஆனார். இதன்மூலம் 18 வயதிலேயே உலக செஸ் சாம்பியனாகி குகேஷ் வரலாறு படைத்துள்ளார்.

இந்நிலையில், உலக செஸ் சாம்பியன்ஷிப் போட்டி குறித்து பேசிய முன்னாள் சாம்பியன் மேக்னஸ் கார்ல்சன், "இது 2 உலக சாம்பியன்ஷிப் போட்டியாளர்களுக்கு இடையிலான போட்டி போல இல்லை" என்று தெரிவித்தார்.

இதனையடுத்து கார்ல்சனின் விமர்சனம் குறித்து பேசிய குகேஷ், " சில போட்டிகளின் தரம் சிறப்பாக இல்லாமல் இருந்திருக்கலாம். ஆனால் உலக சாம்பியன்ஷிப் போட்டிகள் செஸ் திறமைகளால் மட்டுமே தீர்மானிக்கப்படுவதில்லை. யாருக்கு சிறந்த குணம், மன உறுதி உள்ளது என்பதை அடிப்படையாகக் கொண்டு தீர்மானிக்கப்படுகிறது. அந்த குணங்களை நான் மிகச் சிறப்பாக வெளிப்படுத்தினேன் என்று நினைக்கிறேன்" என்று தெரிவித்துள்ளார். 

புதுடெல்லி:

இந்திய கிராண்ட்மாஸ்டர் குகேஷ், நடப்பு சாம்பியன் சீனாவின் டிங் லிரென் இடையிலான உலக செஸ் சாம்பியன்ஷிப் போட்டி சிங்கப்பூரில் நடந்தது. இந்தப் போட்டி 14 சுற்று கொண்டது.

நேற்று முன்தினம் 14-வது மற்றும் கடைசி சுற்று நடைபெற்றது. இதில் குகேஷ் கருப்பு நிற காய்களுடன் விளையாடினார். போட்டி சுமார் 3 மணி நேரத்திற்கும் மேலாக நடைபெற்றது. 58-வது நகர்த்தலில் டிங் லிரெனை வீழ்த்தி குகேஷ் வெற்றி பெற்று உலக சாம்பியன் ஆனார். இதன்மூலம் 18 வயதிலேயே உலக செஸ் சாம்பியனாகி குகேஷ் வரலாறு படைத்துள்ளார்.

வெற்றிக்குப் பிறகு குகேஷ் பேசுகையில், உலகின் சிறந்த வீரருக்கு எதிராக என்னை சோதிக்க விரும்புகிறேன் என்றார்.

இந்நிலையில், உலக செஸ் சாம்பியன் பட்டம் வென்ற குகேஷுக்கு, முன்னாள் உலக செஸ் சாம்பியனும், நம்பர் ஒன் வீரருமான மேக்னஸ் கார்ல்சன் பாராட்டு தெரிவித்துள்ளார் .

இதுதொடர்பாக மேகன்ஸ் கார்ல்சன் யூடியூப் சேனலுக்கு அளித்த பேட்டியில் கூறியதாவது:

நான் இனி இந்த சர்க்கசின் ஒரு பகுதியாக இல்லை. குகேஷுடன் மோதுவதில் எனக்கு விருப்பம் இல்லை.

குகேஷ் செய்தது நம்பமுடியாத சாதனையாகும் குகேஷ் வெற்றி பெறுவார் என்று பலரும் எதிர்பார்த்த நிறைய சுற்று ஆட்டங்கள் டிராவில் முடிந்தன.

குகேஷ் வெற்றிக்காக தெளிவாக போராடினார். விளையாட்டை உயிர்ப்புடன் வைத்திருக்க அவர் ஒரு சிறந்த வேலையைச் செய்தார் என நான் நினைக்கிறேன்.

லிரென் கடைசி வரை நம்பிக்கையோடு காணப்பட்டாலும் குகேஷ் அதிரடியாக வெற்றியை வசப்படுத்தினார். இந்த வெற்றி குகேசுக்கு நல்ல உத்வேகம் அளித்திருக்கும்.

தற்போது அவர் தரவரிசையில் 2-வது இடத்தை பிடிப்பார் என்று நினைக்கிறேன். அவர் வருங்காலத்தில் நம்பர் ஒன் இடத்தையும் கைப்பற்றுவார் என தெரிவித்தார்.

குளோபல் செஸ் லீக் போட்டியில் ஐநது முறை உலக சாம்பியன் பட்டம் வென்ற மேக்னஸ் கார்சல் அணியான ஆல்பின் எஸ்.ஜி. பைப்பர்ஸ் அணியில் டேனியல் தர்தா (Daniel Dardha) இடம் பிடித்திருந்தார். இவர் இந்திய வீரர் நிஹல் சரினை எதிர்த்து விளையாடினார்.

