null
சுராஜ் Rocked.. வீர தீர சூரன் படக்குழு Shocked - படக்குழு கலகல பேச்சு
- சித்தா' பட இயக்குனர் அருண் குமார் இயக்கத்தில் விக்ரம் அவரது 62-வது படமாக 'வீர தீர சூரன்' படத்தில் நடித்துள்ளார்.
- 'வீர தீர சூரன்' படம் மார்ச் 27 ஆம் தேதி வெளியாகவுள்ளது
சித்தா' பட இயக்குனர் அருண் குமார் இயக்கத்தில் விக்ரம் அவரது 62-வது படமாக 'வீர தீர சூரன்' படத்தில் நடித்துள்ளார்.
இப்படத்தில் எஸ்.ஜே.சூர்யா, சுராஜ் வெஞ்சராமுடு, சித்திக், துஷரா விஜயன் உள்ளிட்டோர் முக்கிய கதாபாத்திரத்தில் நடித்துள்ளனர். ரியா ஷிபு தயாரித்துள்ள இப்படத்திற்கு ஜி.வி.பிரகாஷ் இசையமைத்துள்ளார்.
மதுரையை கதைக்களமாக கொண்டு உருவாக்கப்பட்டுள்ள இப்படத்தின் டீசர் சில மாதங்களுக்கு முன் வெளியாகி மக்களிடையே நல்ல வரவேற்பை பெற்றது. விவேக் வரிகளில் ஹரிசரண் மற்றும் ஷ்வேதா மோகன் இணைந்து பாடிய படத்தின் முதல் பாடலான கல்லூரும் பாடலின் லிரிக் வீடியோ வெளியாகி வரவேற்பை பெற்றது.
'வீர தீர சூரன்' படம் மார்ச் 27 ஆம் தேதி வெளியாகவுள்ளது. திரைப்படத்தின் டிரெய்லர் மற்றும் இசை வெளியீட்டு விழா வரும் 20 ஆம் தேதி மாலை 7 மணிக்கு வேல் டெக் பல்கழைகளத்தில் நடைப்பெற இருக்கிறது.
இந்நிலையில் படக்குழு ப்ரோமோஷன் பணிகளில் ஈடுப்பட்டு வருகின்றனர் சமீபத்தில் நடந்த நேர்காணலில் சுராஜ், அருண்குமார், எஸ்.ஜே சூர்யா, விக்ரம் மற்றும் துஷாரா விஜயன் கலந்துக் கொண்டனர்.
அதில் மலையாள நடிகரான சுராஜ் வெஞ்சரமுடு பல விஷயங்களை அவரது பாணியில் நகைச்சுவையாக பேசினார். அந்த வீடியோக்கள் தற்பொழுது இணையத்தில் வைரலாகி வருகிறது.
அதில் அவர் கூறியது " விக்ரம் சார் தான் என்னோட இன்ஸ்பிரேஷன். நான் முதல் முதல்ல ஒரு நடிகரோடு புகைப்படம் எடுத்தது விக்ரம் சாரோட தான். மேலும் அருண்குமார் வீர தீர சூரன் திரைப்பட கதையை கூறும் போது அவருக்கு தமிழ் தெரியாததால் அருண் கூறியது எதுவுமே புரியாமல் கதை என்னவென்று தெரியாமலே படத்திற்கு ஒகே சொன்னேன். படப்பிடிப்பில் நடந்த நகைச்சுவை விஷயங்கள் அனைத்தையும் பகிர்ந்து அனைவரையும் சிரிக்க வைத்துள்ளார்"