பராசக்தி படத்தை பற்றி சுவாரசிய தகவல்களை பகிர்ந்த தயாரிப்பாளர் ஆகாஷ் பாஸ்கரன்

ராஜ்குமார் பெரியசாமி இயக்கத்தில், சிவகார்த்திகேயன் நடிப்பில் வெளியான அமரன் திரைப்படம் மக்களிடம் நல்ல வரவேற்பை பெற்று சுமார் ரூ.300 கோடிக்கும் அதிகமாக வசூலித்தது.

இதனையடுத்து, சுதா கொங்கரா இயக்கத்தில் சிவகார்த்திகேயன் தனது 25-வது படமாக பராசக்தி திரைப்படத்தில் நடித்து வருகிறார். இப்படத்தை Dawn Pictures தயாரிக்கிறது.

இந்த படத்தில் அதர்வா முக்கிய கதாபாத்திரத்தில் நடிக்கிறார். நாயகியாக ஸ்ரீலீலா நடிக்கிறார். இப்படத்திற்கு ஜிவி பிரகாஷ் இசையமைக்கிறார். ரவி மோகன் இப்படத்தில் வில்லனாக நடிக்கிறார்.

இப்படம் சிவகார்த்திகேயனுக்கு 25வது படமாகவும், ஜி.வி.பிரகாஷ்க்கு 100வது படமாகவும் இப்படம் அமைகிறது. சுமார் ரூ.150 கோடி பட்ஜெட்டில் இந்த படம் உருவாகிறது.

இந்நிலையில், இப்படத்தின் டைட்டில் வீடியோவை படக்குழு நேற்று வெளியிட்டது. படத்தின் டைட்டில் டீசர் வீடியோ மற்றும் ஃபர்ஸ்ட்லுக் போஸ்டர் இணையத்தில் வைரலானது. இப்படம் இந்தி திணிப்பு போராட்டத்தை மையமாக வைத்து உருவாகிவரும் திரைப்படமாகும்.

இந்நிலையில் இப்படத்தை குறித்து படத்தின் தயாரிப்பாளரான ஆகாஷ் பாஸ்கரன் சில சுவாரசிய விஷ்யங்களை பகிர்ந்துள்ளார் அதில் " பராசக்தி என்ற படத்தின் தலைப்பிற்கு நியாயம் சேர்க்கும் விஷயமாக இப்படம் அமையும். ஜிவி பிரகாஷ் இப்படத்திற்கு 5 பாடல்கள் இசையமைத்துள்ளார். அதில் 2 பாடல்களுக்கான படப்பிடிப்பு ஏற்கனவே முடிவடைந்தது. 1950-60 களில் நடக்கும் கதைக்களமாக அமைந்துள்ளது. திரைப்படம் சென்னை, புதுச்சேரி மற்றும் சிதம்பரம் ஆகிய பகுதிகளில் படமாக்கப்படவுள்ளது. மொத்த படப்பிடிப்பும் ஜூலை மாத இறுதிக்குள் நிறைவடையும் என எதிர்ப்பார்க்கப்படுகிறது" என கூறியுள்ளார்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.