இந்த போட்டியின்போது நிஹல் சரின் பலமுறை விதிமுறைக்கு மாறாக காய்களை நகர்த்தியதாக மேக்னஸ் கார்ல்சன் குற்றம்சாட்டியிருந்தார். அவரது அணியின் கேப்டன் அதிகாரப்பூர்வமாக புகார் அளித்திருந்தார்.

இது தொடர்பாக தொடரின் மூன்று பேர் கொண்ட அப்பீல் கமிட்டி விசாரணை மேற்கொண்டது. அப்போது நிஹல் சரின் விளையாட்டு விதிமுறைக்கு மாறாக காய் நகர்த்தல் ஏதும் செய்யவில்லை. இந்த போட்டி டிராவில் முடிந்தது. இந்த முடிவு உறுதியானது எனத் தெரிவித்துள்ளது.

அதேவேளையில் இந்த போட்டியின்போது ஒருவேளை விதிமுறையை மீறும் சூழ்நிலை உருவாகியிருக்கலாம் எனத் தெரிவித்தள்ளது. நடுவர் தலையிட்டிருக்க வேண்டும் எனவும் அந்த கமிட்டி தெரிவித்துள்ளது.

விளையாட்டின்போது வீரர்கள் சதுரங்கத்திற்குள் காய்களை விட அனுமதி கிடையாது. ஆனால் ஹரின் சதுரங்கத்திற்குள் காய்களை வைத்திருந்ததாக குற்றம்சாட்டினார்.

இதில் விதிமுறை மீறல் நகர்த்தல் ஏதும் இல்லை. ஆனால், காய்களை சதுரங்கத்தில் விட்டுவிட்டு, நேரத்திற்கான பட்டனை அழுத்த்திய போது விதிமுறை மீறல் தூண்டுதலை பெற்றிருக்கிலாம். போட்டியின்போது நடுவர் தலையிட்டியிருக்க வேண்டும்.

இது தொடர்பாக கார்ல்சென் தனது எக்ஸ் பக்கத்தில் "நிஹல் பல விதிமுறை மீறல் நகர்த்தலை மேற்கொண்டார். நடுவர் எந்த நடவடிக்கையும் எடுக்கவில்லை. தீவிர விளையாட்டாக எடுத்துக்கொள்ளாதது துரதிருஷ்டம்" எனக் குறிப்பிட்டுள்ளார்.

பைப்பர்ஸ் அணியின் கேப்டன் பிரவின் திப்சே அதிகாரப்பூர்வமாக புகார் அளித்திருந்தார்.

ஒட்டுமொத்தமாக பிபிஜி (PBG) அலாஸ்கன் நைட்ஸ் அணி 9-7 என்ற கணக்கில் வெற்றி பெற்றது.

செஸ் விளையாட்டில் மிகப்பெரிய போட்டியான செஸ் ஒலிம்பியாட் 2 ஆண்டுக்கு ஒரு முறை நடத்தப்படுகிறது. 44-வது செஸ் ஒலிம்பியாட் கடந்த 2022-ம் ஆண்டு சென்னையை அடுத்த மாமல்லபுரத்தில் மிக குறுகிய காலத்தில் தமிழக அரசு சார்பில் வெற்றிகரமாக நடத்தப்பட்டது.

இந்த நிலையில் 45-வது செஸ் ஒலிம்பியாட் போட்டி ஹங்கேரி தலைநகர் புடாபெஸ்டில் நேற்று தொடங்கி 23-ந்தேதி வரை நடக்கிறது. சாதனை எண்ணிக்கையாக ஓபன் பிரிவில் 197 அணிகளும் 975 வீரர்களும், பெண்கள் பிரிவில் 183 அணிகளும் 909 வீராங்கனைகளும் பங்கேற்கின்றன.

மொத்தம் 11 சுற்றுகளாக நடத்தப்படுகிறது. ஒவ்வொரு சுற்றிலும் வெற்றி பெறும் அணிக்கு 2 புள்ளியும், டிராவுக்கு தலா ஒரு புள்ளியும் வழங்கப்படும். 11 சுற்று முடிவில் முதல் 3 இடங்களை பிடிக்கும் அணிகளுக்கு முறையே தங்கம், வெள்ளி, வெண்கலப்பதக்கம் அளிக்கப்படும்.

