கதாபாத்திரத்தை கிண்டலடித்த விஜய் பட நடிகைக்கு பதிலடி கொடுத்த நயன்தாரா

நயன்தாரா நடிப்பில் கனெக்ட் திரைப்படம் இன்று வெளியாகி நல்ல வரவேற்பை பெற்று வருகிறது. இப்படத்தின் புரொமோஷனுக்கா தாரா பேட்டியளித்திருந்தார். அதில், சமீபத்தில் ஒரு நடிகையின் பேட்டியை பார்த்தேன், என் பெயரை சொல்லவில்லை. ஆனால் என்னைப்பற்றி தான் சொல்லி இருந்தார். ஒரு ஹாஸ்பிடல் சீனில் தலைமுடி, லிப்ஸ்டிக் என அப்படியே பஃல் மேக்கப்பில் இருந்தாங்க, எப்படி ஒரு ஹாஸ்பிடல் சீன்ல இப்படி நடிச்சாங்க என்று தெரியவில்லை என்று சொல்லி இருந்தாங்க.

அதற்காக ஹாஸ்பிடல் சீனில் தலைமுடியை விரித்துப் போட்டுக்கொண்டு தான் நடிக்க வேண்டும் என்ற அவசியம் இல்லையே. கமர்ஷியல் பிலிம், ரியலிஸ்டிக் பிலிம்னு இருக்கு. ரியலிஸ்டிக் பிலிம்ல அதற்கு ஏற்றமாதிரி அனைத்தும் கவனத்துடன் செயப்படும். ஆனால், அவங்க சொன்னது கமர்ஷியல் பிலிம்பில் பற்றிதான். அந்த சீனுக்கு நான் சோகமாகத்தான் மேக்கப் போட்டுக்கொண்டு போனேன், ஆனால் என் இயக்குனர் எதுக்கு இவ்வளவு சோகம் தேவையில்லை என்றார். ஏன் என்றால் அது கமர்ஷியல் பிலிம் என்று நயன்தாரா பேசினார்.

நயன்தாராவை கேலி செய்த நடிகை பேசிய வீடியோவை ரசிகர்கள் தேடி கண்டு பிடித்து இணையத்தில் பதிவிட்டுள்ளனர். மாஸ்டர் படத்தில் நடித்த மாளவிகா மோகனன் தான் நயன்தாராவை இதுப்போன்று கேலி செய்துள்ளார். இதனால் ரசிகர்கள் பல விதமான கருத்துக்களை இணையத்தில் பகிர்ந்து வருகின்றனர்.