இந்நிலையில் செஸ் போட்டியில் இந்திய ஆண்கள் அணி தொடக்க ஆட்டத்தில் மொராக்கோவை எதிர்கொண்டது. இதில் 4-0 என்ற கணக்கில் இந்தியா வெற்றிபெற்றது. இந்திய பெண்கள் அணி முதல் ஆட்டத்தில் 3.5-0.5 என்ற கணக்கில் ஜமைக்காவை தோற்கடித்தது.

கர்நாடக மாநில அரசு சினிமா டிக்கெட்டுகள், சினிமா தொடர்பான ஓடிடி சந்தா கட்டணம், கலாச்சார கலைஞர்கள் வருமானத்தின் மீது இரண்டு சதவீதம் செஸ் வரி விதிக்க பரிசீலனை செய்து வருகிறது.

மாநில அரசால் மூன்று வருடத்திற்கு ஒருமுறை ஒன்றில் இருந்து இரண்டு சதவீதம் வரை செஸ் திருத்தப்படும். இந்த செஸ் வரி சினிமா டிக்கெட்டுகள், ஓடிடி சந்தாக்கள், கர்நாடகாவில் உள்ள நிறுவனங்களில் இருந்து கிடைக்கும் வருவாய்க்கு ஆகியவற்றிற்கு இந்த செஸ் வரி பொருந்தும். கர்நாடக சினிமா மற்றும் கலாச்சார ஆர்வலர்கள் (நலன்) மசோதா வெள்ளிக்கிழமை சட்டசபையில் அறிமுகப்படுத்தப்பட்டது.

ஏழு உறுப்பினர்களைக் கொண்ட நல வாரியத்தை அமைப்பது மற்றும் நிதியளிப்புத் திட்டங்களுக்கான நிதியை நிறுவுவதை இந்த மசோதா வலியுறுத்துகிறது.

இந்த மசோதா திரைப்படத் துறையில் ஒரு கலைஞராக (நடிகர், இசைக்கலைஞர், நடனக் கலைஞர், முதலியன) அல்லது மேற்பார்வை, தொழில்நுட்பம், கலை ஆகியவற்றில் பணிபுரியும் எந்தவொரு நபரும் ஒரு சினிமா மற்றும் கலாச்சார ஆர்வலராகக் கருதப்படுவார் எனக் கூறுகிறது.

நெதர்லாந்தில் நடைபெற்ற செஸ் தொடரில் இந்திய இளம் வீராங்கனை திவ்யா தேஷ்முக் 12-ம் இடம் பிடித்தார். 18 வயதான அவர் இது போன்று வெற்றி பெறுவதை தனது சமூக வலைதள பக்கத்தில் பதிவிடுவது வழக்காமக கொண்டிருந்தார்.

இந்நிலையில் இதற்கு பலர் பாலியல் சார்ந்த சர்ச்சை கூறிய கருத்துக்களை பதிவிடுவதாக அவர் வருத்தத்துடன் கூறினார்.

இது குறித்து திவ்யா தேஷ்முக் கூறியதாவது:-

நான் விளையாடிய போட்டிகளில் சில முக்கிய நகர்வுகளை செய்தேன். இதனால் என்னைப்பற்றி நானே பெருமையும் பட்டேன். ஆனால் பார்வையாளர்கள் அதை பற்றி எந்த அக்கறையும் கொள்ளவில்லை.

மாறாக எனது உடை, முடி, வார்த்தை உச்சரிப்பு உள்ளிட்ட பிற தேவையில்லா விஷயங்களை கவனிக்கின்றனர். தொடர்ந்து இது போன்ற கருத்துக்களை சந்தித்து வருகிறேன். இதனால் நான் மிகவும் வருத்தமடைந்தேன்.

செஸ் விளையாட்டில் வீரர்களுக்கு நிகராக வீராங்கனைகள் பாராட்டுகளை பெறுவதில்லை. பெண்கள் சிறப்பாக செஸ் விளையாடினாலும், பார்வையாளர்கள் அவர்களின் திறமையை கவனிக்காமல் இருப்பது சோகமான உண்மையாக இருக்கிறது.

இவ்வாறு அவர் கூறினார். 

பாகு:

அஜர்பைஜான் தலைநகர் பாகு நகரில் நடந்த உலகக் கோப்பை செஸ் போட்டியின் இறுதி ஆட்டத்தில் இந்தியாவின் பிரக்ஞானந்தா, 'நம்பர் ஒன்' வீரர் மாக்னஸ் கார்ல்செனிடம் (நார்வே) தோல்வியை தழுவினார். இதன் டைபிரேக்கரில் முதல் ஆட்டத்தில் வெற்றி பெற்ற கார்ல்சென் அடுத்த ஆட்டத்தில் 'டிரா' செய்து உலக் கோப்பையில் மகுடம் சூடினார்.

தோல்வி அடைந்தாலும் சர்வதேச செஸ் அரங்கில் ஜாம்பவனாக திகழும் கார்ல்செனுக்கு எதிராக பிரக்ஞானந்தா தைரியமாக போராடிய விதம் ரசிகர்களின் இதயங்களை தொட்டது. பாராட்டுகளும் குவிந்தன. விஸ்வநாதன் ஆனந்துக்கு பிறகு இந்த போட்டியில் இறுதி சுற்றை எட்டிய முதல் இந்தியர் என்ற பெருமையை பெற்ற பிரக்ஞானந்தாவுக்கு வெள்ளிப்பதக்கம் கிடைத்தது.

சென்னையை சேர்ந்த 18 வயதான பிரக்ஞானந்தா தற்போது 12-ம் வகுப்பு படித்து வருகிறார். அவருடன் அவரது தாயார் நாகலட்சுமியும் உடன் சென்றுள்ளார். தந்தை மாற்றுத்திறனாளி என்பதால் பிரக்ஞானந்தாவை போட்டி நடக்கும் எல்லா இடங்களுக்கும் அழைத்து செல்வது அவரது தாயார் தான். அவர் இந்த நிலைக்கு உயர்ந்திருப்பதற்கு நாகலட்சுமியின் பங்களிப்பு அளப்பரியது.

இந்நிலையில் செஸ் புகைப்பட கலைஞர் மரியா பிரக்ஞானந்தாவின் தாயாருக்கு சமூக வலைதள பக்கத்தில் புகழாரம் சூட்டியுள்ளார். அந்த பதிவில் லெஜண்ட் மற்றும் அவரது மகனுடன் செல்பி எடுத்துக் கொண்டேன் என பதிவிட்டுள்ளார்.

செஸ் விளையாடிய பிரக்ஞானந்தாவை அனைவரும் பாராட்டி வரும் நிலையில் அவரது அம்மாவுக்கு புகழாரம் சூட்டியது நெகிழ்ச்சியை ஏற்படுத்தி உள்ளது.

உலகக்கோப்பை செஸ் போட்டி அசர்பைஜான் நாட்டின் பெக்கு நகரில் நடைபெற்று வருகிறது. கடந்த ஜூலை 30-ம் தேதி தொடங்கிய இந்த தொடர் இன்றுடம் முடிகிறது. இதில் 206 விளையாட்டு வீரர்கள் பங்கேற்றுள்ளனர். இந்திய கிராண்ட் மாஸ்டரான சென்னையை சேர்ந்த பிரக்ஞானந்தா உலக தரவரிசையில் 3-வது இடத்தில் உள்ள அமெரிக்காவின் பேபியானோ கருவானாவுடன் மோதினார்.

முதல் ஆட்டத்தில் கருப்பு நிற காய்களுடன் விளையாடிய பிரக்ஞானந்தா 78-வது காய் நகர்த்தலில் டிரா செய்தார். அரையிறுதி சுற்றின் 2-வது ஆட்டத்தில் வெள்ளை நிற காய்களுடன் பிரக்ஞானந்தா ஆடினார். 47-வது காய் நகர்த்தலுக்கு பிறகு இந்த ஆட்டமும் 'டிரா' ஆனது.

இரு ஆட்டங்களும் 'டிரா' ஆனதால் வெற்றியை தீர்மானிக்க டைபிரேக்கர் ஆட்டம் நடந்தது. இதில், உலகின் மூன்றாம் நிலை வீரரான பேபியானோ கருவானாவை அரை இறுதி போட்டியில் வீழ்த்தி இறுதி போட்டிக்கு பிரக்ஞானந்தா முன்னேறினார். இதனைத்தொடர்ந்து இறுதி போட்டியில் நார்வே வீரர் மேக்னஸ் கார்ல்சென்னை எதிர்த்து பிரக்ஞானந்தா விளையாட உள்ளார்.

இந்நிலையில் பிரக்ஞானந்தா தாய்க்கு வாழ்த்துக்களை தெரிவிக்க வேண்டும் என இந்தோனேசியா செஸ் வீராங்கனை ஐரின் சுகந்தர் தெரிவித்துள்ளார்.

இது குறித்து அவர் கூறியதாவது:-

உலக கோப்பை செஸ் இறுதிப்போட்டிக்கு முன்னேறியுள்ள பிரக்ஞானந்தாவுக்கு எனது வாழ்த்துக்கள். ஆனால் அவரின் பெருமைமிக்க தாய்க்கும் வாழ்த்துக்களை தெரிவிக்க வேண்டும். அவர் இல்லாமல் இது எதுவும் நடந்திருக்காது.

இவ்வாறு அவர் கூறினார்.